Ĩsaya 26:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 26:11 Iomraidhean Croise

Yobũ 34:27

Kusangwa bakakitira emũsĩke ibatasyamukwama, Kandi mobapona amahano wuwe gosĩ.

Esyonyimbo 10:12

Uwe Mwami Mukulu uhangane, uwe Nyamuhanga, Usumbe ebyala byawe erĩnyĩlamya. Siwibirirawe abakanũbĩbawa!

Esyonyimbo 21:8

Wasyahamba esyonzĩgũ syawe syosĩ, Wasyalĩmbũsya abosĩ abakakũkwa obusu.

Esyonyimbo 28:5

Kusangwa sibelangira emĩbĩrĩ eyo Mwami Mukulu abirikola, Kutse ebyo ebyala biwe byahangika, Neryo asyasuyirabo, nʼerĩheryabo.

Esyonyimbo 78:63

Abalwana babo mobakwa omo malwa, Nʼabana-bato babo mobabula abangahĩkyabo.

Esyonyimbo 86:17

Ũnyĩkangaye ekiminyikalo kyʼobubuya bwawe, Neryo abakanyĩkwa obusu balangirekyo, bahemuke. Kusangwa uwe Mwami Mukulu wabĩrĩnyĩwatĩkya nʼerĩnyĩkĩranĩa.

Erĩlũayo 9:14

Kusangwa oko mugulu ono nasyatuma ebĩhũnze byage byosĩ oko mutima wawe, nʼoko bagombe bawe nʼoko bandu bawe; iwaminya ngoko hate gundi nga ngye omo kihugo kyosĩ.

Ĩsaya 1:31

Embangĩ yasyabya ngʼembũmba, nʼomũbĩrĩ wuwe ngʼengulukira, litya abosĩ babiri basyahya haguma, isihali oyo wasyalĩmĩryabo.

Ĩsaya 10:16

Busana nʼekyo Omukama, Omwami Mukulu wʼemilondo, asyatuma akabonde omo katĩkatĩ kʼesyombangĩ siwe; nʼomo mwanya wʼolukengerwa luwe omuliro asyaka ngʼeriaka lyʼekirimi kyʼomuliro.

Ĩsaya 10:17

Ekyakakala kyʼeĨsraelĩ kyasyabya muliro, nʼoyũbũyĩrĩre wuwe asyabya kirimi kyʼomuliro. Kandi kyasyahwerekererya nʼerisegesula emisakisaki yiwe nʼamahwa wuwe omo kiro kiguma.

Ĩsaya 11:13

Neryo obũha bwa Efũraĩmũ bwasyalũaho, nʼababendereraya Yũda basyatindwa. Na Efũraĩmũ sĩendĩsyakwa Yũda yʼobũha, na Yũda sĩendĩsyendererya Efũraĩmũ.

Ĩsaya 18:3

Ĩnywe esyondũlanĩ syʼekihugo, nʼĩnywe mwĩkere oko kitaka, omugulu ebendera ikasumbawa oko bitwa mwasyalangirayo, nʼomugulu engubi ikabulawa mwasyowayo.

Ĩsaya 37:32

Kusangwa abasĩgalira erĩlũa eYerũsalema basyahuluka, nʼerĩlũa oko kitwa kyʼeSĩonĩ hasyahuluka abakasyabala. Omũhwa wʼOmwami Mukulu asyakola ekĩ.

Ĩsaya 42:13

Omwami Mukulu asyahuluka ngʼembangĩ. Asyahũhanĩa omũhwa wuwe ngʼomundu wʼamalwa. Asyabirikira, ega, nʼerĩũta obogo. Asyakĩnda esyonzĩgũ siwe.

Ĩsaya 44:18

Sĩbasĩ, kutse sĩbeganĩraya, kusangwa abĩrĩhakabya ameso wabo, syatoke erilangira, nʼemitima yabo sibatoke eriminya.

Ĩsaya 44:9

Abandu abakabatsa esanamu eyikabatsawa abosĩ ni buyira; nʼemyatsi yabo eyo yʼobũgũlĩ bunene siyendisyaha ndũndĩ. Nʼabalangĩrĩ babo sibelangira kutse eriminya, neryo basyahemulwa.

Ĩsaya 5:24

Neryo ngʼekirimi kyʼomuliro ko kikalya esyombuba, kandi ngʼobunyatsi bũmĩre bukawa omo kirimi kyʼomuliro, ko mũlĩhĩ wabo asyabya ngʼerihonda, nʼomusanga wabo asyaguluka ngʼolũtũtũ. Kusangwa babirigana emigambo yʼOmwami Mukulu wʼemilondo, kandi babiripona ekĩnywa kyʼOyũbũyĩrĩre wa Ĩsraelĩ.

Ĩsaya 59:17

Neryo mwambala eritunganene ngʼobupa bwʼekĩkũba, nʼengofĩro yʼomulamo oko mutwe wuwe. Kandi mwambala esyongimba syʼerĩkĩsya eribya ngimba, kandi iniambite omũhwa ngʼenzobe.

Ĩsaya 60:14

Kandi abagala bʼabandu abakwagalaya, Basyakwasako bakakũnamira. Abosĩ abakupona basyayũnamya oko bisando byawe. Kandi basyakwahula mo mũyĩ wʼOmwami Mukulu, ESĩonĩ omũyĩ wʼOyũbũyĩrĩre wa Ĩsraelĩ.

