Ĩsaya 40:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mũbũge lyolo-lyolo nʼeYerũsalema. Mumuguse kʼomulenge muti, amalwa wuwe abirihwa, nʼebibi biwe byamalũsĩbwaho, kusangwa abirikibagalira kabiri omo byala byʼOmwami Mukulu busana nʼebibi biwe byosĩ.

Ĩsaya 40:2 Iomraidhean Croise

Enzũko 34:3

Neryo Sekemũ mwanza Dĩna mwali wa Yakobo yo ndeke, kandi mwanza omwana-muto oyo, neryo mwabũga naye ebĩnywa bitendere.

2 Emyatsi yʼEmigulu 30:22

Na Hezekĩa mwabũga ebĩnywa byʼerĩsĩkya emitima yʼAbalawĩ bosĩ ababya nʼeriminya lyowene omo myatsi yʼOmwami Mukulu. Omo biro birinda mobalya okwʼirya ĩnene ko batya, ibakahera esyohongo syʼamahere wʼobuholo nʼeriha ewasĩngya oko Mwami Mukulu, Nyamuhanga wʼabotata wabo.

Esyonyimbo 32:1

Obutseme buli nʼomundu oyukabuyirawa amalolo wuwe, Nʼomundu oyo Nyamuhanga abĩrĩkũnĩngĩra ebibi biwe.

Esyonyimbo 85:3

Wabĩrĩũmbya erihitana kubo, Kandi Wabirireka erikarama lyawe.

Erĩlũayo 22:3

Eryuba lyamamusingirirako, sihali lubanza lʼomusasi busana naye; asyaliha; neryo atawitekĩ, asyagũlĩbwa busana nʼobwĩbĩ buwe.

Omũgambũlĩ 3:4

Omugulu wʼerĩtogongya emĩsonĩa, nʼomugulu wʼeriseka. Omugulu wʼeririra, nʼomugulu wʼerisata.

Ĩsaya 12:1

Nʼoko kiro ekyo wasyabũga uti, Ngandikuha ewasĩngya, Uwe Mwami Mukulu kusangwa nomo wananyihitanako, erihitana lyawe lyabirihwaho, kandi ũkanyĩkĩranaya.

Ĩsaya 14:3

Neryo oko kiro ekyo, Omwami Mukulu asyakũlũhũkya oko bwagalĩ bwawe, nʼoko mwaga wawe, nʼoko munubo owakalĩre ogo bakũnũbayamo.

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Ĩsaya 33:24

Kandi sihali ndũlanĩ eyĩkandĩsyabũga iti, Nyilwere. Abandu abĩkeremo basyabuyirwa ebibi byabo.

Ĩsaya 35:4

Mubwire abandu bʼomutima owakasata muti, Mũsĩke, simubahe. Lebaya, Nyamuhanga wenyũ asyasa nʼerĩkĩsya, eririha lya Nyamuhanga lyasyahĩka, nĩkwa asyabalamya.

Ĩsaya 43:25

Ĩngye, nĩna ngye, oyukasangula ebibi byenyũ busana nage ĩngyowene. Kandi sindiendisyibuka ebibi byawe.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Ĩsaya 49:25

Kwenene Omwami Mukulu ati, Abʼomũlĩkĩ bʼesyombangĩ basyalũsĩbwaho, nʼabanyegwa bʼabatsibu basyalamĩbwa. Kusangwa nasyalwa nʼoyukalwa nawe, kandi nasyalamya abana benyũ.

Ĩsaya 51:17

Ũyĩbũkaye! Ũyĩbũkaye! Uhangane, uwe Yerũsalema, Uwe wapũlĩraya oko byala byʼOmwami Mukulu Olũtehĩ lwʼerihitana liwe. Wabĩrĩpũlya ekibindi kyʼolũtehĩ lwʼerĩtwĩkangalya Wabiribugalo.

Ĩsaya 53:5

Nĩkwa mwahũtalĩbwa busana nʼamalolo wetu, mwahĩnokala busana nʼebibi byetu. Erisuyirwa lyʼobuholo bwetu molyamubyako, nʼomo mĩbĩbũ yiwe tũkalamĩbawa.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ĩsaya 54:15

Omundu amakubambira kutsibu sĩ ngye. Oyukakubambira asyawa busana nawe.

Ĩsaya 54:17

Sihali kindu kyʼamalwa ekikahesawa erilwa nawe ekikandisyagasa, nʼobuli lulimi olũkakũhandĩkĩrĩraya omwʼitswera wasyasĩngalo. Oyũ ni mwandu wʼabagombe bʼOmwami Mukulu nʼerĩsĩngana lyabo lĩkalũa ũkwʼĩngye, Omwami Mukulu atya.

Ĩsaya 55:7

Omubi aleke enzira yiwe, Nʼomundu utatunganene aleke amalengekanĩa wuwe. Asube oko Mwami Mukulu, Naye asyamuganyira; Asube ahali Nyamuhanga wetu, Kusangwa asyamubuyira ndeke.

Ĩsaya 6:7

Neryo mwatũlyalyo oko mĩnywa yage ati, Lebaya, erĩ ryamabĩtũla oko mĩnywa yawe; nʼamalolo wawe abĩrĩlũsĩbwaho, nʼebibi byawe byamabuyirwa.

