Ĩsaya 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼabandu basyanũbĩbwa, obuli mundu asyanũbya ogundi nʼobuli mundu asyanũbya mũlĩkyabo. Omũlwana asyalwa nʼomukulu, nʼomundu mutya-mutya asyalwa nʼomundu wʼerikengwa.

Ĩsaya 3:5 Iomraidhean Croise

2 Abami 2:23

Neryo mwalũayo mwahetukira eBetelĩ, neryo abere anemugenda omo nzira, abalwana abakalũa omo mũyĩ mobahĩkaho mobamũsekererya, mobamubwira bati, Hetuka, uwe wʼoluhala! Uhetuke uwe wʼoluhala!

Ĩsaya 1:4

Ĩlolo, uwe kihanda kyʼebibi, abandu bakalĩtoherawa nʼamalolo, abana bʼabakola-nabi, abana bʼerĩtsandya! Babĩrĩsĩganĩa Omwami Mukulu, babiripona Oyũbũyĩrĩre wa Ĩsraelĩ, babirimutswako.

Ĩsaya 11:13

Neryo obũha bwa Efũraĩmũ bwasyalũaho, nʼababendereraya Yũda basyatindwa. Na Efũraĩmũ sĩendĩsyakwa Yũda yʼobũha, na Yũda sĩendĩsyendererya Efũraĩmũ.

Ĩsaya 19:2

Kandi nasyalwĩsĩsanĩa emitima yʼAbanya Mĩsĩrĩ erilwa nʼAbanya Mĩsĩrĩ. Nabo basyayĩrwanĩa obuli mundu na mugala wabo, nʼobuli mundu na mũlĩkyabo, nʼomũyĩ nʼogundi mũyĩ, nʼobwami nʼobundi bwami.

Ĩsaya 9:18

Kusangwa ebibi bĩkahĩsaya ngʼomuliro, owakahĩsaya amahwa nʼemisakisaki. Ega, akakaya ebisaka byʼomolĩ, bĩkayĩtĩmbako endata ngʼendũyĩ yʼomũkĩ.

Yeremĩa 22:17

Nĩkwa ameso wawe nʼomutima wawe ni ʼsonda endũndĩ yʼamatebo, nʼerĩũta omusasi ate ko musango, na busana nʼerĩnũbya abandu, na busana nʼerĩpũra ebindu nʼamaka.

Ezekĩelĩ 22:12

Ewawe bakĩmaya esigulo busana nʼerĩũta omusasi. Wabĩrĩmya endũndĩ yʼebindu nʼerikanyirira lyʼebindu, kandi wabĩrĩagalya abalĩkyenyũ nʼerĩnũbyabo busana nʼendũndĩ, kandi wabirinyibirirwa, Omukama Iye Omwami Mukulu atya.

Abalawĩ 19:32

Uhanganire owʼomutwe wʼesyombwĩ, nʼerikenga obũsũ bʼomũsyakulu, wasyubaha Nyamuhanga wawe. Ĩngye indi Mwamĩ Mukulu.

Amosĩ 4:1

Mowe ekĩnywa ekĩ, ĩnywe nde syʼeBasanĩ esiri omo bitwa byʼeSamarĩa, abakanũbaya abera, abakalyata oko bera, abakabũga nʼabĩbabo bati, Mulete, tũpũlaye!

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 7:2

Oyukakenga Nyamuhanga abirihwerekerera omo kihugo, kandi sihali oyutunganene omo katĩkatĩ kʼabandu. Abosĩ bakalĩmbaya omusasi; obuli mundu akasonda-sondaya mugala wabo yʼomo butimba.

Zekarĩa 11:6

Kusangwa Sindiendisyaganyira kandi esyondũlanĩ syʼekihugo, Omwami Mukulu atya; nĩkwa lebaya, nasyahĩra abandu obuli muguma omo bũtokĩ bwa mũlĩkyabo, nʼomo bũtokĩ bwʼomwami wuwe; nabo basyĩta ekihugo, nage sindiendĩsyalamyabo omo bũtokĩ bwabo.

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

Matayo 26:67

Neryo mobatwĩra matande omo bũsũ bwa Yesu nʼerĩmũswĩrya ebĩkũndĩ, nʼabandi mobamũswĩrya esyongũmbe.

Mariko 14:65

Neryo abandi mobatsũka erĩtwĩra uku Yesu kwʼamatande, mobaswika obũsũ buwe, nʼerĩmũswĩrya ebĩkũndĩ, ibakamubwira bati, Minyerera oyo wamakũswĩrya! Nʼabateya mobamuhamba mobamũswĩrya esyongũmbe.

Luka 22:64

Kandi mobaswika ameso wa Yesu mobamũbũlya bati, Uminyerere! Nindi yo wamakũswĩrya kwehĩ?

Yakobo 2:6

Nĩkwa ĩnywe mukahemula omundu mwera! Si ba bandu bʼebindu abakabanũbaya, nʼeribakurira embere syʼabatswerĩ kwehĩ?

Yakobo 5:4

Mũlebaye, simwetaliha abandu abahingira omo malima wenyũ, nʼabandu abasolomago. Nabo bakabatsongera. Nʼerilaka lyabo lyabĩrĩhĩka omo matwĩ wʼOmukama wʼAmaka Gosĩ.