Ĩsaya 21:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Eriminyerera busana nʼembwarara yʼengetsi. Ngʼehinyabungu hyʼelutambi lwʼeyĩkwa hikalaba, hĩkalũa omo mbwarara, hĩkalũa omo kihugo kyʼerĩũbahya.

Ĩsaya 21:1 Iomraidhean Croise

Yobũ 37:9

Omo lutambi lwʼeyĩkwa mũkalũa ekiyaga, Nʼeritsuku lĩkalũa omo Lutambi lwʼEndata.

Ĩsaya 13:1

Eriminyerera busana nʼeBabelĩ, eryo Ĩsaya mugala wa Amosĩ alangira.

Ĩsaya 13:13

Neryo nasyatĩtĩmanĩa ekyanya, nʼekihugo kyasyasũkanĩbwa erĩlũa aho wakyo omwʼihitana lyʼOmwami Mukulu wʼemilondo, omo kiro kyʼerihitana liwe erĩkahĩsaya.

Ĩsaya 14:1

Omugulu Omwami Mukulu asyaganyira Yakobo, nʼeriswayisoga Ĩsraelĩ, nʼerĩhĩrabo omo kihugo kyabokyabo. Neryo abʼehandi basyayitomeka kubo nabo basyamatana oko kĩtũnga kya Yakobo.

Ĩsaya 14:14

Nasyahetukira endata kwilaba obuli bwʼebĩtũ, nasyayĩrĩngĩrĩranĩa nʼOwendata Kutsibu.

Ĩsaya 14:23

Nasyahĩraho obwĩkalo bwʼendĩko, nʼekisesa kyʼamagetsi, nasyabĩryaho omo lũbĩryo lwʼerĩherya. Omwami Mukulu wʼemilondo atya.

Ĩsaya 17:1

Eriminyerera busana nʼeDamaseke. Lebaya, Damaseke akalũsĩbawa okwʼibya mũyĩ, kandi asyabya kilundo kyʼekĩma.

Ĩsaya 47:1

Uwe mumbesa mwali wʼeBabelĩ, ũkĩmĩre ahisi, Wĩkale omo lũtũtũ. Wĩkale ahisi oko kitaka ahate kĩtũmbĩ kyʼobwami, Uwe mwali wʼAbakaldea. Kusangwa siwendisyaswahulwa mo molo-molo nʼoyuloberere.

Ĩsaya 5:28

Emisoha yabo ĩtwĩre, nʼamata wabo gosĩ akũnyĩrwe, nʼebigere byʼesyosabayĩrĩ syabo bikasosa ngʼamabwe wʼemitero, nʼebĩrĩngo byabo byʼegalĩ bikasosa akanyabungu.

Yeremĩa 51:1

Omwami Mukulu ati, Lebaya, nasyahanganĩa ekĩrĩmũ ekĩkaheraya erilwa nʼeBabelĩ, nʼesyondũlanĩ syayo.

Yeremĩa 51:42

Engetsi yamahetukira eBabelĩ. Yamaswikwa nʼerigunga lyʼebisunda byayo.

Yeremĩa 51:51

Twamahemuka kusangwa twamowa ebĩtsũmĩ. Esĩsonĩ syamaswika obũsũ bwetu, kusangwa abʼehandi babiriingira ahabũyĩrĩre aho omo nyũmba yʼOmwami Mukulu.

Ezekĩelĩ 1:4

Neryo monalangira, lebaya, ekihunga ekĩkalĩre mokyalũa elutambi lwʼendata, ekĩtũ kinene kutsibu haguma nʼomuliro owakapalaya, nʼerĩhenĩa erĩtĩmbĩre kugo, nʼomo katĩkatĩ kago ihali ekyuma ekĩkahenaya, erĩlũa omo katĩkatĩ kʼomuliro.

Ezekĩelĩ 30:11

Iye nʼabandu buwe haguma naye, owʼomwaga wʼebihanda, asyaletwamo erĩherya ekihugo. Nabo basyakula emĩyalĩ yabo erilwa nʼeMĩsĩrĩ, nʼerĩũsũlya ekihu­go nʼabandu abĩtawa.

Ezekĩelĩ 31:12

Nʼabʼehandi, abatsibu bʼebihanda, babirikondago, neʼrĩsĩgago. Emitahi yago yabiritogera oko bitwa nʼomo misya yosĩ, nʼemitahi minene minene yago yabĩrĩbũnangika omo misya yosĩ yʼekihugo. Nʼebihanda byosĩ byʼekihugo byabĩrĩkĩmĩra omo kyũtũtũ kyago nʼerĩsĩgago.

Ezekĩelĩ 38:9

Nawe wasyahetuka, wasyasa ngʼekihunga. Wasyabya ngʼekĩtũ eriswika ekihugo, uwe, nʼemilondo yawe yosĩ yʼabasĩrĩkanĩ, nʼebihanda bingi haguma nawe.

Danĩelĩ 11:40

Neryo oko mugulu wʼendũlĩ omwami wʼelutambi lwʼeYĩkwa asyabandana naye, nʼomwami wʼelutambi lwʼeNdata asyamubambira ngʼakanyabungu omo syogalĩ, ba bandu abali oko syosabayĩrĩ, haguma nʼamato mangi; kandi asyingira omo bihugo bingi, nʼerilaba kubyo, nʼeritwangana mubyo.

Zekarĩa 9:14

Neryo Omwami Mukulu asyabutuka endata wabo; nʼomusoha wuwe asyahuluka ngʼerĩpalya; nʼomukama, Omwami Mukulu asyabuha engubi, kandi asyagenda omo hinyabungu hyʼelutambi lwʼeyĩkwa.