Ĩsaya 30:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Obuholo bwa Farao bwasyabya erihemuka lyenyũ, nʼobulemberero omo kyũtsũtsũ kyʼeMĩsĩrĩ bwasyabya bugangagange bwenyũ.

Ĩsaya 30:3 Iomraidhean Croise

2 Abami 18:21

Neryo lebaya, ukayiketera omũtso oyũ owʼoluseke lũbũnangĩkĩre, olo nĩ Mĩsĩrĩ; neryo omundu amayegemerya kulo, lwasyingira omo byala biwe nʼeritobolabyo. Farao omwami wʼeMĩsĩrĩ kwʼane atya oko bosĩ abakayiketeraye.

Esyonyimbo 108:12

Ũtũwatĩkaye erilwa nʼesyonzĩgũ syetu, Kusangwa erĩwatĩkya lyʼabandu ni buyira!

Emĩsyo 25:19

Eriyiketera omundu oyukalegula oko mugulu wʼobũlĩge, Liri ngʼerĩno iĩtwĩkĩre, nʼokugulu kũbũnĩkĩre.

Ĩsaya 20:5

Neryo basyabya nʼobũlĩge nʼerihemuka busana nʼeEtĩopĩa amaha wabo, na busana nʼeMĩsĩrĩ eriyihalamba lyabo.

Ĩsaya 20:6

Esyondũlanĩ esĩkere oko mũsĩke wʼengetsi basyabũga oko kiro ekyo bati, Lebaya, amaha wetu wayo, eyo twasayira tũwatĩkĩbawe erĩlamĩbwa oko mwami wʼeAsũrĩa. Netu, twasyabala tuti kwehĩ?

Ĩsaya 36:6

Lebaya, ukayiketera omũtso wʼoluseke olũbũnĩkĩre, ye Mĩsĩrĩ, omundu amayegemerya kugo, akandiya omo byala biwe nʼeritsimitabyo. Farao omwami wʼeMĩsĩrĩ kwʼali atya oko bosĩ abakayiketera ye.

Yeremĩa 2:36

Busana nakĩ ukaganga-ganga eribindula enzira yawe kwehĩ? Wasyakwa esĩsonĩ busana nʼeMĩsĩrĩ, ngoko wakwa esĩsonĩ busana nʼeAsũrĩa.

Yeremĩa 42:18

Kusangwa Omwami Mukulu wʼemilondo, Nyamuhanga wa Ĩsraelĩ ati, Ngoko erihitana lyage, nʼeriagalirwa lyage byabĩrĩũtũlĩrwa oko ndũlanĩ syʼeYerũsalema, erihitana lyage ko lyasyũtũlĩrwa litya ũkwʼĩnywe, omugulu mwasyingira eMĩsĩrĩ. Nenyũ mwasyabya kĩtsũmĩ, nʼekindu kyʼenye nʼobutakirwa, nʼekĩponĩrwe. Kandi simwendisyaswalangira hano.

Yeremĩa 42:22

Neryo lino muminye kwenene ngoko mwasyahola omo mũyalĩ nʼomo nzala, nʼomo ndwala yʼakasũsũ eyo mukasonda erigenda nʼerĩĩkala.

Yeremĩa 46:25

Omwami Mukulu wʼemilondo, Nyamuhanga wʼeĨsraelĩ ati, Lebaya, nasyasuyira Amonĩ wʼeNo, na Farao, nʼeMĩsĩrĩ, haguma nʼesyonyamuhanga siwe, nʼabami buwe, ye Farao, nʼabandu abakayiketera ye.

Ezekĩelĩ 29:7

Omugulu bakuhamba omo byala, mowabũnĩka, kandi mowatulanga ebyala byabo byosĩ. Nʼomugulu bakwegemerako, mowatwĩka, kandi mowaleka esyondungu syabo syosĩ isyalega-lega.

Hosea 10:6

Ekindu ekyo kyasyatwalwa oko Asũrĩa eribya engemu oko mwami Yereba; Efũraĩmũ asyasyĩtwa esĩsonĩ, na Ĩsraelĩ asyĩtwa esĩsonĩ busana nʼebihano biwe.

AbanyaRoma 10:11

Kusangwa Amasako ati, Obuli mundu oyũkamwĩkĩrĩraya siendisyahemulwa.

AbanyaRoma 5:5

Kandi amaha sialituteba, kusangwa Omũlĩmũ Abũyĩrĩre ogo Nyamuhanga atuha, abĩrĩũtũlĩra olwanzo lwa Nyamuhanga omo mitima yetu.