Ĩsaya 26:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Enzira yʼabatunganene itendere, Uwe utunganene, uyire enzira yʼabatunganene mo yilambatikene.

Ĩsaya 26:7 Iomraidhean Croise

1 Emyatsi yʼEmigulu 29:17

Nyamuhanga wage, nyĩnasĩ nibya, ngoko ukalenga omutima, kandi ũkatsemesĩbawa omo li­tunganene. Nĩkwa ĩngye omo litunganene lyʼomutima wage nabirianza eriha ebindu byosĩ ebĩ; na lino nabirilangira nʼobutseme abandu bawe abali hano, bakakuha nʼomũhwa.

Yobũ 31:6

Anyilenge oko kĩlo kiringirirene, Nyamuhanga aminye eritunganene ryage;

Esyonyimbo 1:6

Kusangwa Omwami Mukulu asĩ enzira yʼabatunganene; Nĩkwa enzira yʼomundu mubi ni ʼhera.

Esyonyimbo 11:4

Omwami Mukulu ali omo Hekalũ yiwe ĩbũyĩrĩre; Ekĩtũmbĩ kyʼobwami kyʼOmwami Mukulu kiri elubula. Akalangira abandu bosĩ, ĩnĩanasĩ ebyo bakakola.

Esyonyimbo 11:7

Omwami Mukulu atunganene, kandi anzĩre emĩbĩrĩ itunganene, Abakamowa basyĩkala embere siwe.

Esyonyimbo 25:4

Uwe Mwami Mukulu, ũnyĩkangĩrĩraye esyonzira syawe, Ũnyĩmĩnyĩsaye esyonzira syawe.

Esyonyimbo 25:5

Unyisondole omo mwatsi wawe wa kwenene, ũnyĩkangĩrĩrayego; Kusangwa uli Nyamuhanga Omũlamya wage; Omo musibo gosĩ ngahĩra amaha wage ukʼuwe.

Esyonyimbo 27:11

Uwe Mwami Mukulu ũnyĩkangĩrĩraye enzira yawe; Unyisondole omo nzira yʼobuholo, Kusangwa nyiwite esyonzĩgũ nyingi.

Esyonyimbo 5:9

Ebyo syonzĩgũ syawe sĩkabũga sibyangayiketerwa, Emitima yabo yoswĩre nʼebibi, Obuno bwabo buli ngʼeyisinda eyĩtalĩbĩre Erĩbũga lyabo lĩkĩta bandu. Bakasehaya omo lulimi lwabo.

Emĩsyo 11:5

Eritunganene lyʼoyũhĩkene lyasyasondola enzira yiwe, Nĩkwa omubi asyawa omo bubi buwe ĩyowene.

Emĩsyo 20:7

Omundu utunganene akalendera omo litunganene riwe, Nʼabana buwe ni batsumulwa enyũma wuwe.

Emĩsyo 21:8

Enzira yʼoyukaheka omusango ĩhengemĩre kutsibu; Nĩkwa oyũhenĩrye, omũbĩrĩ wuwe atunganene.

Emĩsyo 3:6

Omo syonzira syawe syosĩ umwahule, Naye asyatũngananĩa esyonzira syawe.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Ĩsaya 30:18

Na busana nʼekyo, Omwami Mukulu akasonda eribaganyira. Kandi busana nʼekyo akalinda endata ĩnĩabakwĩra olukogo. Kusangwa Omwami Mukulu ni Nyamuhanga wʼerĩbanza litunganene. Omũyĩsa ali oko bosĩ abakamũkwa olukando.

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 42:16

Kandi nasyasondola esyondĩmatĩme omo nzira esyo batasĩ. Nʼomo syonzira batasĩ nasyasondolabo. Nasyayira omwĩrĩmya mo kyakakala embere syabo, nʼahatakomĩre mo bwerere. Nasyakola emyatsi eyĩ. Sĩndĩendĩsyasĩgayo ĩtakolĩre.

Ĩsaya 52:12

Kusangwa sĩmwendĩsyalũamo lũbalũba, kutse simwendisyagenda mukatswa, kusangwa Omwami Mukulu asyababera embere, na Nyamuhanga wa Ĩsraelĩ asyabya mũteya enyũma syenyũ.

Ĩsaya 57:2

Iye akingira omo buholo. Bakaluhukira omo sisinda syabo, obuli mundu oyo walendera omo nzira yiwe itunganene.

Yeremĩa 10:23

Uwe Mwami Mukulu, nyĩnasĩ kwʼenzira yʼomundu siyiri omwisi wuwe, kandi siriri omwisi wʼomundu oyukalendera erisondola olugendo luwe.

Hosea 14:9

Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.

Zefania 3:5

Omwami Mukulu omo katĩkatĩ kago ni mutunganene; siendisyakola ekite kyʼerĩbanza lyʼekwenene; obuli ngyakya akaleta erĩbanza litunganene liwe oko kyakakala, sialiusa; nĩkwa oyute wʼerĩbanza litunganene sĩasĩ esĩsonĩ.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

AbanyaEfeso 2:10

Kusangwa Nyamuhanga atubumba, nʼerĩtũmatĩkanĩa na Kristo Yesu, abirituhangika ati tukole emĩbĩrĩ yowene eyo akokotaya kera, ati tubye tukakolayo.

1 Yoane 3:10

Ũmwʼekĩ abana ba Nyamuhanga nʼabana bʼeSatanĩ baminyikere. Oyutekola ebitunganene, kutse omundu Oyũtanzĩre mũlĩkyabo, abo si bana ba Nyamuhanga!

1 Yoane 3:7

Bana bage balere, simuleke omundu akabateba. Omundu oyukakola ebitunganene, atunganene ngoko Kristo naye atunganene.