Ĩsaya 26:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Mwĩkĩrĩraye Omwami Mukulu erĩhĩka kera na kera, Kusangwa omwisi wa Nyamuhanga iye Omwami Mukulu tuwite erĩbwe rya kera na kera.

Ĩsaya 26:4 Iomraidhean Croise

2 Emyatsi yʼEmigulu 20:20

Nʼengyakya-ngyaka mobahangana nʼeriya omo mbwarara yʼeTekoa; nabo babere bakahuluka, Yosafatĩ mwahangana mwabũga ati, Uwe Yũda nʼesyondũlanĩ syʼeYerũsalema munyihulikirire; mwĩkĩrĩraye Omwami Mukulu Nyamuhanga wenyũ, ko mwasyahanganĩbwa mutya. Mwĩkĩrĩraye abamĩnyererĩ buwe, neryo mwasyabana erĩsĩngana.

2 Emyatsi yʼEmigulu 32:8

Okuboko kʼomubiri kuli haguma naye; nĩkwa haguma netu ni Mwami Mukulu Nyamuhanga wetu erĩtũwatĩkya nʼeritulwira malwa wetu. Nʼabandu mobayiketera ebĩnywa bya Hezekĩa omwami wʼeYũda.

Yobũ 9:19

Twamahula amaka, lebaya, iye ni wʼamaka! Twamahula erĩbanza, nindi wasyambirikirako kwehĩ?

Esyonyimbo 125:1

Abakayiketera Omwami Mukulu bali ngʼekitwa kyʼeSĩonĩ, Ekitetoka eritenga-tenganĩbwa, kutse erĩsegerĩbwa.

Esyonyimbo 18:2

Omwami Mukulu nĩ mũhanganĩrĩ wage, nʼahabambĩre hage, nʼomũlamya wage; Ni Nyamuhanga wage, nʼomũhanga nĩrĩ wage aho ngasagira; Iye ni ngabo yage, nʼoyukanyilwira, nʼobusayiro bwage.

Esyonyimbo 46:1

Nyamuhanga ni busayiro bwetu nʼamaka wetu, Nyamuhanga asĩkĩre erĩtũwatĩkya omo mugulu wʼobũlĩge.

Esyonyimbo 55:22

Ugusire Omwami Mukulu yʼamalĩge wawe, naye akandikuhanganira; Siendisyaleka omundu mubuya akakĩndwa na kera.

Esyonyimbo 62:11

Nyamuhanga abĩrĩbũgakyo ngendo nguma; Nabĩrĩowakyo kabiri, Obũtokĩ ni bwa Nyamuhanga.

Esyonyimbo 62:8

Ĩnywe bandu bage, muyiketere Nyamuhanga emigulu yosĩ! Mumubwire amalĩge wenyũ gosĩ; Nyamuhanga ni busayiro bwetu.

Esyonyimbo 62:9

Abandu bagunda bali ngʼomuka buyira, Kandi abandu bakulu sibegasakĩ; Ũhĩrebo oko kĩlo neryo sibawite ekĩlo. Bangũhĩrĩre ngʼomuka buyira.

Esyonyimbo 66:7

Akatabala kera na kera omo maka wuwe, Ameso wuwe akasamalira ebihanda; Sihabye abakahona nʼabakamubambira!

Esyonyimbo 93:1

Omwami Mukulu ni mwami! Ambite olukengerwa lwʼobusinge; Omwami Mukulu aswĩkĩre amaka. Kwenene ekihugo kĩhandĩre ndeke, sikyangasegerĩbwa.

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 17:10

Kusangwa wabiribirirwa Nyamuhanga wʼomulamo wawe, kandi sulitibuka erĩbwe lyʼobusayiro bwawe. Busana nʼekyo ukahera emyaka eyĩkatsemesaya, kandi ukaherayo haguma nʼemĩrĩkĩ ya nyamuhanga wʼehandi.

Ĩsaya 30:29

Mwasyabya nʼolwimbo ngʼomo kiro oko mugulu ũkategaya ekiro kikulu. Kandi mwasyabya nʼobutseme bʼomutima, ngʼomundu oyukagenda omo mulenge wʼenyamulera, eriya oko kitwa kyʼOmwami Mukulu, oko Lĩbwe lya Ĩsraelĩ.

