Ĩsaya 40:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Uwe Sĩonĩ ũkatũla engulu yowene, Usambe oko kitwa kiri-kiri. Usumbe omulenge wawe go kutsibu, Nawe Yerũsalema ũkatũla engulu yowene Usumbe omulenge Sigubahe. Ubwire emĩyĩ ya Yũda uti, Nyamuhanga wenyũ yoyũ hano!

Ĩsaya 40:9 Iomraidhean Croise

2 Emyatsi yʼEmigulu 13:4

Na Abĩya mwahangana oko kitwa Zemaraĩmũ, ekyabya omo kihugo kyʼebitwa kya Efũraĩmũ, mwabũga ati, Uwe Yeroboamũ, nʼAbaĩsraelĩ bosĩ, munyihulikirire;

Ĩsaya 1:1

Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 25:9

Nʼoko kiro ekyo kyasyabũgwa, kiti, Lebaya, Oyũ yo na Nyamuhanga wetu Oyo twalinda, naye atoke erĩtũlamya. Oyũ yo na Mwami Mukulu; oyo twabiririnda, Tutsange tutseme omo mulamo wuwe.

Ĩsaya 35:2

Yasyalasya omusanga munene, nʼeritsanga nʼobutseme nʼerĩũta obogo bwʼobutseme. Yasyahabwa obubuya bwʼeLebanonĩ, yasyahabwa obubuya bwʼeKaramelĩ nʼeSaronĩ. Basyalangira olukengerwa lwʼOmwami Mukulu, erĩkangabasanĩa lya Nyamuhanga wetu.

Ĩsaya 41:27

Erĩmbere monabwira Sĩonĩ, nyiti, Lebaya, hano ho bali. Kandi monabwira eYerũsalema nyiti, Nasyaha omukwenda wʼengulu yowene.

Ĩsaya 44:26

ĩngahanganaya ekĩnywa kyʼomugombe wawe, nʼerĩberererya erĩyĩsũnza lyʼabakwenda buwe. Nĩ ngye ngahula eYerũsalema nyiti, Asyĩkalwamo! Na busana nʼemĩyĩ ya Yũda nyiti, Yasyahĩmbwa. Kandi nasyaswahanganĩa omulala wayo.

Ĩsaya 51:12

Ĩngye nĩna ngye, oyo yũkakũkĩranaya. Uwendi, uti ukubaha omundu oyukasyatũla, nʼomugala wʼomundu oyukayirawa ngʼebiti,

Ĩsaya 51:7

Munyihulikirire, ĩnywe mwasĩ ekitunganene, abandu abʼomutima ali omo bihano byage. Simubahe ebĩtsũmĩ byʼabandu, kutse simusweke busana nʼemihayo yabo.

Ĩsaya 52:6

Busana nʼekyo, abandu bage basyaminya erĩna lyage. Busana nʼekyo oko kiro ekyo nĩ ngye oyũkabũga ati, Ĩngye yono hano.

Ĩsaya 58:4

Lebaya, mukatsira akalyo busana nʼamalwa nʼerinegena, nʼerĩswĩrya omo ngũmbe nyibi. Simwetsira kalyo ngoko mukakola mũnabwĩre erĩowĩsya emirenge yenyũ yʼendata.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Yeremĩa 22:20

Uhetukire eLebanonĩ ulake, Usumbe omulenge wawe eBasanĩ, Ulakire nibya eAbarĩmũ, kusangwa abĩra bawe bosĩ babĩrĩherĩbwa.

Yeremĩa 29:11

Kusangwa Omwami Mukulu ati, Nyĩnasĩ amalengekanĩa ago ngalengekanaya busana nenyũ, amalengekanĩa wʼobuholo, si wʼekibi, eribaha amaha oko biro byenyũ ebikasa.

Nahũmũ 1:15

Lebaya, oko bitwa ebisando byʼoyukaleta engulu yowene, oyũkakũmayĩraya Obuholo! Uwe Yũda, ulye ũtegaye ebiro bikulu byawe; Ũberereraye amalahĩryo wawe. Kusangwa omundu mubi oyo siendisyaswalaba ukʼuwe; abĩrĩtũbwa kutsibu.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

Emibiri 2:14

Nĩkwa Petero mwahangana nʼabandi bakwenda erĩkũmĩ nʼomuguma, neryo mwatsũka erĩbũga nʼendeko omo mulenge munene ati, Ĩnywe bandu bʼeYũdea, nenyũ ĩnywe bosĩ abĩkere eYerũsalema, mowe ebĩnywa byage, muminye ekĩ.

Emibiri 4:13

Neryo abakulu abo mobasweka omugulu balangira obutubaha bwa Petero na Yoane, kandi mobaminya ko bali bandu batakangĩrĩrĩbawa, isi banyimanyima. Neryo mobibuka ko bali bandu abasiba haguma na Yesu.

Emibiri 4:29

Na lino, Mukama, Ũlebaye erĩũbahĩrĩrya lyabo, kandi uleke abagombe bawe babũge ekĩnywa kyawe nʼeritendiubaha lyosĩ.

AbanyaRoma 10:18

Nĩkwa nyiti sĩbetowa erĩkangĩrĩrya kwehĩ? Kwenene babĩrĩowa. Ngoko kĩsakĩre kiti, Omulenge wabo abiritsungana omo kihugo kyosĩ, Nʼebĩnywa byabo byabĩrĩhĩka oko ndũlĩ syʼekihugo.

AbanyaEfeso 6:19

Nage, munyisabire, Nyamuhanga ambe ebĩnywa byʼerĩbũga omugulu ngakũmbũla obuno bwage omo bulume-lume erĩmĩnyĩsya abandu bʼerĩkũmbo lyʼEngulu Yowene.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

1 Petero 3:14

Kandi nomo mwangagalwa busana nʼerikola ekitunganene, muli bandu bʼobutseme. Simubahe erĩũbahya lyabo, kandi sĩmũhahũkaye emitima.

Abatswerĩ 9:7

Neryo omugulu babwira Yotamũ, Yotamũ mwayimana oko kitwa kyʼeGerĩzĩmũ mwagusa omulenge wuwe, mwabirikira mwabwirabo ati, Mumbulikirire, ĩnywe balume bʼeSekemũ, Nyamuhanga abane erĩbowa.