Ĩsaya 39:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo Hezekĩa mwatsemerabo, mwakangyabo enyũmba yosĩ yʼobũsokĩ buwe, ebĩtsĩpa, nʼesyamagetsi, nʼebikasiha ndeke byʼamanũkato nʼamagũta wʼobũgũlĩ bunene, nʼenyũmba yiwe yosĩ yʼebindu byʼamalwa, nʼebyosĩ byabanika omo mbĩso siwe syʼebindu. Mohatabya kindu omo nyũmba yiwe kutse omo bwami buwe, ekyo Hezekĩa atakangayabo.

Ĩsaya 39:2 Iomraidhean Croise

1 Abami 10:10

Kandi mwaha omwami esyotalanta syʼesyamagetsi erĩgana nʼamakũmĩ abiri (120), nʼamanũkato mangi kutsibu, nʼamabwe wʼobũgũlĩ; mohataswasa manũkato mangi ngʼaya ago mwami-kalĩ wʼeSeba aha omwami Solomono.

1 Abami 10:15

esyo abatũndĩ baleta siteko, nʼebindu byʼabatũndĩ, nʼebyʼabami bosĩ bʼeArabĩa nʼebyʼabatabalĩ bʼekihugo, biteko.

1 Abami 10:2

Neryo mwahĩka eYerũsalema nʼabagombe bangi kutsibu, nʼesyongamia esĩhekĩre amanũkato, nʼesyamagetsi nyingi kutsibu, nʼamabwe wʼobũgũlĩ bunene; neryo abere ahĩka uku Solomono mwakanĩa naye oko byosĩ byabya omo mutima wuwe.

1 Abami 10:25

Obuli mundu mwaleta olũsũnzo luwe, ebindu byʼebĩtsĩpa, nʼebindu byʼesyamagetsi, nʼesyongimba, nʼebindu byʼamalwa, nʼamanũkato, nʼesyosabayĩrĩ, nʼesyonyumbu, emiganzo yabyo oko buli mwaka.

2 Abami 20:13

Neryo Hezekĩa mwahulikirirabo, mwakangyabo enyũmba yosĩ yʼebindu biwe byʼobũgũlĩ bunene, ebĩtsĩpa, nʼesyamagetsi, nʼebikasiha ndeke omo manũkato, nʼamagũta wʼobũgũlĩ bunene, nʼenyũmba yʼebindu byʼamalwa biwe, nʼebyosĩ ebyabya omo syombĩso siwe; sihabya kindu omo nyũmba yiwe, kutse omo bwami buwe bosĩ ekyo atakangayabo.

2 Emyatsi yʼEmigulu 32:25

Nĩkwa Hezekĩa mwatasũbũlya ndeke ngʼolulengo lʼomũyĩsa akolerawa, kusangwa omutima wuwe ayiheka; busana nʼekyo erihitana molyambyako, nʼoko Yũda nʼeYerũsalema.

2 Emyatsi yʼEmigulu 32:27

Na Hezekĩa abya nʼebindu binene kutsibu nʼerĩsĩkĩbwa; naye mwayibanira esyombĩso syʼebĩtsĩpa, nʼesyamagetsi, na busana nʼamabwe wʼobũgũlĩ bunene, na busana nʼebikakumba ndeke, na busana nʼesyongabo, na busana nʼemihanda yosĩ yʼebindu byowene;

2 Emyatsi yʼEmigulu 32:31

Nĩkwa omo mwatsi wʼabakwenda bʼabakulu bʼeBabelĩ, abamutumako erĩbũlya ebyʼeriswekera ebyakolawa omo kihugo, Nyamuhanga mwamũsĩganĩa erimulengako, iniatoka eriminya ebyosĩ ebyabya omo mutima wuwe.

2 Emyatsi yʼEmigulu 9:1

Neryo omugulu omwami-kalĩ wʼeSeba owa engulu ya Solomono, mwasa eYerũsalema erirenga uku Solomono omwʼĩbũlya erĩkalĩre. Abya nʼekikumulo kinene kyʼabandu nʼesyongamia esyaheka ebikakumba ndeke, nʼesyamagetsi nene kutsibu, nʼamabwe wʼobũgũlĩ bunene; nʼomugulu ahĩka uku Solomono, mwakanĩa naye ebyosĩ ebyabya omo mutima wuwe.

2 Emyatsi yʼEmigulu 9:9

Neryo mwaha omwami esyotalanta syʼesyamagetsi erĩgana nʼamakũmĩ abiri (120), nʼebikakumba ndeke nʼamabwe wʼobũgũlĩ bunene, kutse sihabya ebikakumba ndeke-ndeke bingi-bingi ebiri ngʼebyo omwami-kalĩ wʼeSeba aha omwami Solomono.

Yobũ 31:25

Kandi sinditayiheka busana nʼebindu byage binene,

Emĩsyo 4:23

Tegaya omutima wawe nʼomũhwa gosĩ; Kusangwa mugo mũkalũa esyongũnũnũko syʼengebe.

Omũgambũlĩ 7:20

Kwenene sihali mundu utunganene muna-kihugo, oyukakola ebibuya emigulu yosĩ ĩsĩalĩhalaya.

Yeremĩa 17:9

Omutima ni wʼeriteba kwilaba emyatsi yosĩ, kandi alwere nabi. Nindi wangatoka eriminyago kwehĩ?

2 AbanyaKorinto 12:7

Nĩkwa isinangayiheka nʼerĩyĩhamya busana nʼerĩbĩsũlĩrwa lĩnene erĩlabĩre, monahabwa endwala yʼomubiri eyabya ngʼomukwenda wʼeSatanĩ wʼerĩnyĩhũnza, erĩnyĩkakĩrya okwʼiyiheka.

1 Yoane 1:8

Twamabũga tuti situwite kibi, tukayiteba, nʼomwatsi wʼekwenene siali netu.