Ĩsaya 26:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Uwe Mwami Mukulu, mobakusondasonda omo bũlĩge. Mobasaba omo bihwehwe omugulu erikunga lyawe lyabya kubo.

Ĩsaya 26:16 Iomraidhean Croise

Esyonyimbo 142:2

Ngamuletera amalĩge wage gosĩ; Ngamubwira amalĩge wage gosĩ.

Esyonyimbo 27:8

Mowambwira uti, Mwase kwĩngye, Omwami Mukulu, nasyasa ukʼuwe:

Esyonyimbo 42:4

Omutima wage akabũnĩka omugulu ngibuka emyatsi yʼerĩmbere. Omugulu nabya ngagenda nʼesyondeko oko nyũmba ya Nyamuhanga, Ngasondolabo bakayayo, endeko eyĩtsemĩre, eyikimba, nʼeripipa Nyamuhanga.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 77:3

Ngaganĩraya Nyamuhanga, neryo ngahumulikana, Ngalengekanaya, neryo omutima akalũa omo nda.

Esyonyimbo 78:34

Nĩkwa omugulu asonda erĩĩta bandĩ, mobasonda-sonda Nyamuhanga, Mobabindula emitima yabo erireka ebibi, nʼerisaba uku Nyamuhanga.

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Ĩsaya 37:3

Mobamubwira bati, Hezekĩa akabũga ati, Ekiro ekĩ ni kiro kyʼobũlĩge, nʼekyʼerikungwa, nʼekyʼeriganwa, kusangwa abana bamahĩka okwʼibutwa, kandi sihali amaka wʼeributa.

Yeremĩa 2:27

abakabwira omuti bati, Uli tata wage; nʼoko lĩbwe bati, Uwe wambuta. Kusangwa babĩrĩndolya kwʼemigongo, butsira obũsũ bwabo. Nĩkwa oko mugulu wʼobũlĩge bwabo basyabũga bati, Hangana, ũtũlamaye.

Yeremĩa 22:23

Uwe ndũlanĩ yʼeLebanonĩ, oyukayira Olutu lwawe omo mĩerezĩ, wasyasĩmba uti omugulu amagalĩ asyakũhĩkako, ngʼamagalĩ wʼomũkalĩ oyukakunda!

Yeremĩa 29:12

Kandi mwasyanyilakira, kandi mwasyasa nʼerinyisaba, nage nasyabahulikirira.

Ekiriro 2:19

Uhangane, ulake omo kiro, Okwʼĩtsũka lyʼebĩsĩsĩmũko. Gũtũle omutima wawe ngʼamagetsi Embere syʼameso wʼomukama. Usumbire Omukama ebyala byawe. Busana nʼengebe yʼabana balere bawe, Abakalembera busana nʼenzala Omo nzũko yʼobuli nzira.

Hosea 5:15

Nasyagenda nʼerisuba aho wage, erĩhĩka aho basyabikulira omusango wabo, nʼerisonda-sonda obũsũ bwage; omo malĩge wabo basyanyĩsonda-sondya nʼomũhwa.

Hosea 7:14

Kandi sibetanyilakira nʼomutima wabo, omugulu bakamĩraya oko syongyingo syabo; bakahĩndana busana nʼengano nʼebĩnyũ bihya-bihya; bakanyĩlũako.

Emiganzo 21:7

Nʼabandu mobahĩka uku Musa, bati, Twabĩrĩhalya, busana nʼerĩbũga ebyʼeripona Omwami Mukulu, nʼerikupona; usabe oko Mwami Mukulu, alũsaye esyonzoka ũkwʼĩtwe. Neryo Musa mwasabira bandu.

Eribisurirwa 3:19

Ngakunga nʼerisuyira abosĩ abo nyanzĩre. Neryo ubye nʼomũhwa, ubindule omutima wawe erireka ebibi.

Abatswerĩ 10:15

Nʼabana ba Ĩsraelĩ mobabwira Omwami Mukulu bati, Twabĩrĩhalya; utukolere ekyo Wamalangira mo kibuya; ekiguma kisa tukakusaba ũtũlamaye mũnabwĩre.

1 Samwelĩ 1:15

Neryo Hana mwamũsũbĩrya ati, Iyihi, mukama wage, ĩngye indi mũkalĩ wʼomutima wʼobũlĩge; sĩndĩtapũlya bĩnyũ kutse obũhĩre kutsibu, nĩkwa nabirilakira Omwami Mukulu nʼomutima wage.