Ĩsaya 24:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Lebaya, Omwami Mukulu akayira ekihugo mo kĩma, kandi kyo mo mulala, kandi amatulangakyo, nʼeripanza-panza esyondũlanĩ sya mukyo.

Ĩsaya 24:1 Iomraidhean Croise

2 Abami 21:13

Nage nasyasanza oko Yerũsalema kʼolukoba lwʼeSamarĩa, nʼolulengo lwʼekĩtũnga kya Ahabũ; kandi nasyasangula eYerũsalema ngoko mundu akasangula ekibindi, nʼerisangulakyo nʼerĩtũlĩkakyo.

Nehemĩa 1:8

Ngakulemba, Wibuke ekĩnywa ekyo wahana omugombe wawe Musa, uti, Mwamanyĩsĩganĩa, nasyabapanzapanza omo bihanda.

Esyonyimbo 146:9

Omwami Mukulu akahanganira ababunga abĩkere omo kihugo; Akawatĩkaya abakwakalĩ nʼesyongũbĩ, Nĩkwa akalĩba-lĩbanaya erĩyĩsũnza lyʼababi.

Ĩsaya 13:13

Neryo nasyatĩtĩmanĩa ekyanya, nʼekihugo kyasyasũkanĩbwa erĩlũa aho wakyo omwʼihitana lyʼOmwami Mukulu wʼemilondo, omo kiro kyʼerihitana liwe erĩkahĩsaya.

Ĩsaya 13:5

Bakalũa oko kihugo kyʼehali, oko luhande lwʼendũlĩ yʼekyanya, Omwami Mukulu nʼebindu byʼamalwa biwe byʼerihitana liwe, erĩherya ekihugo kyosĩ.

Ĩsaya 2:19

Nʼabandu basyingira omo myangalũ yʼamabwe, nʼomo byũna byʼomo kitaka erĩlũa embere syʼolubahwa lwʼOmwami Mukulu nʼembere wʼolukengerwa lwʼobukulu buwe, omugulu akahangana erĩsũka-sũkanĩa ekihugo.

Ĩsaya 24:19

Ekihugo kĩbũnĩkĩre kutsibu, ekihugo kĩtũlamĩre, ekihugo kĩsũkene kutsibu.

Ĩsaya 24:20

Ekihugo kikahenenguka ngʼomũtamĩrĩ, kikatenganira eyĩ nʼeyĩ ngʼakatalikirire. Kusangwa erĩlolo lyakyo lyasyalĩtoherakyo kandi kyasyatoga, sikyendisyahangana kandi.

Ĩsaya 27:10

Kusangwa omũyĩ owakongotere ali ĩgowene, ahʼerĩĩkala ahalekawa nʼerĩsĩganĩbwa, ngʼembwarara. Eyo ekyana kyʼende kyasyalira, nʼeyo kyasyabundama, nʼerirya emitahi yago.

Ĩsaya 29:16

Ĩnywe mukabindula emyatsi! Omũbũmbĩ asyalĩngĩrĩranĩbwa nʼeribumba kwehĩ? Muti ekyabumbawa ikikabwira oyo wabumbakyo, kiti, Mwatanyibumba. Kutse ekindu ekikabumbawa ikyahula oyo wabumbakyo kiti, Siawite menge kwehĩ?

Ĩsaya 29:2

Nasyaleta obũlĩge oko Arĩelĩ, kandi asyabya mũyĩ wʼeririra nʼerĩsũsũmana. Nago asyabya kwĩngye ngʼeArĩelĩ.

Ĩsaya 30:32

Obuli kĩhũnze kyʼomũtso wʼerisuyira, ekyo Mwami Mukulu asyamũhĩrako, kyasyabya haguma nʼomulenge wʼesyonzenze nʼesyonanga; kandi asyalwa nabo nʼerĩhũngyabo omo byala biwe byʼamaka.

Ĩsaya 32:12

Muyihumange oko bĩkũba byenyũ busana nʼamalima owene, busana nʼemĩrĩkĩ yʼebĩnyũ eyĩbogĩre.

