Ĩsaya 24:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ekihugo kyasyakungumulwa kutsibu, kyasyayirwa mo mulala kutsibu; kusangwa Omwami Mukulu abĩrĩbũga ekĩnywa ekĩ.

Ĩsaya 24:3 Iomraidhean Croise

2 Emyatsi yʼEmigulu 36:21

Erĩberererya ekĩnywa kyʼOmwami Mukulu omo buno bwa Yeremĩa, erĩhĩka aho ekihugo kyasyatsemera esyo Sabato syakyo; kusangwa omugulu kyabya kĩma mokyateya eSabato, erĩberererya emyaka makũmĩ alinda.

Ĩsaya 21:17

Abasĩgalira bʼemiganzo yʼabakakanda obuta, esyombangĩ syʼabana ba Kedarĩ, basyabya bake, kusangwa Omwami Mukulu Nyamuhanga wa Ĩsraelĩ, abĩrĩbũgakyo.

Ĩsaya 22:25

Oko kiro ekyo, Omwami Mukulu wʼemilondo ati, Omũsũmalĩ owakongomererawa ahasĩkĩre asyalũsĩbwaho. Nago asyatwĩka iniawa. Omuheke owabya kugo asyatũbwa, kusangwa Omwami Mukulu abĩrĩbũgakyo.

Ĩsaya 24:1

Lebaya, Omwami Mukulu akayira ekihugo mo kĩma, kandi kyo mo mulala, kandi amatulangakyo, nʼeripanza-panza esyondũlanĩ sya mukyo.

Ĩsaya 24:2

Neryo abandu ko basyabya ngʼomũhererĩ; omugombe asyabya ngʼomukama wuwe, omutsana asyabya ngʼomũkalĩ oyo akakolera; oyukagula asyabya ngʼoyũkagũlaya; oyukabweka asyabya ngʼoyukayibweka; oyukabweka busana nʼendũndĩ asyabya ngʼoyuli nʼomwĩnda.

Ĩsaya 24:4

Ekihugo kikalira, kikuma, ekihugo kikogoka kikuma, abandu bakulu bʼekihugo bakogoka.

Ĩsaya 42:22

Nĩkwa aba ni bandu banyegawa nʼerĩhũngwa. Abosĩ babirihambwa omo myangalũ, kandi babĩrĩbĩswa omo manyũmba wʼemĩrĩkĩ. Babere bakahũngwa, sihali oyũkalamayabo. Babere minyego, sihali oyũkabũga ati, Sũbũlayabo!

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Ĩsaya 6:11

Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

Yeremĩa 13:15

Ĩnywe mowe, mutege okũtũ; simuyiheke, kusangwa Omwami Mukulu abĩrĩbũga.

Ezekĩelĩ 36:4

Busana nʼekyo, ĩnywe bitwa bya Ĩsraelĩ, muhulikirire ekĩnywa kyʼomukama Iye Omwami Mukulu. Omukama Iye Omwami Mukulu, akabwira ebitwa nʼehitwa, nʼemigende, nʼemisya, nʼebĩma byʼemilala, nʼemĩyĩ eyasĩganĩbawa, eyabiribya minyegwa nʼerĩsekererĩbwa nʼoko bindi bihanda ebĩtĩmbĩre kugo.

Mĩka 2:4

Oko kiro ekyo basyatwa omũsyo busana nenyũ, nʼeririra ekiriro kyʼobũlĩge, nʼerĩbũga bati, Twabĩrĩherĩbwa kutsibu; akahĩnganaya erĩgabo lyʼabandu bage; akanyĩlũsaya lyoko ati! Akagabira amalima wetu oko bakatswa.

Mĩka 4:4

Nĩkwa obuli mundu asyĩkala oko ndĩna yʼomũlĩkĩ wuwe wʼebĩnyũ nʼomo ndĩna yʼomũtĩnĩ wuwe; kandi sihali oyo wasyũbahyabo; kusangwa obuno bʼOmwami Mukulu Wʼemilondo bwabĩrĩbũgakyo.

Eryibuka Ebihano 29:23

Ekihugo kyosĩ kyayo nĩ bũsĩngo, nʼomũnyũ, omulala wʼeriakirira, sikyeherawa, kandi sikyebuta, nʼebiti sibyelasa mukyo, ngʼerisinduka lyʼeSodomo nʼeGomora, Adĩma na Zeboyĩmũ, ebyo Mwami Mukulu asindula omwʼihitana liwe, nʼomwʼigalirwa liwe.

Eryibuka Ebihano 29:28

kandi Omwami Mukulu mwakulabo omo kihugo kyabo omwʼigalirwa, nʼomwʼihitana, nʼomwʼihitikirana ĩnene, nʼerigusabo omo kindi kihugo, ngoko kine mũnabwĩre.