Ĩsaya 27:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Oko kiro ekyo, Omwami Mukulu omo mũyalĩ wuwe owatwĩre, omunene nʼowʼamaka, asyasuyira Lewĩatanĩ enzoka eyikatibita, yo Lewĩatanĩ enzoka eyo eyĩnyola-nyolĩre. Kandi asyĩta enzoka nene eyiri omo ngetsi.

Ĩsaya 27:1 Iomraidhean Croise

Yobũ 26:13

Busana nʼomuka wuwe ekyanya kĩkowana; Ebyala biwe byabiritsimita enzoka eyikatibita.

Yobũ 3:8

Abakatakira omusibo batakirekyo, Abasĩkĩre erĩbũkya enziramira.

Yobũ 40:19

Kyo kihangiko kyʼeriswekera kya Nyamuhanga. Oyo wahangikayo yo wangatoka erĩkĩndayo.

Yobũ 41:1

Wanganatoka erisoha amamba omo burobo kwehĩ? Kutse erĩyamatanĩa olulimi lwago omo lukoba kwehĩ?

Esyonyimbo 104:26

Amato akalaba muyo, Kandi muli Lewĩatanĩ eyo wahangika eritsangiramo.

Esyonyimbo 45:3

Ubohe omũyalĩ wawe oko ndungu yawe, uwe mwami, embangĩ; Uli wʼobũtokĩ nʼowʼerikengwa!

Ĩsaya 26:21

Kusangwa, lebaya, Omwami Mukulu akĩsĩya iniahuluka akalũa aho wuwe erisuyira esyondũlanĩ syʼekihugo busana nʼebibi byabo. Ekihugo kyasyabĩsũla omusasi wakyo, sikyendisyaswaswika abĩtawa bakyo.

Ĩsaya 51:9

Ubuke, ubuke, wambale amaka, Uwe kuboko kwʼOmwami Mukulu, Ubuke ngʼebiro bya kera Ngʼesyondengo syʼemigulu ya kera. Si we watsũtsanga Rahabũ mo bitswebitswe kwehĩ? Si we watsimita enzoka nene eyo kwehĩ?

Ĩsaya 65:12

Neryo nasyabalayirira omũyalĩ, nʼĩnywe bosĩ mwasyũnamira erĩĩtwa. Kusangwa nabirikira, nĩkwa momutitaba. Monabũga, momũtowa. Nĩkwa momwakola ebibi omo meso wage, kandi momwayisoga ebyo ndetsemera.

Ĩsaya 65:25

Omukenge nʼekyana kyʼembũlĩ byasyalira haguma, nʼendale yasyalya ebiti ngʼende, nʼolũtũtũ lwasyabya kalyo kʼenzoka. Sisyendisyakola ebibi kutse omwaga omo kitwa kyage kyosĩ kĩbũyĩrĩre, Omwami Mukulu atya.

Ĩsaya 66:16

Kusangwa Omwami Mukulu asyaberererya eritswera omo muliro nʼomo mũyalĩ wuwe oko mibiri yosĩ. Nʼabo abakandĩsyĩtwa nʼOmwami Mukulu basyabya bangi.

Yeremĩa 47:6

Uwe mũyalĩ wʼOmwami Mukulu, wasvakĩrana mugulu wahi kwehĩ? Ũyĩhĩre omo lubo lwawe. Uluhuke, ubye bũkũtũ.

Yeremĩa 51:13

Ĩnywe mwĩkere oko magetsi mangi-mangi, imuwite obũsokĩ bunene, endũlĩ yenyũ yamahĩka, olulengo lwʼerihwa lyenyũ.

Yeremĩa 51:34

Nebũkadeneza omwami wʼeBabelĩ abirinyirya, abĩrĩnyĩbũnanga, abĩrĩnyĩhĩra ahisi ngʼekikorongo abirinyimera ngʼenziramira, abĩrĩũsũlya enda yiwe mwʼebindu byage ebĩsĩhĩre. Abirinyigusa eyĩhya.

Ezekĩelĩ 29:3

Ũbũge uti, Umukama, Iye Omwami Mukulu ati, Ũlebaye, ngalwa nawe, uwe Farao omwami wʼeMĩsĩrĩ, ekiyoka kinene ekĩkere omo katĩkatĩ kʼesyonyũsĩ syako, kyabĩrĩbũga kiti, Olũsĩ lwʼeNĩlĩ lwage ni lwage, ĩngyowene nabirihangikalo.

Amosĩ 9:3

Nomo bangayĩbĩsa oko singi yʼeKaramelĩ, nasyasondyabo nʼerĩlũsyabo eyo; kandi nomo bangabĩsama oko meso wage omo mutobero wʼengetsi, eyo nasyahamula enzoka iyalumabo.

Eribisurirwa 12:3

Neryo ekindi kitiko-tiko mokyabutuka elubula. Neryo lebaya! Habya ekiyoka kinene ekĩhenĩrye ngʼengula, ikiwite emitwe irinda, nʼamahembe ĩkũmĩ, nʼesyombĩta sirinda syabya oko mitwe yakyo.

Eribisurirwa 13:11

Neryo monalangira eyindi nyama ĩkalũa omo kihugo. Yabya yiwite amahembe abiri ngʼekyana kyʼembũlĩ, kandi moyabũga ngʼekiyoka.

Eribisurirwa 13:4

Neryo abandu mobaramya ekiyoka ekyo kusangwa mokyaha enyama eyo ehamũlĩ yakyo. Kandi mobaramya enyama eyo bati, Nindi ali ngʼenyama eyo kwehĩ? Kandi nindi wangatoka erilwa nayo kwehĩ?

Eribisurirwa 16:13

Neryo monalangira emĩrĩmũ ĩsatu ngʼebikere bisatu ebĩtũnda-tũndĩre bĩkalũa omo buno bwʼekiyoka, nʼomo buno bwʼenyama eyo, nʼomo buno bwʼomũmĩnyererĩ wʼamabehĩ.

Eribisurirwa 17:1

Nĩkwa omuguma wʼoko bamalaĩka balinda ababya nʼebibindi birinda mwambĩkako mwambwira ati, Wase hano, ngandĩkũkangya erisuyira lyʼomũmalaya mukulu gʼomũyĩ munene owahĩmbĩre hakũhĩ nʼesyonyũsĩ nyingi.

Eribisurirwa 17:15

Neryo omũlaĩka mwambwira ati, Amagetsi ago walangira, ago mũkalĩ mũmalaya ĩkereko, ni bandu, nʼesyondeko, nʼebihanda, nʼemĩbũge.

Eribisurirwa 19:21

Nʼabandi mobĩtwa omo mũyalĩ owakalũa omo buno bwʼoyo wĩkere oko sabayĩrĩ, nʼesyonyonyũ syosĩ mosyũgũta omo sĩswĩ syʼemibiri yabo.

Eribisurirwa 2:16

Neryo ubindule omutima wawe uleke erikola ebibi! Bite bitya ngasyakũhĩkako lũba nʼerilwa nabo omo mũyalĩ wʼobuno bwage.

Eribisurirwa 20:2

Neryo mwatsimba ekiyoka ekyo, enzoka eyo ya kera, oyuli Dĩabolo nʼeSatanĩ, neryo mwabohayo oko myaka elfu nguma (1,000).