Ĩsaya 33:9

Ekihugo kikalira nʼeriogoka, Lebanonĩ yabirihemuka nʼeriuma. Saronĩ iri nga mbwarara. Basanĩ na Karamelĩ ĩkalagalaya ebiti.

Ĩsaya 34:10

Sĩkyendĩsyalĩmĩbwa omo kiro kutse omugulu wʼomusibo. Omũkĩ wakyo asyahetukira endata kera na kera. Erĩtsũka oko ndengo nʼoko ndengo kyasyabya mulala. Sihali oyo wasyalaba mukyo kera na kera.

Ĩsaya 34:2

Kusangwa Omwami Mukulu akahitana busana nʼebihanda byosĩ, akahitana busana nʼemilondo yabo yosĩ yʼabasĩrĩkanĩ. Abĩrĩheryabo kutsibu, abirihabo erĩĩtwa.

Ĩsaya 42:15

Nasyayira ebitwa nʼehitwa mo mulala, nʼerĩũmya ebiti byabyo byosĩ. Kandi nasyayira esyonyũsĩ mo mĩsĩke yʼengetsi, kandi nasyũmĩrĩrya ebitsinga.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Yeremĩa 4:7

Endale yabirihetuka ĩkalũa omo kisaka kyayo, nʼOmũherya wʼebihanda alimwasa omo nzira, abĩrĩlũa aho wuwe, eriyira ekihugo kyawe mo kĩma, emĩyĩ yawe yasyabya mulala, ahate ndũlanĩ.

Yeremĩa 40:15

Neryo Yohananĩ mugala wa Karea mwabwira Gedalĩa eMĩsĩpa bũbĩso-bĩso ati, Ngakũbũlaya uleke nyigende erĩĩta Ĩsĩmaelĩ mugala wa Netanĩa, isihali mundu wasyaminyago. Busana nakĩ angakwĩta, nʼAbayũda bosĩ ababĩrĩhĩndana aho guli ibapanza-panzwa, nʼamasĩgalira wʼeYũda iniahera kwehĩ?

Yeremĩa 50:17

Ĩsraelĩ nĩ mbũlĩ ĩpanzĩrwe. Esyondale syabirimuhiyira hali. Erĩmbere omwami wʼeAsũrĩa mwamulya, na lino enyũma ni Nebũkadeneza omwami wʼeBabelĩ oyũ abĩrĩbũnanga amakũha wuwe.

Yeremĩa 51:34

Nebũkadeneza omwami wʼeBabelĩ abirinyirya, abĩrĩnyĩbũnanga, abĩrĩnyĩhĩra ahisi ngʼekikorongo abirinyimera ngʼenziramira, abĩrĩũsũlya enda yiwe mwʼebindu byage ebĩsĩhĩre. Abirinyigusa eyĩhya.

Yeremĩa 9:16

Nasyapanza-panzirabo omo katĩkatĩ kʼebihanda ebyo batasĩ kutse abotata wabo. Kandi nasyatuma omũyalĩ enyũma kubo, erĩhĩka aho nasyahereryabo.

Ezekĩelĩ 12:20

Nʼemĩyĩ eyiri mwʼabandu yasyayirwa mo kĩma, nʼekihugo kyasyabya mulala. Nenyũ mwasyaminya ko ndi Mwami Mukulu.

Ezekĩelĩ 24:11

Neryo utekeyo oko makala wago, ĩhũhe, nʼomulinga wayo ahenaye, ebĩtowene byayo bitoke erinyenyeta, nʼamakenge wayo atoke eriakirira.

Ezekĩelĩ 35:14

Omukama Iye Omwami Mukulu ati, Omugulu ekihugo kyosĩ kikatsema nasyakuyira mo kĩma.

Ezekĩelĩ 5:14

Nʼakandi nasyakuyira mo kĩma nʼekĩtsũmĩ omo katĩkatĩ kʼebihanda ebĩkũtĩmbĩreko, omo meso wʼabosĩ abakalaba.

