Ĩsaya 21:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Namakangĩbwa erilota lĩkalĩre, Omũtebya akinakola ebyʼamatebo, nʼOmũherya akĩnaheraya. Hetuka, uwe Elamũ, uwe Medĩa, ugotere. Nabiribuga erĩsĩmba lyosĩ eryo abirituma.

Ĩsaya 21:2 Iomraidhean Croise

Enzũko 10:22

Abagala ba Semũ nĩ Elamũ, na Asũrũ, na Arfakasadĩ, na Lũdĩ, na Aramũ.

2 Abami 17:6

Oko mwaka wʼomwenda wa Hosea, omwami wʼeAsũrĩa mwahũnga eSamarĩa, neryo mwatwala Abaĩsraelĩ mo basayĩ eAsũrĩa, kandi mwahĩrabo eHala, nʼeHaborĩ oko lũsĩ lwʼeGosanĩ, nʼomo mĩyĩ yʼAbamedĩ.

Esyonyimbo 119:158

Omugulu ngalangira abatekenga, ngakwabo obuyuyu, Kusangwa sibalikenga ebihano byawe.

Esyonyimbo 12:5

Omwami Mukulu ati, Lino ngandĩhĩka, Kusangwa abʼobwaga bakanũbĩbawa, Nʼabakendererĩbawa bakasĩmba eriagalwa. Nasyahabo Obuholo obo bakasonda!

Esyonyimbo 25:3

Ega, oyũkakũhĩra kwʼamaha siendisyahemulwa, Nĩkwa abakakupona hate mwatsi basyahemulwa.

Esyonyimbo 60:3

Walekĩre abandu bawe ibagalwa omo bũlĩge bungi; Wabirituha ebĩnyũ ebĩkatamĩraya.

Esyonyimbo 79:11

Uhulikirire okwʼĩsĩmba lyʼabandu bʼomũlĩkĩ. Ubohole ababiritswerwa erihola, omo bũtokĩ bwawe bunene.

Emĩsyo 13:15

Eriminya ndeke rikaleta eriganyira; Nĩkwa enzira yʼomukola-nabi ĩkalĩre.

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 14:4

Wasyatwa omũsyo oyũ, busana nʼomwami wʼeBabelĩ, uti, Oyũkanũbaya amatsira ati! Nʼerihitana lyamatsira liti!

Ĩsaya 14:7

Ekihugo kyosĩ kikaluhuka, kĩkere bũkũtũ. Nʼerĩũta obogo bwʼobutseme.

Ĩsaya 22:6

Na Elamũ mwaheka ekikeba kyʼemisoha haguma nʼesyogalĩ nʼabandu, nʼabandu abali oko syosabayĩrĩ; na Kĩrĩ mwaswikula engabo.

Ĩsaya 24:16

Twabĩrĩowa esyonyimbo sĩkalũa oko ndũlĩ-ndũlĩ yʼekihugo siti, Olukengerwa oko Yutunganene. Nĩkwa ngabũga nyiti, Obũlĩge kwĩngye! Obũlĩge kwĩngye! Ĩyo-o! Abatebya bakakola ebyʼamatebo; ega, abatebya bakakola ebyʼamatebo kutsibu.

Ĩsaya 33:1

Obũlĩge kuwe, uwe ũkaheraya, nawe ĩsũlĩwaherĩbwa. Kandi oyũkateba, omugulu abandi batamuteba! Omugulu wamabibuga erĩherya, nawe wasyaherĩbwa. Nʼomugulu wamabibugirira eriteba, abandi basyakukolera amatebo.

Ĩsaya 35:10

Abatongolĩbawa bʼOmwami Mukulu basyasubula, nʼerihĩka eSĩonĩ ĩbakũta obogo bʼobutseme, nʼobutseme bwa kera na kera bwasyabya oko mitwe yabo. Basyabana eritsangamuka nʼeritsema, nʼobũlĩge nʼerihumulikana byasyatibita.

Ĩsaya 47:6

Nabya inabirihitana oko bandu bage, nʼerĩtsandya omwandu wage, kandi monahĩrabo omo byala byawe. Nawe mutaganyirabo, mowahĩra engomo yawe yʼobũlĩto oko bakulu.