Ĩsaya 32:2

Obuli mundu asyabya ngʼahʼerĩbĩsama erihunga, ngʼobũgamo bwʼembũla nene, ngʼesyonyũsĩ syʼamagetsi omo kihugo kyũmĩre, ngʼekyũtsũtsũ kyʼerĩbwe rĩnene omo kihugo ekikungukere.

Ĩsaya 44:8

Simutitimane simubahe. Mondakubwira kera, nʼerĩkũkangyago kwehĩ? Kandi ĩnywe muli balangĩrĩ bage. Hali Nyamuhanga ate ĩngye kwehĩ? kutse hali erindi Rĩbwe kwehĩ? Sĩnyasĩ nʼeriguma.

Ĩsaya 45:17

Ĩsraelĩ abĩrĩlamĩbwa nʼOmwami Mukulu nʼerilama lya kera na kera. Ĩnywe simwendisyahemulwa kutse erĩsĩngwa na kera na kera.

Ĩsaya 45:24

Basyanyahula bati, Omo Mwami Mukulu musa muli eritunganene nʼamaka. Abandu basyamwasirako, nʼabosĩ bamuhitanako basyahemulwa.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 51:5

Eritunganene ryage liri hakũhĩ, nʼomulamo wage abirihongoka, nʼamaboko wage asyatswera ebihanda. Emĩsĩke yʼengetsi yasyanyirinda, kandi basyalinda nʼamaha okuboko kwage.

Ĩsaya 63:1

Oyũ nindi oyũkalũa eEdomũ, Nʼowʼesyongimba sĩhakabĩre engula sĩkalũa eBosra kwehĩ? Oyuli mubuya nʼerĩsĩkĩbwa omo ngimba siwe, Oyukagendera omo bukulu bwʼamaka wuwe kwehĩ? Nĩna ngye oyũkabũga omo litunganene. Embangĩ yʼerĩlamya.

Danĩelĩ 3:17

Kyamabya kitya, Nyamuhanga wetu oyo tukakolera akatoka erĩtũlamya omwʼirunga erikaka mʼomuliro; naye akandĩtũlamya omo byala byawe, uwe mwami.

Danĩelĩ 3:28

Neryo Nebũkadeneza mwabũga ati, Apipawe Nyamuhanga wa Sadĩrakĩ, na Mesakĩ, na Abedenego, oyo watuma omũlaĩka wuwe, nʼerĩlamya abagombe buwe abayiketera ye, ababindula ekĩnywa kyʼOmwami, nʼeriha emibiri yabo sibakolere kutse erĩramya ogundi nyamuhanga, nina Nyamuhanga wabo.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Eryibuka Ebihano 32:15

Nĩkwa Yesũrũnĩ mwaneneha, mwalyata omwĩse. Mwabirineneha, mwabiritunahala, mwamatendera; Neryo mwasĩganĩa Nyamuhanga oyo wamũkengeregesanaya, Mwaserembula Erĩbwe ryʼerilama liwe.

Eryibuka Ebihano 32:4

Omũhanganĩrĩ oyo! Omũbĩrĩ wuwe ahĩkene; Kusangwa emibere yiwe yosĩ itunganene. Nyamuhanga oyuteregula kandi oyute nʼomwatsi ate wʼeribanza litunganene. Atunganene, kandi ni wʼerĩbanza lyʼekwenene.

Eryibuka Ebihano 33:27

Nyamuhanga Wʼerikota yo bwĩkalo bwawe, Nʼamaboko Wʼerikota akakuwatirira. Kandi mwahiga enzĩgũ yʼeyĩhya embere syawe, Kandi mwabũga ati, Togotaya.

AbanyaFilipi 4:13

Nyĩtokĩre erikola ebyosĩ busana nʼamaka wa Kristo oyũkanyĩtokesaya.

1 Samwelĩ 2:2

Sihali oyũbũyĩrĩre ngʼOmwami Mukulu; Kusangwa sihali gundi butsira we, Kutse sihali gundi mwĩmĩrĩ nga Nyamuhanga wetu.