Ezekĩelĩ 5:2

Ekitswe kyʼebisatu wasyahĩsyakyo omo muliro omo katĩkatĩ kʼomũyĩ, omugulu ebiro byʼeribambirako byabibererera. Kandi wasyĩmya ekitswe kyʼebisatu, nʼerĩswĩrya omo mũyalĩ oko mbande syosĩ syago, nʼekitswe kyʼebisatu wasyapanzakyo omwʼihunga, nage nasyakula omũyalĩ enyũma kubo.

Ezekĩelĩ 6:14

Nage nasyasumba ebyala byage byo kubo ehosĩ bĩkere nʼeriyira ekihugo mo mulala nʼekĩma kwilaba embwarara, erĩlolya eDĩbla. Litya basyaminya ko ndi Mwami Mukulu.

Ezekĩelĩ 6:6

Ehosĩ ahʼerĩĩkala henyũ, emĩyĩ yasyayirwa mo kĩma, nʼahʼendata henyũ hasyabya mulala. Ebiherero byenyũ bibye omo kĩma nʼeriyirwa mo mulala, nʼesyosanamu syenyũ sĩbũnangawe nʼerĩũmbya, nʼebiherero byenyũ byʼobukwa bikonderawe ahisi, nʼemĩbĩrĩ yenyũ isangulawe.

Ezekĩelĩ 7:12

Omugulu amahĩka, ekiro kyamahĩka. Oyukagula siatseme, kutse oyũkagũlaya syalire, kusangwa erihitana lyamahĩka oko ndeko yosĩ yako.

Ezekĩelĩ 7:14

Babiribuha engubi, babĩrĩtegekanĩa ebyosĩ, nĩkwa sihali Oyukaya oko malwa. Kusangwa erihitana lyage lyabiribya oko ndeko yosĩ yabo.

Nahũmũ 1:5

Ebitwa bikatitimana embere siwe, nʼehitwa hĩkanũna; nʼekitaka kikayisumba busana nʼameso wuwe, ega, ekihugo kyosĩ, nʼesyondũlanĩ syosĩ sya mukyo.

Nahũmũ 2:10

Omũyĩ ali busa! Omũyĩ ni mulala, nʼekĩma! Emitima ikageruka omo nda, nʼamarwĩ akalegetsana, obwagalĩ nibya bukabya omo mubiri gosĩ, nʼamũsũ wabo gosĩ akatũmba!

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Emibiri 17:6

Neryo babere babulabo, mobakura Yasona, nʼabandi balĩkyetu embere syʼabakulu bʼomũyĩ bati, Abandu aba babiribindula ekihugo kyosĩ! Na lino babĩrĩhĩka na hano nibya.

Eryibuka Ebihano 28:64

Kandi Omwami Mukulu asyabapanzapanza omo katĩkatĩ kʼebihanda byosĩ erĩtsũka oko ndũlĩ nguma yʼekihugo erĩhĩka oko yindi ndũlĩ yʼekihugo; nʼeyo mwasyakolera esindi nyamuhanga, esyo mutabya mwasĩ, uwe kutse abotata-kulu wawe, esyʼemiti nʼamabwe.

Eryibuka Ebihano 32:26

Monabũga nyiti, Nasyasatyabo mo bitswe-bitswe, Nasyaleka eryibukabo ĩrĩũmbya omo katĩkatĩ kʼabandu;

Eryibuka Ebihano 4:27

Kandi Omwami Mukulu asyabapanza-panzira omo katĩkatĩ kʼebihanda, mwasyasĩgala mo bake omwʼiganza lyenyũ omo bihanda, eyo Mwami Mukulu asyabahigira.

Yakobo 1:1

Ĩngye Yakobo, omugombe wa Nyamuhanga nʼOmukama Yesu Kristo, ngabakeraya ĩnywe bihanda ĩkũmĩ nʼebibiri ababiripanza-panzwa omo kihugo kyosĩ.