Ĩsaya 27:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ĩngye Mwami Mukulu indi mũteya walyo. Ngandĩheheryalyo obuli katambĩ. Sihabye oyũkagalayalyo, ngandĩteyalyo omo kiro nʼomo musibo.

Ĩsaya 27:3 Iomraidhean Croise

Enzũko 6:17

Neryo nage, lebaya, ngaleta erigunga lyʼamagetsi oko kihugo, erĩherya, ebyosĩ ebikahumula ebiri nʼengebe omwisi wabyo eyĩkwa oko bũtũkũ. Obuli kindu kiri omo kihugo kyasyahola.

Enzũko 9:9

Nage, lebaya, nasyahanganĩa endagano yage haguma nenyũ, na haguma nʼabana benyũ enyũma wenyũ,

1 Abami 8:59

Nʼebĩnywa ebĩ nabirisaba embere syʼOmwami Mukulu, bibye hakũhĩ nʼOmwami Mukulu Nyamuhanga wetu omo musibo nʼomo kiro, ĩnĩahanganĩa omwatsi wʼomugombe wuwe, nʼomwatsi wʼabandu buwe Abaĩsraelĩ ngʼobwaga bwabo bʼobuli kiro;

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 46:5

Nyamuhanga ĩkere omo mũyĩ oyo, nago sĩendĩsyaherĩbwa na kera; Nyamuhanga asyawatĩkyago omugulu bukakya.

Ĩsaya 31:5

Ngʼesyonyonyũ ko sikaguluka, Omwami Mukulu kwʼasyalembera atya eYerũsalema. Asyateyago nʼerĩlamyago, asyalabaho nʼerĩlamyago.

Ĩsaya 42:6

Ingye indi Mwami Mukulu, nabirikubirikira omo litunganene, kandi nasyakuwata oko byala, kandi nasyakũteya, nʼerikuha eribya ndagano oko bandu, nʼekyakakala oko bihanda,

Ĩsaya 44:3

Kusangwa nasyũtũlĩra amagetsi ũkwʼoyũkwĩre enyota, nʼesyonyũsĩ oko kitaka kyũmĩre. Nasyũtũlĩra Omũlĩmũ wage oko bana bawe, nʼeritsumula lyage oko bitsikulu bawe.

Ĩsaya 46:4

Nʼerĩhĩka okwʼikula lyenyũ ĩngye nasyabya nyitya, kandi erĩhĩka oko mbwĩ syenyũ nasyabaheka! Nabirikolakyo, kandi nasyabaheka, nasyabaheka, nasyabalamya.

Ĩsaya 46:9

Mũyĩbũkaye emyatsi yʼerĩmbere eya kera. Kusangwa ĩngye indi Nyamuhanga, sihali gundi. Ĩngye Nyamuhanga, kandi sihali gundi nga ngye.

Ĩsaya 49:8

Omwami Mukulu ati, Oko mugulu wʼerĩsĩmwa monakũsũbĩrya, nʼoko kiro kyʼomulamo monakũwatĩkya. Kandi nasyakũteya, nʼerikuha eribya endagano yʼabandu, erĩhanganĩa ekihugo, erihabo eribana erilaga lyʼemyandu yʼomulala.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Ĩsaya 58:11

Kandi Omwami Mukulu asyakusondola emigulu yosĩ, nʼerĩũgũtĩrya omutima wawe omo myanya yũmĩre, nʼerĩkala-kalya amakũha wawe. Kandi Wasyabya ngʼeririma lyahĩrawa mwʼamagetsi, kandi ngʼengũnũnũko yʼamagetsi, amagetsi wayo sialiuma.

Ĩsaya 60:16

Wasyalya amasabũ wʼebihanda, Kandi wasyalya obukamahe bwʼabami. Neryo wasyaminya kwʼindi ĩngye Mwami Mukulu, Omũlamya wawe, Nʼomũtongolya wawe, Embangĩ ya Yakobo.

Ezekĩelĩ 34:11

Kusangwa Omukama Iye Omwami Mukulu ati, Lebaya, ĩngye ĩngyowene-wene, nasyasonda-sondya esyombũlĩ syage, nʼerĩsondekanĩasyo.

Ezekĩelĩ 34:24

Ĩngye Mwami Mukulu nasyabya Nyamuhanga wasyo, nʼomukobe wage Dawĩdĩ asyabya munya-mwami omo katĩkatĩ kasyo. Ĩngye Mwami Mukulu, nabĩrĩbũgakyo.

Ezekĩelĩ 37:14

Nasyahĩra Omũlĩmũ wage omwisi wenyũ, nenyũ mwasyasuba nʼeribyaho, nasyabahĩra omo kihugo kyenyũ. Neryo mwasyaminya kwʼindi nĩ ngye Mwami Mukulu, nabĩrĩbũgakyo nʼerikolakyo, Omwami Mukulu atya.

Ezekĩelĩ 37:28

Nʼebihanda byasyaminya ko ndi Mwami Mukulu oyukahigula Ĩsraelĩ, omugulu ahabũyĩrĩre hage hasyabya omo katĩkatĩ kabo kera na kera.

1 Samwelĩ 2:9

Asyateya ebisando byʼabandu buwe abakamukenga. Nĩkwa ababi basyagasamĩbwa omo mwĩrĩmya; Kusangwa omo maka sihali mundu wasyasĩngana.