Ĩsaya 63:15

Usamalire eyĩkwa wʼelubula, usamalire eyĩkwa wʼahʼerĩĩkala lĩbũyĩrĩre lyawe nʼolukengerwa lwawe. Omũhwa wawe nʼemĩbĩrĩ yĩkala-kalĩre yawe biri hahi kwehĩ? Olukando lwʼomutima wawe nʼeriganyira lyawe byabĩrĩkakĩrĩbwa ũkwʼĩngye.

Ĩsaya 66:15

Kusangwa lebaya, Omwami Mukulu asyasa nʼomuliro, nʼesyogalĩ siwe syasyasa ngʼerihunga lyʼakanyabungu, erĩberererya erihitana liwe omo bukali, nʼerihaya liwe omo birimi byʼomuliro.

Ĩsaya 66:24

Neryo basyahuluka nʼerisamalira ebĩnda byʼabandu ababĩrĩnyĩhalyako. Kusangwa emihuka yabo siyendisyahola, kutse omuliro wabo sĩendĩsyalĩma, nabo basyabya nye oko bandu bosĩ.

Ĩsaya 66:5

Mowe kĩnywa kyʼOmwami Mukulu, ĩnywe mukatitimanira ekĩnywa kiwe: Abagala benyũ abakabakwa obusu, abakabagana busana nʼerĩna lyage, babĩrĩbũga bati, Omwami Mukulu apipawe, itwatoka erilola oko butseme bwenyũ. Nĩkwa basyahemulwa.

Ĩsaya 9:18

Kusangwa ebibi bĩkahĩsaya ngʼomuliro, owakahĩsaya amahwa nʼemisakisaki. Ega, akakaya ebisaka byʼomolĩ, bĩkayĩtĩmbako endata ngʼendũyĩ yʼomũkĩ.

Ĩsaya 9:19

Busana nʼerihitana lyʼOmwami Mukulu wʼemilondo ekihugo kikahya. Abandu bali ngʼesyongwĩ syʼomuliro. Sihali mundu oyũkabalaya mugala wabo.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 44:28

Nʼabakabala omũyalĩ basyasubula erĩlũa omo kihugo kyʼeMĩsĩrĩ eriya omo kihugo kyʼeYũda, ni bake oko miganzo. Neryo abasĩgalira bosĩ bʼeYũda, abaya omo kihugo kyʼeMĩsĩrĩ erĩĩkalayo basyaminya nga nĩ kĩnywa kyandi kyasyahangana, ekyage kutse ekyabo.

Yeremĩa 5:3

Ameso wawe sĩalĩrebaya ekwenene kwehĩ? Wabĩrĩswĩryabo, nĩkwa mobatoloba. Mowahwerekereryabo, nĩkwa mobagana erikungwa. Babĩrĩkalya obũsũ bwabo bo po-po-po kwilaba erĩbwe; babirigana eribinduka nʼerireka ebibi.

Mĩka 5:9

Ebyala byawe byasyasumbwa erilwa nʼesyonzĩgũ syawe, nʼesyonzĩgũ syawe syosĩ syasyalĩgwa.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Mĩka 7:16

Ebihanda byasyalangira nʼerihemuka busana nʼamaka wabo gosĩ; basyahĩra ebyala byabo oko muno wabo; amatwĩ wabo asyabya bitsiha.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Matayo 25:41

Neryo asyabwira abʼoko byala biwe byʼamelembe ati, Mũlũe kwĩngye, ĩnywe batakirwa! Muye omo muliro wa kera na kera owakokotĩbawa busana na Satanĩ nʼabamalaĩka buwe.

Luka 16:23

Ekũlĩmũ omundu wʼebindu mwabya akagalwa, neryo mwasumba ameso wuwe mwalangira Abrahamũ ehali, na Lazaro iniane oko kĩkũba kiwe.

Emibiri 28:27

Kusangwa omutima wʼabandu aba abiribya omo bũtowa, Babirihoma amatwĩ wabo okwʼowa, Kandi babĩrĩrĩba ameso wabo, Bakasyalangira nʼameso wabo, Nʼerĩowa omo matwĩ wabo, Nʼeriminya omo mitima yabo, nʼerinyibindukira, Nyamuhanga atya, Nage ĩnalamyabo.

2 AbanyaTesalonika 1:8

Kandi asyasuyira abatasĩ Nyamuhanga, nʼabatekenga Engulu Yowene yʼomukama wetu Yesu.

AbaEbrania 10:27

Nĩkwa hali eririndirira omwʼiubaha omusango nʼomuliro owakalĩre, owakandisyabuga esyonzĩgũ sya Nyamuhanga.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

Eribisurirwa 19:20

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.

Eribisurirwa 3:9

Lebaya! Endeko eyo ye nyũmba yʼerĩhĩndanamo ya Satanĩ, ababehĩ abo, abakayahula mo Bayũda, nĩkwa isibo, lebaya, nasyaleka ibasa nʼerĩũnama nʼerĩramya embere syʼebisando byawe, baminye ko nyĩkwanzĩre.

1 Samwelĩ 6:9

Neryo mulangire, yamahetuka omo nzira yʼomutano wayo eBetĩ-semesĩ, inina ye watukolera ekibi kinene ekĩ; nĩkwa bite bitya itwaminya isi bye byala biwe byatwĩta; ĩbyatũbũlĩkĩranaya.