Ĩsaya 3:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kusangwa eYerũsalema yabĩrĩherĩbwa, nʼeYũda yabiriwa, kusangwa olulimi lwabo nʼemĩbĩrĩ yabo nĩ bũyĩgũ oko Mwami Mukulu, erihona embere syʼowʼolukengerwa.

Ĩsaya 3:8 Iomraidhean Croise

2 Emyatsi yʼEmigulu 28:18

NʼAbafĩlĩstĩnĩ nibya ibamabibambira emĩyĩ yʼomwʼirungu, nʼekyʼolutambi lwʼeyĩkwa kyʼeYũda nʼerĩhũnga eBetĩ-semesĩ, nʼeAyalonĩ, nʼeGederotĩ, nʼeSoko, haguma nʼemĩyĩ yayo, nʼeTimũna nʼemĩyĩ yayo, nʼeGĩmũzo nibya, nʼemĩyĩ yayo; mobĩkalayo.

2 Emyatsi yʼEmigulu 33:11

Busana nʼekyo Omwami Mukulu mwaleta kubo abakulu bʼemilondo yʼOmwami wʼeAsũrĩa, mobahamba Manase omo mbaniko omo nĩndo, nʼerimuboha omo misege yʼemiringa, mobamutwala eBabelĩ.

Emĩsyo 26:27

Oyukatakula obuhya asyatogera mubo; Nʼoyũkakũmbagalaya erĩbwe, lyasyamusubako.

Ĩsaya 1:7

Ekihugo kyenyũ nĩ kĩma; emĩyĩ yenyũ yahĩre omo muliro. Amalima wenyũ, abakalũa ehandi babiriryago embere syʼameso wenyũ, nago nĩ kĩma ngʼekĩkaherĩbawa nʼabandu abalũa ehandi.

Ĩsaya 49:19

Nĩkwa, busana nʼomulala wawe, nʼebĩma byawe, nʼekihugo kyawe ekyabĩrĩherĩbwa, kwenene lino Wasyabya muke busana nʼesyondũlanĩ, nʼabakumera basyabya hali.

Ĩsaya 57:4

Mukasekandi kwehĩ? Nindi yo mukatandira obuno bwenyũ nʼerikonga olulimi lwʼomo buno ukundi kwehĩ? Ĩnywe Simuli bana bʼerihona, nʼabana bʼamatebo kwehĩ?

Ĩsaya 59:3

Kusangwa ebyala byenyũ byabiritsanda omo musasi, nʼeminwe yenyũ yabiritsanda nʼebibi. Emĩnywa yenyũ yabĩrĩbũga amabehĩ, olulimi lwenyũ lwabĩrĩbũga-bũga ebibi.

Ĩsaya 6:11

Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

Ĩsaya 9:17

Neryo Omukama sialitsemera abalwana babo, kandi sialiganyira esyongũbĩ syabo nʼabakwakalĩ. Kusangwa obuli mundu nĩ mũtsandĩrya nʼomukola-nabi, nʼobuli buno bũkabũga ebyʼobũkĩrũ. Kusangwa busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Yeremĩa 23:36

Sibangaswabũga ebĩnywa bati, Omwatsi wʼOmwami Mukulu ni muheke, kusangwa omundu amabũgabyo nasyayira omwatsi wage mo muheke wuwe, kusangwa abandu babiribindula nabi ebĩnywa bya Nyamuhanga wabo oyuliho, Omwami Mukulu wʼemilondo, Nyamuhanga wetu.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 26:6

neryo nasyayira enyũmba eyĩ ngʼeSĩlo, kandi, nasyayira omũyĩ oyũ mo kĩtsũmĩ oko bihanda byosĩ byʼekihugo.

Yeremĩa 4:13

Lebaya, akasyahetuka ngʼebĩtũ, nʼesyogalĩ siwe syʼamalwa syasyabya ngʼakanyabungu. Esyosabayĩrĩ siwe syangũhĩre kwilaba amasamba. Obũlĩge kwĩtwe, kusangwa twabiritsanda!