Ĩsaya 61:7

Omo mwanya wʼesĩsonĩ syenyũ mwasyabya nʼamagabo abiri, nʼomo mwanya wʼerihemulwa basyũta obogo bwʼeritsemera erĩgabo lyabo. Busana nʼekyo basyasĩgalya amagabo abiri omo kihugo kyabo. Obutseme bwʼerikota bwasyabya bwabo.

Ĩsaya 66:13

Ngʼoyũkalembesanĩbawa na nyĩnya wuwe, ko nasyabalembesanĩa nyitya kandi mwasyakĩranĩbwa eYerũsalema.

Yeremĩa 16:18

Ngandĩtsũka eriswaliha amalolo wabo nʼebibi byabo engendo ĩbĩrĩ, kusangwa babĩrĩtsandya ekihugo kyage omo sanamu esiri ngʼebĩnda ebitawite engebe. Kandi babĩrĩũsũlya ekihugo ekyo nahabo omo syonyamuhanga syabo syʼamabehĩ.

Yeremĩa 17:18

Bahemulawe abakanyendereraya, nĩkwa Suleke ngahemulwa. Uleke bakwe engitsi, nĩkwa Suleke ngakwa engitsi. Ulete kubo ekiro kyʼerĩkwa, ũbũnangebo nʼerihera kabiri!

Yeremĩa 29:11

Kusangwa Omwami Mukulu ati, Nyĩnasĩ amalengekanĩa ago ngalengekanaya busana nenyũ, amalengekanĩa wʼobuholo, si wʼekibi, eribaha amaha oko biro byenyũ ebikasa.

Yeremĩa 51:10

Omwami Mukulu abĩrĩhũlũkya eritunganene lyetu. Mwase tũkanganaye eSĩonĩ omũbĩrĩ wʼOmwami Mukulu Nyamuhanga wetu.

Ekiriro 4:22

Uwe mwali wʼeSĩonĩ, Erisuyira lyʼebibi byawe lyabĩrĩhĩkana. Siendisyaswakuheka omo bunyegwa. Uwe mwali wʼeEdomũ, asyatswera ebibi byawe. Asyaswikula amalolo wawe.

Ezekĩelĩ 16:42

Ko nasyakakĩrya litya erihitana lyage ukʼuwe, nʼobũha bwage bwasyakũlũako, nage nasyabondera, sindiendisyaswahitana.

Danĩelĩ 11:35

Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 12:9

Neryo omundu oyo mwabũga ati, Uwe Danĩelĩ, uyigendere, kusangwa ebĩnywa ebĩ bĩbĩsamĩre, kandi bĩbĩsĩre erĩhĩka oko mugulu wʼendũlĩ.

Danĩelĩ 9:12

Naye abĩrĩberererya ebĩnywa biwe ebyo atubambirako, nʼeribambira abatabalĩ betu, abatutabalako, nʼerituletera obũlĩge bunene. Kusangwa eyĩkwa oko matũkũ gosĩ Sihehatakolwa mwatsi ngʼowamakolwa oko Yerũsalema.

Danĩelĩ 9:2

omo mwaka wʼerĩmbere wʼobutabale buwe, ĩngye Danĩelĩ, monalebya omo Masako emiganzo yʼemyaka eyo Mwami Mukulu abwira omũmĩnyererĩ Yeremĩa busana nʼeribuga erihera lyʼeYerũsalema ni myaka amakũmĩ alinda.

Hosea 2:14

Busana nʼekyo, lebaya, ngandimukulula, nʼerimuleta omo mbwarara, nʼerĩbũga ndeke naye.

Hosea 2:16

Neryo Omwami Mukulu akabũga ati, Oko kiro ekyo, wasyanyibirikira mo Ĩsĩ, ĩbage, isiwendisyasyanyahula kandi mo Baalĩ, mukama wage.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Zefania 3:15

Omwami Mukulu abĩrĩlũsya esyombanza syawe, abirigusa esyonzĩgũ syawe syʼeyĩhya. Omwami wa Ĩsraelĩ, iye Omwami Mukulu, ali omo katĩkatĩ kawe; siwendisyasyubaha erĩkwa kandi.

Zekarĩa 1:13

Neryo Omwami Mukulu mwasũbĩrya omũlaĩka oyo wakanaya nage omo bĩnywa byowene ebyʼerĩkĩranĩa.

Zekarĩa 1:15

Nabirihitana kutsibu busana nʼebihanda ebĩkere bĩnatũlere, kusangwa monahitana hake, nabo mobakanyĩa erihera eryo.

Zekarĩa 9:12

Musube ahakangatĩre, ĩnywe mũbohĩrwe abawite amaha; mũnabwĩre ngatũlago nyiti, ngandĩkũsũbũlĩryako ngendo ĩbĩrĩ.

Emibiri 1:7

Yesu mwabwirabo ati, Tata abiritegeka emigulu nʼebirimo omo hamũlĩ yiwe ĩyowene. Kandi si mwatsi wenyũ eriminyabyo.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

Eribisurirwa 18:6

Mulihego ngoko abiririha abandi, Kandi mulihego ngendo ĩbĩrĩ busana nʼemĩbĩrĩ yago. Mũsũlaye olũtehĩ lwago mwʼebyʼerĩpũlya ebĩkalĩre kabiri, Omo lũtehĩ olo abĩrĩtũlũnganĩa busana nenyũ.