Ĩsaya 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo oyo wasĩgalira eSĩonĩ, nʼoyo wasĩgala eYerũsalema, asyahulwa mo mũbũyĩrĩre, obuli mundu oyo wasakawa busana nʼengebe eYerũsalema.

Ĩsaya 4:3 Iomraidhean Croise

Esyonyimbo 69:28

Amena wabo asangulawe omo kitabu kyʼabaliho; Kandi sibasakawe omo katĩkatĩ kʼabandu bawe.

Esyonyimbo 87:6

Omwami Mukulu asyasaka omulondo wʼabandu, ati, Aba babutawa eYerũsalema.

Ĩsaya 1:27

Sĩonĩ asyatongolĩbwa omwʼĩbanza litunganene, nʼababĩndũkĩre erireka ebibi basyatongolĩbwa omo litunganene.

Ĩsaya 28:5

Oko kiro ekyo, Omwami Mukulu wʼemilondo yo Wasyabya kakĩra kʼolukengerwa, nʼakakĩra kʼobubuya, oko bandu buwe abasĩgalira,

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 46:3

Ĩnywe kĩtũnga kya Yakobo, munyihulikirire, nenyũ abasĩgalira bosĩ bʼekĩtũnga kya Ĩsraelĩ, ĩnywe nabiribaheka erĩtsũka okwʼibutwa lyenyũ, kandi mwabirihekwa erĩtsũka omo nda.

Ĩsaya 52:1

Ubuke, ubuke, wambale amaka wawe, uwe Sĩonĩ; Wambale esyongimba syawe nyibuya, Uwe Yerũsalema, omũyĩ abũyĩrĩre. Kusangwa abatabwene nʼabatsandĩrya Sibendisyaswingira umʼuwe.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Ĩsaya 60:21

Neryo abandu bawe basyabya batunganene abosĩ. Basyasĩgalya ekihugo kera na kera. Omutahi ogo nahera, omũbĩrĩ wʼebyala byage, Inatoka erikengwa.

Ĩsaya 62:12

Nabo basyahulabo mo kihanda kĩbũyĩrĩre, Abatongolĩbawa bʼOmwami Mukulu. Nawe wasyahulwa mo, Oyo Wasonda-sondĩbawa, Omũyĩ owatesĩganĩbawa.

Ezekĩelĩ 13:9

Neryo ebyala byage byasyalwa nʼabamĩnyererĩ abakalangira esyonzolĩ syʼamabehĩ, nʼabakabũga erilagula lyʼamabehĩ. Sibendisyabya nʼomwanya omwʼĩhĩndana lyʼabandu bage, kutse sibendisyasakwa omo masako wʼekihanda kya Ĩsraelĩ, kutse sibendisyingira omo kihugo kya Ĩsraelĩ, imwatoka eriminya ko ndi Omukama Iye Omwami Mukulu.

Ezekĩelĩ 43:12

Ekĩ kyo kihano kyʼenyũmba. Omwanya gosĩ wayo, oko singi yʼekitwa erĩtĩmba ehosĩ asyabya habũyĩrĩre kutsibu. Ũlebaye, ekĩ kyo kihano kyʼenyũmba.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.

Zekarĩa 14:2

Kusangwa nasyahĩndanĩa ebihanda byosĩ erilwa nʼeYerũsalema; nʼomũyĩ asyahũngwa, nʼamanyũmba ĩnĩahũngwa, nʼabakalĩ basyatsandĩbwa; nʼoluhande lwʼomũyĩ lwasyaya mwʼabasayĩ nʼabandu abakasĩgalira sibendĩsyĩtwa oko mũyĩ.

Malakĩ 3:16

Neryo ababya bakubaha Omwami Mukulu, mobakanĩa haguma; nʼOmwami Mukulu mwatega amatwĩ mowakyo, nʼekitabu kyʼeryibuka ekyo mokyasakirwa embere siwe busana nʼabandu abakubaha Omwami Mukulu, nʼabakasĩma erĩna liwe.

Luka 10:20

Nĩkwa simutseme kusangwa ebĩrĩmũ bibi byabĩrĩbowa, nĩkwa mutseme kusangwa amena wenyũ abirisakwa elubula.

Emibiri 13:48

Ebihanda byabere byowa ebĩ, mobatsema nʼeripipa ekĩnywa kyʼomukama, nʼabosĩ abayisogawa busana nʼengebe yʼerikota, mobĩkĩrĩrya.

AbanyaRoma 11:4

Nĩkwa Nyamuhanga mwasũbĩrya atĩkĩ kwehĩ? Ati, Nabiriyibikira abandu elfu irinda (7,000), abatetakũkamira Baala.

AbanyaRoma 11:5

Ko liri ritya lino, hali abasĩgalira, abo Nyamuhanga abiriyisoga omo lukogo luwe.

AbanyaEfeso 1:4

Nyamuhanga mwayisoga twe eribya buwe, erimatikana na Kristo embere wʼerihangikwa lyʼekihugo, ati tubye ababũyĩrĩre butsira bulema embere wuwe. Nyamuhanga, busana nʼolwanzo luwe,

AbanyaFilipi 4:3

Ega, nawe mũlĩkyetu, ngakusaba nyiti, ũwatĩkaye abakalĩ aba. Kusangwa babiriyitsinga kutsibu omo mũbĩrĩ wʼerĩgenda-gendya Engulu Yowene, haguma na Klementĩ, nʼabandi balĩkyetu, abawite amena wabo omo kitabu kyʼengebe kya Nyamuhanga.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

AbaEbrania 12:14

Mukwamirire nʼomũhwa eribya nʼobuholo nʼabandu bosĩ, kandi mukwamirire eribya nʼengebe ĩbũyĩrĩre. Oyũtabũyĩrĩre siendisyalola oko Mukama.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.

Eribisurirwa 17:8

Enyama eyo walangira yabyaho, nĩkwa siriho lino, nĩkwa lino ikasonda erihetuka erĩlũa omo buhya, kandi ĩkayaherĩbawa. Abandu abĩkere oko kihugo amena wabo atasakĩre omo kitabu kyʼengebe, ekihugo kite kyatsũka, basyasweka omugulu bakasamalira enyama eyo. Kusangwa enyama eyo yanabyaho, nĩkwa sikiriho, kandi yasyaswabutuka.

Eribisurirwa 20:15

Kandi omundu oyutawite erĩna lĩsakĩre omo kitabu kyʼengebe, mwaguswa omo ngetsi yʼomuliro.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.