Ĩsaya 40:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Obuli musya asumbawe endata, Nʼobuli kitwa nʼakatwa bĩhĩrawe eyĩkwa; Nʼekitaka kitalingirirene kiyirawe mo bwerere, Nʼahakwangũkĩre habye omusya munene.

Ĩsaya 40:4 Iomraidhean Croise

Emĩsyo 2:15

Abahengemĩre omo syonzira syabo, Kandi batere omo syonzira syabo.

Ĩsaya 40:3

Omulenge akabirikira ati, Mũtegekanaye enzira busana nʼOmwami Mukulu omo mbwarara. Mũtũngananaye omo mbwarara embalu nene busana na Nyamuhanga wetu.

Ĩsaya 40:5

Neryo olukengerwa lwʼOmwami Mukulu lwasyabĩsũlwa, Nʼemibiri yosĩ yasyalangiralo haguma; Kusangwa obuno bwʼomwami Mukulu bwabĩrĩbũga.

Ĩsaya 42:11

Embwarara nʼemĩyĩ yayo bisumbe emirenge yabyo, Ehĩyĩ eyo eKedarĩ yĩkeremo. Esyondũlanĩ syʼeSela bimbe nʼomulenge, Mũte obogo bʼobutseme oko singi syʼebitwa.

Ĩsaya 45:2

Nasyagenda embere syawe, nʼerĩtenderya ahakũrũmbũkĩre. Nasyabũnanga mo bitswe-bitswe esyonyũyĩ syʼemiringa, nʼerĩtwa esyongomo syabo syʼebyuma.

Ĩsaya 49:11

Kandi nasyayira ebitwa byage byosĩ eribya nzira, nʼesyombalu nene syage syasyasumbwa.

Ĩsaya 62:10

Mulabe, mulabe omo syongyo. Muhigulire enzira busana nʼabandu. Mũhĩmbe, mũhĩmbe embalu nene; Mũlũsaye amabwe go muyo. Musumbe ebendera busana nʼebihanda.

Ezekĩelĩ 17:24

Nʼemiti yosĩ yʼomolĩ yasyaminya ko ndi Mwami Mukulu. Ngakĩmaya omuti muli nʼerisumba omuti mũkũhĩ, nabĩrĩũmya omuti mubisi, nʼerĩboya omuti ogũmĩre. Ĩngye indi Mwami Mukulu. Nabĩrĩbũga, kandi nasyakolakyo.

Ezekĩelĩ 21:26

Omukama Iye Omwami Mukulu ati, Lũsaya ekitambara, ũlũsaye embĩta. Sibyendisyaswabya bitya. Ũhamaye ekiri ahisi, ũkĩmaye ekiri endata.

Zekarĩa 4:7

Uwe kitwa kinene, uwendi kwehĩ? Embere sya Zerũbabelĩ wasyabya bwerere; naye asyahũlũkya erĩbwe lyʼendata haguma nʼobogo bwʼolukogo, olukogo, kulyo!

Luka 18:14

Neryo Yesu mwabũga ati, Ngababwira nyiti, omundu oyo mwakĩmĩra ewuwe iniamabitunganana kwilaba ogundi oyo, Kusangwa obuli mundu oyũkayĩhamaya, asyakehĩbwa. Nĩkwa oyũkayĩkehaya, asyahamĩbwa.

Luka 3:5

Obuli musya asyosũlĩbwa, Obuli kitwa nʼobuli katwa byasyabondererĩbwa; Nʼebĩhengemĩre byasyatũngananĩbwa; Nʼesyonzira sĩtahalĩre syasyalĩngĩrĩranĩbwa;

1 Samwelĩ 2:8

Akahanganaya abera erĩlũa omo lũtũtũ, Akasumba owʼobwaga erĩlũa omo kyabũ, Erĩĩkalyabo haguma nʼabanya-mwami, Nʼerĩsĩgalya ekĩtũmbĩ kyʼeripipwa. Kusangwa esyondũyĩ syʼekihugo ni syʼOmwami Mukulu, Kandi mwasingika ekihugo kyo kusyo