Yeremĩa 44:3

Busana nʼebibi byabo ebyo bakola nʼerĩnyĩhĩtanĩa, kusangwa mobayahĩsya obukwa, nʼerikolera esindi nyamuhanga, esyo batabya basĩ, kutse ibo, kutse ĩnywe, kutse abotata wenyũ.

Ekiriro 1:9

Esyonye siwe syabya omo lukimba luwe. Sialibuka endũlĩ yiwe. Kikaleka iniawa omo mĩsũsũmano. Siawite omũkĩranĩa. Uwe Mwami Mukulu, ũlebaye obũlĩge bwage, Kusangwa enzĩgũ yabĩrĩyĩhamya.

Ezekĩelĩ 8:12

Neryo mwambwira ati, Mugala wʼomundu, Wamalangira ebyo abakulu bʼekihanda kya Ĩsraelĩ bakakola omo mwĩrĩmya, obuli mundu omo byumba biwe byʼesyosanamu esĩbatsĩre kwehĩ? Kusangwa bakabũga bati, Omwami Mukulu sĩatũlangĩre. Omwami Mukulu abĩrĩsĩganĩa ekihugo.

Ezekĩelĩ 9:9

Neryo mwabũga nage ati, Ebibi byʼekihanda kya Ĩsraelĩ na Yũda ni bingi kutsibu kũndũ, nʼekihugo kyoswĩre nʼomusasi, nʼomũyĩ amũsũla nʼerĩkũnya-kũnya omusango, kusangwa bakabũga bati, Omwami Mukulu abirireka ekihugo ekĩ, kandi Omwami Mukulu sialilangira!

Hosea 5:5

Kandi eriyiheka lya Ĩsraelĩ likamuhandikirira oko bũsũ buwe; busana nʼekĩ Ĩsraelĩ na Efũraĩmũ basyatwĩkala omo bubi bwabo; Yũda naye abĩrĩtwĩkala haguma nabo nibya.

Hosea 7:16

Bakabinduka nĩkwa butsira erĩlolya endata; bali ngʼobuta obukateba; abakulu babo basyawa omo mũyalĩ busana nʼeritsatsuha lyʼolulimi lwabo. Ekĩ kyasyabya erisekwa lyabo omo kihugo kyʼeMĩsĩrĩ.

Mĩka 3:12

Neryo busana nenyũ, eSĩonĩ yasyakwangurwa ngʼeririma, nʼeYerũsalema yasyabya ngʼekĩhĩnga, nʼekitwa kyʼenyũmba yʼeHekalũ kyasyabya ngʼahʼendata hʼomũsĩtũ.

Mĩka 6:12

Kusangwa abandu bʼebindu bʼomũyĩ boswĩre nʼomwaga, nʼesyondũlanĩ syako sĩkabũga amabehĩ, nʼolulimi lwabo lukateba omo buno bwabo.

Habakũkĩ 1:13

Uwite ameso awatũkwĩre awate angatoka erĩrĩga ebibi. Kandi siwangatoka erisamalira esyongĩyĩnĩ syo ndeke, busana nakĩ ukatungerera abakakola Obũgobya nʼerĩsĩma kwehĩ? Busana nakĩ ukahuna omugulu ababi bakamera abandu batunganene kwilababo kwehĩ?

1 AbanyaKorinto 10:22

Tukasonda erĩhĩtanĩa Omukama kwehĩ? Ko tũmũlengĩrye maka kwehĩ?

Yuda 1:15

eritswera abosĩ, nʼerĩsĩnga abosĩ abatekenga Nyamuhanga busana nʼemĩbĩrĩ yabo eyitekenga Nyamuhanga, eyo bakahalayamo, kandi asyasĩnga abakola-nabi abo abatekenga Nyamuhanga busana nʼemyatsi yosĩ eyĩkalĩre eyo babĩrĩbũga omwʼimunegulira.