Ĩsaya 41:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ ĩnywe nahamba oko syondũlĩ syʼekihugo, abo nabirikira oko syondũlĩ syʼehali syakyo, kandi monababwira nyiti, Uwe uli mugombe wage, nabiriyisoga we sinditakugana;

Ĩsaya 41:9 Iomraidhean Croise

Esyonyimbo 135:4

Kusangwa Omwami Mukulu mwayisoga Yakobo busana naye, Nʼabandu ba Ĩsraelĩ busana naye ĩyowene.

Esyonyimbo 94:14

Omwami Mukulu siendisyagana abandu buwe, Sĩendĩsyasĩganĩa ekihanda kiwe.

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 14:1

Omugulu Omwami Mukulu asyaganyira Yakobo, nʼeriswayisoga Ĩsraelĩ, nʼerĩhĩrabo omo kihugo kyabokyabo. Neryo abʼehandi basyayitomeka kubo nabo basyamatana oko kĩtũnga kya Yakobo.

Ĩsaya 41:2

Nindi abĩrĩhanganĩa omundu muguma oyũkalũa eyo eryuba likahuluka, oyukabirikira omo litunganene oko bisando biwe kwehĩ? Akamũkĩndĩra ebihanda embere siwe, akamũtabalaya endata wʼabami. Akahabo babye ngʼolũtũtũ omo mũyalĩ wuwe, ngʼesyombuba sĩkagũlũkĩbawa oko buta buwe.

Ĩsaya 41:8

Nĩkwa uwe Ĩsraelĩ, omugombe wage, Yakobo oyo nayisoga, omwana wa Abrahamũ omwĩra wage,

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 44:1

Nĩkwa lino uwe Yakobo, omugombe wage uhulikirire lino, na Ĩsraelĩ, oyo nayisoga.

Ĩsaya 45:4

Busana na Yakobo omugombe wage, na busana na Ĩsraelĩ oyo wayisogawa wage, nabirikubirikira omo lĩna lyawe nibya, nabirikuha erĩna lyʼerĩsĩkĩbwa, nomo wangabya ĩsũnyasĩ.

Malakĩ 1:2

Omwami Mukulu ati, Nabiribanza. Nĩkwa mũkabũga muti, Wabiritwanza umu kyahi kwehĩ? Esaũ siabya mugala wabo Yakobo kwehĩ? Omwami Mukulu ati, Nabirianza Yakobo;

Luka 13:29

Abandu basyalũa eyo eryuba likahulukira, nʼeyo likalengera, nʼoko Lutambi lwʼeNdata, nʼoko Lutambi lwʼeYĩkwa, basyĩkala oko mesa okwʼirya omo Bwami bwa Nyamuhanga.

Eryibuka Ebihano 14:2

Kusangwa muli kihanda kĩbũyĩrĩre busana nʼOmwami Mukulu Nyamuhanga wenyũ, kandi Omwami Mukulu abiriyisoga nywe eribya kihanda busana naye ĩyowene-wene, omo bihanda byosĩ ebiri muna-kihugo.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

Eribisurirwa 5:9

Nabo mobimba Olwimbo luhya-luhya bati, Uwe utolere erihamba ekitabu Nʼerĩtwa ebĩbohĩ byakyo. Kusangwa wakerawa, kandi omo musasi wawe Mowagula abandu busana na Nyamuhanga, Omo buli kihanda, nʼobuli mũbũge, nʼobuli bandu, nʼobuli kĩtũnga.

1 Samwelĩ 12:22

Kusangwa Omwami Mukulu sĩendĩsyasĩganĩa bandu buwe, busana nʼerĩna liwe lĩnene, kusangwa kyabĩrĩtsemesya Omwami Mukulu eribayira mo bandu buwe busana naye.