Ĩsaya 4:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 4:2 Iomraidhean Croise

Esyonyimbo 67:6

Ekitaka kyabĩrĩerya esyombuto syakyo; Nyamuhanga, Nyamuhanga wetu, abiritutsumula;

Esyonyimbo 72:16

Engano ibyeho nene omo kihugo; Nʼehitwa hyũsũle mwʼebyalya ngʼebiri eLebanonĩ. Emĩyĩ yosũle mwʼabandu ngʼebiti ebikalasa omolĩ.

Erĩlũayo 28:2

Wasyakokoterya Harũnĩ mugala wenyũ, esyongimba sĩbũyĩrĩre, busana nʼolukengerwa na busana nʼerĩyĩsũga.

Ĩsaya 11:4

nĩkwa omo litunganene asyatswera abera, nʼerisoha ekwenene busana nʼabandu abakagalawa bʼekihugo. Kandi asyĩta ekihugo omo kĩnywa kiwe ngʼengonĩ. Kandi asyĩta ababi omo muka wʼemĩnywa yiwe.

Ĩsaya 26:1

Oko kiro ekyo, Olwimbo olũ lwasyimbirwa omo kihugo kya Yũda: Ĩtwe tuwite omũyĩ wʼamaka; Akasingika esyombĩmbo nʼahakongotere busana nʼerĩsikyaho.

Ĩsaya 27:6

Oko biro bikasa Yakobo asyahanda emĩrĩhĩ, Ĩsraelĩ asyahũlũkya omusanga nʼerĩtũherya. Kandi basyũsũlya ekihugo kyosĩ mwʼebĩgũma.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 45:8

Ĩnywe matũkũ, mũwĩsaye, endata eyo, Nʼebĩtũ byũte ekitunganene. Ekihugo kibohokale, nʼerilama libute ebĩgũma, Kandi ekitunganene kilase haguma nakyo. Ĩngye Mwami Mukulu, nabirihangikakyo.

Ĩsaya 53:2

Kusangwa mwakulira embere siwe ngʼekiti kyolo-kyolo, kandi ngʼomũlĩhĩ omo kitaka kyũmĩre. Siawite omubiri atendere kutse erĩkangabasanĩa lyʼOmwami erikaleka itwamulolako. Kandi siawite olulangiro olukaleka itwamwanza.

Ĩsaya 60:15

Nomo wanasĩganĩbawa nʼerĩkũbwa obusu, Isihali mundu ukakulabako, Nasyakuyira eribya eriyiheka lyʼerikota, Nʼobutseme bwʼesyondengo nʼesyondengo.

Ĩsaya 60:21

Neryo abandu bawe basyabya batunganene abosĩ. Basyasĩgalya ekihugo kera na kera. Omutahi ogo nahera, omũbĩrĩ wʼebyala byage, Inatoka erikengwa.

Ĩsaya 61:11

Kusangwa ngoko ekitaka kĩkalasaya emigera yakyo, kandi ngʼeririma lĩkalasaya ebyaherawa mulyo: litya Omukama Omwami Mukulu asyahanganĩa eritunganene nʼeripipa embere syʼebihanda byosĩ.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 33:15

Oko biro ebyo, nʼoko mugulu oyo, nasyalasĩrya Dawĩdĩ Omutahi atunganene. Naye asyakolesya erĩbanza nʼekitunganene omo kihugo.

Yeremĩa 44:14

Byasyaleka ihatabya nʼomuguma wʼabasĩgalira bʼeYũda ababiriya omo kihugo kyʼeMĩsĩrĩ erĩĩkalayo, oyo wasyabala, kutse erisaka, okwʼisubula omo kihugo kyʼeYũda, ekyo bakayiketera erisubamo nʼerĩĩkalayo. Kusangwa sihali oyo wasyasubula, ba nʼabasayĩ bake.

Yeremĩa 44:28

Nʼabakabala omũyalĩ basyasubula erĩlũa omo kihugo kyʼeMĩsĩrĩ eriya omo kihugo kyʼeYũda, ni bake oko miganzo. Neryo abasĩgalira bosĩ bʼeYũda, abaya omo kihugo kyʼeMĩsĩrĩ erĩĩkalayo basyaminya nga nĩ kĩnywa kyandi kyasyahangana, ekyage kutse ekyabo.

Ezekĩelĩ 34:29

Kandi nasyatulirabo eririma erĩkũmayĩre, isibendisyaswakwa nzala omo kihugo, kutse eriswahemulwa nʼebihanda.

Ezekĩelĩ 36:8

Nĩkwa ĩnywe bitwa bya Ĩsraelĩ, mwasyalasya emitahi yenyũ nʼeributira abandu bage Ĩsraelĩ ebĩgũma byenyũ, kusangwa bali hakũhĩ nʼeriasa.

Ezekĩelĩ 7:16

Nĩkwa omugulu abandu babo abakabala basyatibita nʼeribala, basyabya oko bitwa ngʼehĩrĩkũkũ hyʼomo misya, abosĩ ibanemulira, obuli mundu busana nʼebibi biwe.

Yoelĩ 2:32

Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Yoelĩ 3:18

Neryo oko kiro ekyo, ebitwa byasyatogongya ebĩnyũ bĩsĩhĩre, nʼehitwa hyasyalũa mwʼamasabũ, nʼehyũsĩ hyosĩ hyʼeYũda hyasyasenda mwʼamagetsi; nʼengũnũnũko yasyahuluka erĩlũa omo nyũmba yʼOmwami Mukulu, yasyaheherya omusya wʼeSĩtĩmũ.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.

Zekarĩa 3:8

Uwe Yosũa, omũhererĩ mukulu, wowe lino, uwe nʼabalĩkyenyũ abĩkere embere syawe; mĩnyĩsyo; kusangwa, lebaya, nasyaletamo Omugombe wage, go Mutahi.

Zekarĩa 6:12

Mumubwire muti, Omwami Mukulu Wʼemilondo akabũga ati, Lebaya, omundu oyukahulawa mo Mutahi; naye asyalasya emitahi aho wuwe; kandi asyahĩmba eHekalũ yʼOmwami Mukulu.

Zekarĩa 9:17

Kusangwa obubuya bwahi nʼerikanga lyahi lyasyabya lyabo! Engano yasyaleka abalwana ibakamaha, nʼebĩnyũ bihya-bihya byasyaleka abana-bato ibakamaha!

Malakĩ 3:17

Omwami Mukulu Wʼemilondo ati, Basyabya bage, oko kiro ekyo nategeka, obũsokĩ bwage; kandi nasyaganyirabo, ngʼomundu kwʼakaganyira mugala wuwe oyukamukolera.

Matayo 24:22

Nĩkwa kumbe Nyamuhanga atalĩkũhĩhaya ebiro ebyo, sihali mundu wangalamĩbwe. Nĩkwa abĩrĩkũhĩhyabyo busana nʼabayisogawa buwe.

Luka 21:36

Nĩkwa mũtegaye emigulu yosĩ, nʼerisaba, mutoke eribana akagala kʼeribala emyatsi yosĩ eyĩ eyikasonda erĩhĩka, nʼerihangana embere syʼOmugala wʼOmundu.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

2 Petero 1:16

Kusangwa motutakwama amalagu wʼamenge omugulu twabowĩsaya obũtokĩ nʼeriasa lyʼomukama wetu Yesu Kristo, nĩkwa motwalangira obukulu buwe omo meso wetu.