Ĩsaya 26:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Ekisando kyasyalyatangirirago ahisi Bye bisando byʼabandu bʼobũlĩge, Nʼeribasula lyʼabandu batawite omũwatĩkya.

Ĩsaya 26:6 Iomraidhean Croise

2 Abami 9:33

Neryo Yehũ mwabũga ati, Mumuguse ahisi. Nabo mobamugusa batya ahisi; nʼogundi musasi wuwe mwayĩtsararya oko lũhĩmbo, nʼoko syosabayĩrĩ; na Yehũ mwamulyatangirira omo bisando.

Ĩsaya 11:4

nĩkwa omo litunganene asyatswera abera, nʼerisoha ekwenene busana nʼabandu abakagalawa bʼekihugo. Kandi asyĩta ekihugo omo kĩnywa kiwe ngʼengonĩ. Kandi asyĩta ababi omo muka wʼemĩnywa yiwe.

Ĩsaya 25:10

Kusangwa ebyala byʼOmwami Mukulu byasyĩkala oko kitwa ekĩ; nʼeMoabũ yasyalyatangirirwa ahisi aho wuwe, ngʼebiti byũmĩre ebikalyatangirirawa ahisi omo magetsi wʼekyabũ.

Ĩsaya 28:3

Akakĩra kʼeriyiheka kʼabakũndĩrya ba Efũraĩmũ bakalyatangirirawa omo bisando.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 3:14

Omwami Mukulu asyatswera abakulu bʼabandu buwe, nʼabanya-mwami babo. Nĩnywe mwalya eririma lyʼebĩnyũ. Eminyego yʼabera iri omo manyũmba wenyũ.

Ĩsaya 3:15

Mũtĩkĩ, muti mũkahĩnola abandu bage, nʼerigoga obũsũ bwʼabera kwehĩ? Omukama Omwami Mukulu wʼemilondo atya.

Ĩsaya 37:25

Nabiritakula ebitehero nʼerĩpũlya amagetsi, nʼomo bisando byage monũmya esyonyũsĩ syosĩ syʼeMĩsĩrĩ.

Ĩsaya 60:14

Kandi abagala bʼabandu abakwagalaya, Basyakwasako bakakũnamira. Abosĩ abakupona basyayũnamya oko bisando byawe. Kandi basyakwahula mo mũyĩ wʼOmwami Mukulu, ESĩonĩ omũyĩ wʼOyũbũyĩrĩre wa Ĩsraelĩ.

Yeremĩa 50:45

Neryo muhulikirire erĩyĩsũnza lyʼOmwami Mukulu, eryo ayĩsũnza busana nʼeBabelĩ. Nʼobũlengekanĩa buwe obo aganĩraya erilwa nʼekihugo kyʼAbakaldea. Kwenene basyakurabo, nʼabana babo basyahũngwa. Kwenene asyayira olũlĩsĩryo lwabo mo kĩma busana nabo.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Zefania 3:11

Oko kiro ekyo simwendisyahemulwa busana nʼemĩbĩrĩ yenyũ yosĩ, eyo mwanyihonako; kusangwa oko mugulu oyo nasyalũsya omo katĩkatĩ kenyũ abakayipipa nʼerĩyĩtsemesya benyũ, kandi siwendisyaswayĩhamya oko kitwa kyage kĩbũyĩrĩre.

Malakĩ 4:3

Kandi mwasyalyatangirira ababi ahisi; kusangwa bakandisyabya ngʼerĩbũ omwisi wʼobulyatiro bwʼebisando byenyũ oko kiro ekyo ngategeka, Omwami Mukulu Wʼemilondo atya.

Luka 10:19

Lebaya, nabiribaha ehamũlĩ yʼeriryatangirira esyonzoka, nʼesyonge, nʼerirenga obũtokĩ bosĩ bwʼenzĩgũ, isihali kindu kyangabahũtalya.

AbanyaRoma 16:20

Kandi Nyamuhanga oyukatuha Obuholo, asyahĩnolera Satanĩ yo lũba omwisi wʼebisando byenyũ. Olukogo lwʼOmukama wetu Yesu lubye nenyũ.

1 AbanyaKorinto 1:26

Balĩkyetu, mwibuke ngoko mwabya ekiro Nyamuhanga ababirikira. Sihabya bangi omo katĩkatĩ kenyũ abakahulawa mo bandu bʼamenge, kutse esyombangĩ, kutse abakulu.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

Yosũa 10:24

Neryo babere babiretera Yosũa yʼabana abo eyĩhya, Yosũa mwabirikira abalume bosĩ ba Ĩsraelĩ, kandi mwabũga nʼabakulu bʼabandu bʼamalwa abagenda haguma naye, ati, Mwase hakũhĩ, mũhĩre ebisando byenyũ oko bĩkya byʼabami aba. Nabo mobasa hakũhĩ, mobahĩra, ebisando byabo oko bĩkya byabo.

Eribisurirwa 2:26

Nʼoyũkakĩnda nʼoyukakola emĩbĩrĩ yage erĩhĩka oko ndũlĩ, nasyamuha ehamũlĩ eritabala oko Bihanda.

Eribisurirwa 3:9

Lebaya! Endeko eyo ye nyũmba yʼerĩhĩndanamo ya Satanĩ, ababehĩ abo, abakayahula mo Bayũda, nĩkwa isibo, lebaya, nasyaleka ibasa nʼerĩũnama nʼerĩramya embere syʼebisando byawe, baminye ko nyĩkwanzĩre.