Ĩsaya 41:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nĩkwa uwe Ĩsraelĩ, omugombe wage, Yakobo oyo nayisoga, omwana wa Abrahamũ omwĩra wage,

Ĩsaya 41:8 Iomraidhean Croise

1 Emyatsi yʼEmigulu 16:13

Ĩnywe lubuto lwʼomugombe wuwe Ĩsraelĩ, Ĩnywe bana ba Yakobo, abayisogawa buwe.

2 Emyatsi yʼEmigulu 20:7

Uwe Nyamuhanga wetu, uwe utahiga esyondũlanĩ syʼekihugo ekĩ embere syʼabandu bawe Ĩsraelĩ kwehĩ, nʼerihakyo kera na kera oko bana bʼomwĩra wawe Abrahamũ kwehĩ?

Esyonyimbo 105:6

Ĩnywe bana ba Abrahamũ, omugombe wuwe, Ĩnywe bana ba Yakobo, oyo ayisoga, Mwibuke ebitiko-tiko biwe bikulu nʼebyʼeriswekera, Nʼeritswera eryo atswera.

Esyonyimbo 135:4

Kusangwa Omwami Mukulu mwayisoga Yakobo busana naye, Nʼabandu ba Ĩsraelĩ busana naye ĩyowene.

Esyonyimbo 136:21

Mwaha ebihugo byabo oko bandu buwe; Olwanzo luwe olutyusa lukakota.

Esyonyimbo 136:22

Mwahakyo uku Ĩsraelĩ, omugombe wuwe; Olwanzo luwe olutyusa lukakota.

Esyonyimbo 33:12

Obutseme buli oko kihanda ekiwite Nyamuhanga mo Mwami Mukulu; Obutseme buli oko bandu abiriyisoga mo bandu buwe.

Ĩsaya 14:1

Omugulu Omwami Mukulu asyaganyira Yakobo, nʼeriswayisoga Ĩsraelĩ, nʼerĩhĩrabo omo kihugo kyabokyabo. Neryo abʼehandi basyayitomeka kubo nabo basyamatana oko kĩtũnga kya Yakobo.

Ĩsaya 29:22

Neryo Omwami Mukulu oyo watongolaya Abrahamũ, akabũga, busana nʼekĩtũnga kya Yakobo ati, Yakobo siendisyahemulwa, kutse obũsũ buwe sĩbwendĩsyatsĩgũka.

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 42:19

Nindi yo ndĩmatĩme, si yo mugombe wage kwehĩ? Kutse si yo mutsiha mukwenda wage oyo ngatuma kwehĩ? Nindi yo ndĩmatĩme ngʼoyuli nʼobuholo haguma nage kutse endĩmatĩme nindi yute ngʼomugombe wʼOmwami Mukulu kwehĩ?

Ĩsaya 43:1

Nĩkwa lino Omwami Mukulu, oyo wakuhangika ati, uwe Yakobo, nʼoyo wakubumba, uwe Ĩsraelĩ ati: Sigubahe, kusangwa nabĩrĩkũtongolya. Nabirikubirikira omo lĩna lyawe. Uli wage!

Ĩsaya 43:10

Omwami Mukulu ati, Ĩnywe muli balangĩrĩ bage, nʼomugombe wage oyo nabiriyisoga, imwatoka eriminya nʼerĩnyĩkĩrĩrya, nʼeriminya kwʼindi ye. Embere syage sihahangikawa Nyamuhanga, kutse enyũma wage sihendisyabya nʼomuguma.

Ĩsaya 43:5

Sigubahe, kusangwa indi haguma nawe. Nasyaleta abana bawe erĩlũa eyo eryuba likahuluka, kandi nasyakũhĩndanĩa eyo eryuba likalengera.

Ĩsaya 44:21

Uwe Yakobo, Ĩsraelĩ, Wibuke emyatsi eyĩ, kusangwa uli mugombe wage. Nabirikubumba. Uli mugombe wage. Uwe Ĩsraelĩ, sindiendisyakwibirirwa.

Ĩsaya 45:4

Busana na Yakobo omugombe wage, na busana na Ĩsraelĩ oyo wayisogawa wage, nabirikubirikira omo lĩna lyawe nibya, nabirikuha erĩna lyʼerĩsĩkĩbwa, nomo wangabya ĩsũnyasĩ.

Ĩsaya 48:12

Uwe Yakobo na Ĩsraelĩ oyo nabirikira, munyihulikirire. Ĩngye indi ye; ĩngye indi wʼerĩtsũka, ĩngye indi wʼendũlĩ nibya.

Ĩsaya 49:3

Kandi mwabũga nage ati, Uli mugombe wage Ĩsraelĩ, nasyakangya olukengerwa lwage umʼuwe.

Ĩsaya 51:2

Musamalire Abrahamũ tata wenyũ, na Sara oyo wababuta omo bũlĩge, kusangwa namubirikira omugulu abya muguma, kandi monamutsumula, nʼerimuyira mo bangi.

Ĩsaya 63:16

Kusangwa uli Tata wetu, nomo Abrahamũ atanatwasĩ, na Ĩsraelĩ sialituminya. Uwe, Mwami Mukulu uli Tata wetu, Omũtongolya wetu erĩtsũka kera lyo lĩna lyawe.

Yeremĩa 33:24

Sũlĩtaganĩrya ebyo abandu aba babĩrĩbũga kwehĩ? Bati, Ebĩtũnga bibiri ebyo Mwami Mukulu ayisoga, abiriganabyo. Ko bakapona batya abandu bage, Sibabye ekihanda kandi omo meso wabo.

Abalawĩ 25:42

Kusangwa ni bagombe bage abo nalũsaya omo kihugo kyʼeMĩsĩrĩ; sĩbasyegũlĩbawa ngʼabakobe.

Malakĩ 1:2

Omwami Mukulu ati, Nabiribanza. Nĩkwa mũkabũga muti, Wabiritwanza umu kyahi kwehĩ? Esaũ siabya mugala wabo Yakobo kwehĩ? Omwami Mukulu ati, Nabirianza Yakobo;

Matayo 3:9

Sĩmũganĩraye mukayibwira muti, Abrahamũ ni tata wetu. Ngababwira nyiti, Nyamuhanga angatoka erĩhanganĩa amabwe aya mo bana busana na Abrahamũ.

AbanyaGalatia 3:19

Neryo Emigambo ni busana nakĩ kwehĩ? Emigambo yahĩrawa busana nʼerĩkangya amalolo erĩhĩka aho mwana wuwe asyahĩkĩra. Endagane eyo yahabawa oko mwana oyo. Emigambo yaletawa nʼabamalaĩka omo byala byʼomũsanganĩa.

Eryibuka Ebihano 10:15

Nĩkwa Omwami Mukulu mwatsemera abotata-kulu wawe erianzabo, kandi mwayisoga ĩnywe bana babo enyũma kubo, kwilaba ebihanda byosĩ, ko kine kitya mũnabwĩre.

Eryibuka Ebihano 14:2

Kusangwa muli kihanda kĩbũyĩrĩre busana nʼOmwami Mukulu Nyamuhanga wenyũ, kandi Omwami Mukulu abiriyisoga nywe eribya kihanda busana naye ĩyowene-wene, omo bihanda byosĩ ebiri muna-kihugo.

Yakobo 2:23

Neryo amasako mwabererera, awakabũga ati, Abrahamũ mwĩkĩrĩrya Nyamuhanga, neryo Nyamuhanga mwamuganza ngʼomutunganene busana nʼerĩkĩrĩrya liwe. Kandi Nyamuhanga mwahula Abrahamũ mo mwĩra wuwe.