Yeremĩa 25:25

nʼabami bosĩ bʼeZĩmũrĩ, nʼabami bosĩ bʼeElamũ, nʼabami bosĩ bʼAbamedĩ;

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Yeremĩa 31:25

Kusangwa nabĩrĩũgũtya abalũhĩre, kandi nabĩrĩsũbya obuli mundu oyũkakongolũka.

Yeremĩa 45:3

Mowabũga uti, Obũlĩge lino ũkwʼĩngye! Kusangwa Omwami Mukulu abiritomeka obũlĩge oko bũlũmĩ bwage. Nabiriluha busana nʼerĩsĩmba lyage, isindibana eriluhuka.

Yeremĩa 49:34

Ekĩnywa kyʼOmwami Mukulu ekyahĩka oko mũmĩnyererĩ Yeremĩa busana nʼeElamũ, okwʼĩtsũka lyʼeritabala lya Zedekĩa omwami wʼeYũda, kiti,

Yeremĩa 49:35

Omwami Mukulu wʼemilondo ati, Lebaya, nasyabũnanga obuta bwʼeElamũ, omukulu wʼamaka wabo.

Yeremĩa 50:14

Mũyĩtegekanaye busana nʼerilwa nʼeBabelĩ oko mbande syosĩ, ĩnywe bosĩ abakakanda amata. Mumulase, sĩmũsĩgalire nʼomusoha, kusangwa abĩrĩhalya oko Mwami Mukulu.

Yeremĩa 50:34

Omũtongolya wabo nĩ mbangĩ. Erĩna liwe ni Mwami Mukulu wʼemilondo. Asyatonganira omwatsi wabo go ndeke, iniabana erĩlũhũkya ekihugo, nĩkwa erireta omwaga oko syondũlanĩ syʼeBabelĩ.

Yeremĩa 51:11

Mũtalaye emisoha, mũsũlaye esyolubo! Omwami Mukulu abĩrĩhanganĩa emitima yʼabami bʼAbamedĩ, kusangwa erĩganĩrya liwe ni malwa nʼeBabelĩ, erĩheryago, kusangwa nĩ ʼkĩsya lyʼOmwami Mukulu, erĩkĩsya busana nʼeHekalũ yiwe.

Yeremĩa 51:44

Nage nasyasuyira ye Belĩ eBabelĩ, nasyaleka ebyo amera bĩkalũa omo buno buwe. Nʼebihanda sibyendisyaswamũhĩkako; ega, olũhĩmbo lwʼeBabelĩ lwabiritera.

Yeremĩa 51:53

Omwami Mukulu ati, Nomo Babelĩ angahetukira omo kyanya, nomo angakongoterera ahʼendata hʼamaka wuwe, nĩkwa nasyatuma abandu erĩmũherya.

Ekiriro 1:22

Obubi bwabo bosĩ buhuluke embere syawe. Ukolebo ngoko wanyikola busana nʼerĩhalya lyage ryosĩ. Kusangwa erĩsĩsĩkana lyage ni ringi, Nʼomutima wage akalembera.

Danĩelĩ 5:28

Peresĩ—obwami bwawe bwamagabwa, bwabirihabwa oko Bamedĩ nʼAbapersĩ.

Danĩelĩ 5:9

Neryo omwami Belsasarĩ mwaganga-ganga kũndũ, nʼobũsũ buwe mobwahinduka, nʼabakama buwe mobaburanganwa.

Danĩelĩ 8:2

Neryo monalangira omwʼilota esyonzolĩ; neryo omugulu nalangira, nabya ahakongotere eSũsa owabya omo kihugo kyʼeElamũ; kandi nabya omo syonzolĩ esyo inyine hakũhĩ nʼolũsĩ lwʼeŨlayĩ.

Danĩelĩ 8:20

Embangale eyo walangira, eyabya nʼamahembe abiri, ayo ni bami ba Medĩa na Persĩa.

Eribisurirwa 13:10

Omundu oyo wangahambwa mo mukobe, asyahambwa mo mukobe kwenene. Kandi oyo wangakwa omo mũyalĩ, naye ĩnĩakwa omo mũyalĩ. Erĩ niʼyitsingirira nʼerĩkĩrĩrya lyʼabandu ba Nyamuhanga.

1 Samwelĩ 24:13

Ngʼomũsyo wʼabakera ati, Omo babi mũkalũa ebibi; nĩkwa ebyala byage sibyendisyalwa nawe.