Ĩsaya 21:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Omutima wage akapũka-pũka, obuba bũkanyĩta. Obwĩrĩre obo nasonda-sondaya bwabirinyibindukira mwʼititimana.

Ĩsaya 21:4 Iomraidhean Croise

1 Abami 1:49

Neryo abagenĩ bosĩ ba Adonĩa mobubaha, mobahangana, mobagenda obuli mundu omo nzira yiwe.

Esĩterĩ 5:12

Kandi Hamanĩ mwabũga ati, Ega, omugole wʼOmwami ye Esĩterĩ sĩalĩtalĩga ogundi mundu nʼomuguma eriingira haguma nʼomwami okwʼirya ĩnene eryo akokotaya, nina ngye musa; nʼomo ngyakya nibya abirimbirikira haguma nʼomwami.

Esyonyimbo 55:5

Eriubaha nʼerititimana bikanyihamba, Obuyuyu bwamanyĩta.

Esyonyimbo 55:6

Ngabũga nyiti, Kumbe ngwite ebĩpũpa ngʼakalĩkũkũ! Inagulukira hali nʼeribana erihumula.

Yeremĩa 4:19

Ekĩrĩmũ kyage! Ekĩrĩmũ kyage! Ngagalawa! Uwe mutima wage! Omutima wage akalũa omo nda. Sinditoka erihuna, kusangwa uwe mutima wage, wabĩrĩowa omulenge wʼengubi, ehee yʼamalwa.

Yeremĩa 51:39

Omugulu bahũhene, nasyakokotya erirya ĩnene lyabo, nage nasyabatamĩrya, babye nʼeritsema, nʼerigotsera otũgotserĩ twʼebiro byosĩ, sibabuke kandi.

Yeremĩa 51:57

Kandi nasyatamĩrya esyongũla siwe, nʼabandu buwe abʼamenge, nʼabatabalĩ buwe, nʼabakama buwe, nʼesyombangĩ siwe. Ibatoka erigotsera otũgotserĩ twa kera na kera, nʼeritindabuka, Omwami atya, erĩna liwe yo Mwami Mukulu wʼemilondo.

Danĩelĩ 5:1

Omwami Belsasarĩ mwayira erirya ĩnene busana nʼabakama buwe elfu nguma (1,000), kandi mwapũlya ebĩnyũ embere syʼeelfu eyo.

Danĩelĩ 5:30

Oko kiro ekyo, Belsasarĩ omwami wʼAbakaldea mwĩtwa.

Danĩelĩ 5:5

Oko katambĩ ako eminwe yʼebyala byʼomundu moyahuluka, nʼeminwe eyo moyasaka oko mbemba eyʼolũhĩmbo lwʼekikali kyʼOmwami eyisirya aho ahali omutagala wʼetala; nʼomwami mwalangira ekitswe kyʼekiganza ekyasaka.

Nahũmũ 1:10

Kusangwa ngʼemisakisaki ĩyĩgobenĩe haguma, kandi ngʼabandu babĩrĩkũnda omwʼĩlũmba lyabo, basyaherĩbwa kutsibu ngʼesyombuba syũmĩre.

Eryibuka Ebihano 28:67

Omo ngyakyangyakya mwasyabũga muti, Kumbe nĩ ʼgolo-golo! Nʼomwʼĩgolo-golo mwasyabũga muti, Kumbe ni ngyakya-ngyakya! busana nʼeriubaha lyʼomutima wenyũ eryo mukubaha, busana nʼeriyilangirira eryo ameso wenyũ asyalangira.

Eryibuka Ebihano 32:11

Ngʼerĩsamba likakola-kola Olutu lwa­lyo, Lĩkapũperera endata oko byana byalyo, Likasanza ebĩpũpa byalyo, nʼerihambabyo, Likahekabyo oko bĩpũpa byalyo.