Ĩsaya 3:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Obũlĩge oko mundu mubi! Kusangwa asyakolwa ngʼebyo ebimutolere.

Ĩsaya 3:11 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

2 Samwelĩ 3:39

Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

1 Abami 21:21

Lebaya, ngandikuletera ebibi, ngandĩsyakũbĩrya nʼerĩĩta obuli mwana wʼobulume uku Ahabũ, oyuli omo mũlĩkĩ nʼogʼobwĩranda omo Baĩsraelĩ.

2 Emyatsi yʼEmigulu 6:23

neryo omo lubula wowe, Ukole, nʼeritswera abagombe bawe, erĩkĩsya ababi, ũsũbaye oko mutwe wuwe emĩbĩrĩ yiwe; nʼeriha erĩbanza oko yutunganene, erimuha ngʼeritunganene riwe.

Yobũ 10:15

Namabya mubi, obũlĩge kwĩngye! Namabya mutunganene, nĩkwa sinangasumba omutwe wage, Ngũsũla nʼesĩsonĩ, nʼeriminya obũlĩge bwage.

Esyonyimbo 28:4

Usuyirebo busana nʼemĩbĩrĩ yabo, busana nʼebibi babirikola, Usuyirebo busana nʼemĩbĩrĩ yabo yosĩ; Ulihebo obũhĩngĩ obutolerebo!

Esyonyimbo 62:12

Kandi Mukama, olwanzo olutyusa ni lwawe, Kusangwa uwe Mukama ukaliha obuli mundu ngʼemĩbĩrĩ yiwe kwʼiri.

Emĩsyo 1:31

Busana nʼekyo basyalya oko bĩgũma byʼenzira yabo, Basyũgũta erĩyĩtsũtsa lyabo.

Emĩsyo 11:31

Lebaya, omutunganene asyahembwa omo kihugo; Kwilaba aho lingahi omubi nʼomukola-nabi asyahembwa!

Emĩsyo 12:14

Omundu asyũgũtĩbwa omo bubuya busana nʼebĩgũma byʼobuno buwe; Nʼemĩbĩrĩ yʼebyala byʼomundu yasyamũsũbũlĩrĩbwa.

Emĩsyo 26:27

Oyukatakula obuhya asyatogera mubo; Nʼoyũkakũmbagalaya erĩbwe, lyasyamusubako.

Omũgambũlĩ 8:13

Nĩkwa omundu mubi sĩendĩsyowana, kutse sĩendĩsyakanyĩa ebiro biwe, ebiri ngʼekyũtsũtsũ, kusangwa sialyubaha Nyamuhanga.

Ĩsaya 13:11

Litya nasyasuyira ekihugo busana nʼebibi byakyo, nʼabakola-nabi busana nʼamalolo wabo. Ngandĩhũnerya eriyitendera lyʼabakayiheka, nasyabũndamĩrya ahisi eriyiheka lyʼabatsibu.

Ĩsaya 48:22

Omwami Mukulu ati, Sihali Obuholo oko babi.

Ĩsaya 65:20

Sihendisyaswabya lumekeke lwʼebiro bike, kutse musyakulu oyute waberererya ebiro biwe, kusangwa omwana asyahola ini wʼemyaka erĩgana, nʼoyũtehĩka oko myaka erĩgana, basyamwahula mo mutakirwa.

Ĩsaya 65:6

Lebaya, ekĩ kĩsakĩre embere syage: Sindiendisyahuna, nĩkwa nasyaliha, ega nasyaliha omo kĩkũba kyabo.

Ĩsaya 65:7

Omwami Mukulu ati, Ebibi byenyũ nʼebibi byʼabotata wenyũ haguma. Kusangwa babĩrĩhĩsya obukwa oko bitwa, nʼerinyipona oko hitwa. Busana nʼekyo nasyalenga omũbĩrĩ wabo wʼerĩmbere omo bĩkũba byabo.

Yeremĩa 21:14

Omwami Mukulu ati, Nasyabasuyira busana nʼemĩbĩrĩ yenyũ. Nasyakya omuliro omo kikali kyenyũ, nago asyahĩsya ebyosĩ ebiri hakũhĩ.

Yeremĩa 31:30

Nĩkwa obuli mundu asyahola busana nʼebibi biwe ĩyowene-wene. Obuli mundu oyukalya ebĩnyũ bĩgayĩre, ameno wuwe asyagegera.

Ezekĩelĩ 16:59

Kusangwa Omukama Iye Omwami Mukulu ati, Nasyakukolera ngoko wabirikola nibya, uwe wabiripona erĩlahĩrya mũkatwa endagano.

Ezekĩelĩ 18:20

Omundu oyukakola ebibi asyahola. Omugala siendisyaheka erisuyira lyʼebibi byʼĩse, kutse ĩse siendisyaheka erisuyira lyʼebibi byʼomugala. Ebitunganene byʼoyutunganene byasyamubyako, nʼebibi byʼomubi byasyamubyako.

Ezekĩelĩ 2:10

Omugulu asanzakyo embere syage, kyabya ikyabirisakwako embere nʼenyũma, nʼakandi ĩhasakĩreko ebiriro, nʼerĩsũsũmana nʼobũlĩge.

Ezekĩelĩ 24:14

Ĩngye Mwami Mukulu nabĩrĩbũgakyo— Kikandisyabererera, nage nasyakolakyo. Sindiendisyasasira, kandi Sindiendisyaganyira, kandi sĩndĩendĩsyakwa obũlĩge. Omukama Iye Omwami Mukulu ati, Nasyakutswera ngʼesyonzira syawe, kandi ngʼemĩbĩrĩ yawe kwʼiri.

Ezekĩelĩ 33:8

Omugulu ngabwira ababi nyiti, Uwe mundu mubi, kwenene wasyahola, nawe sũlĩbũga ehe-e, erikunga omundu mubi alũe omo nzira yiwe. Omundu mubi oyo asyahola omo bibi biwe, nĩkwa omusasi wuwe nasyasondago omo byala byawe.

Mĩka 3:4

Neryo basyalakira Omwami Mukulu, nĩkwa siendisyasũbĩryabo; ega, oko mugulu oyo asyabĩsabo obũsũ buwe, kusangwa babirikola emĩbĩrĩ mibi.

Mĩka 7:13

Nʼekihugokyasyabyakĩma, busana nʼabĩkalanĩ ba mukyo, busana nʼemikolere yʼemĩbĩrĩ yabo.

Emiganzo 32:23

Nĩkwa mwamatindakola mutya, ĩmwamahalya oko Mwami Mukulu; kandi muminye ebibi byenyũ ĩbyasyabahĩkako.

2 AbanyaKorinto 5:10

Kusangwa litolere ĩtwe bosĩ itwahuluka embere sya Kristo nʼeritswerwa naye, neryo obuli mundu inialihwa busana nʼemikolere eyo akola omo mubiri wuwe, yamabya ĩyowene, kutse yamabya ini mibi.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Abatswerĩ 9:57

Kandi mwakĩsĩrya ebibi byosĩ byʼabandu bʼeSekemũ oko mitwe yabo; nʼeritakira lya Yotamũ omugala wa Yerũbalĩ molyahĩka kubo.