Ĩsaya 20:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Oko mugulu oyo, Omwami Mukulu mwabũgĩra umu Ĩsaya mugala wa Amosĩ ati, Ugende, uyambule emiremba omo mbindi yawe, uyambule engendero omo bisando byawe. Naye mwakola atya, mwagenda ndũmbũ nʼebisando biwe busa.

Ĩsaya 20:2 Iomraidhean Croise

2 Samwelĩ 15:30

Neryo Dawĩdĩ mwahetuka omo bwiruka bwʼeMĩzeĩtũnĩ, mwalira akahetuka; ĩnĩaswĩkĩre omutwe, mwagenda isiambite esyongendero. Nʼabandu bosĩ ababya haguma naye mobaswika emitwe yabo, mobahetuka, bakalira.

2 Samwelĩ 6:20

Neryo omugulu Dawĩdĩ asubula eritsumula ekĩtũnga kiwe, Mĩkalĩ mwali wa Saũlo mwahuluka erĩhĩndana na Dawĩdĩ, mwabũga ati, Omwami wʼeĨsraelĩ alwe mubuya ati mũnabwĩre, eriyambulira embere syʼameso wʼabatsana buwe ba bagombe buwe, omundu mutya-mutya kwʼakayambula bũtakwa ĩsonĩ!

2 Abami 1:8

Nabo mobamũsũbĩrya bati, Abya mundu wʼobweya bungi, kandi ĩnĩabohĩre embindi yiwe omo mukoba wʼengobĩ. Naye mwabũga ati, Nĩ Elĩya Omũtĩsĩbe.

Esyonyimbo 30:11

Wabiribindula obũlĩge bwage mo masata wʼobutseme; Wabiriambula emisarandwe yage, wabĩrĩnyambalya obutseme.

Erĩlũayo 3:5

Neryo Nyamuhanga mwabũga ati, Susegere hano. Lũsaya esyongendero syawe oko bisando byawe, kusangwa aho guhangene ni kitaka kĩbũyĩrĩre.

Ĩsaya 1:1

Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 13:1

Eriminyerera busana nʼeBabelĩ, eryo Ĩsaya mugala wa Amosĩ alangira.

Ĩsaya 37:2

Neryo mwatuma Elĩakĩmũ, oyo wabya mwĩmanĩrĩ wʼenyũmba, na Sebũna omũhandĩkĩ, nʼabakulu bʼabahererĩ, ibabiriyiswika oko misarandwe, eriya eyiri omũmĩnyererĩ Ĩsaya mugala wa Amosĩ.

Yeremĩa 48:37

Kusangwa obuli mutwe ali kʼoluhala, nʼobuli nderũ sikasurawa. Hali eriyibanda oko byala byosĩ nʼomo mbindi muli emiremba.

Ezekĩelĩ 24:17

Ũsĩmbe bũkũtũ-kũtũ, sumoleke omulenge busana nʼabaholĩ. Ubohe eki­tambara oko mutwe wawe, wambale ebiryato byawe oko bisando byawe, kandi suswike esyonderũ syawe, kandi sulye ebyalya byʼabandu.

Ezekĩelĩ 24:23

Nʼebitambara byenyũ byasyabya oko mitwe yenyũ, nʼebiryato byenyũ oko bisando byenyũ. Simwendisyalira kutse erĩsũsũmana. Nĩkwa mwasyabonda omo bibi byenyũ, kandi mwasyasĩmbanĩa.

Ezekĩelĩ 4:1

Nawe nibya omugala wʼomundu, ũyĩmĩraye erĩtofalĩ, ũhĩreryo embere syawe, Usake kulyo ekĩsosekanĩo kyʼomũyĩ wʼeYerũsalema.

Ezekĩelĩ 4:5

Kusangwa nabĩrĩkwahũlĩrya emyaka yʼebibi byabo eribya ukʼuwe emiganzo yʼebiro, byo biro magana asatu nʼamakũmĩ mwenda (390). Litya wasyaheka ebibi byʼekihanda kya Ĩsraelĩ.

Mĩka 1:11

Uwe ndũlanĩ yʼeSafĩrĩ, Ulabe omo ndũmbũ nʼomwʼĩsonĩ. Endũlanĩ yʼeZanana sialibala. Ekiriro kyʼeBetĩ-ezelĩ, asyakũlũsyako omwanya wʼerihanganamo.

Mĩka 1:8

Busana nʼekĩ nasyalira nʼerĩsũsũmana; nasyagenda butsira kiryato nʼendũmbũ; nasyalira ngʼesyoboha, nʼerĩsũsũmana ngʼesyombũnĩ.

Zekarĩa 13:4

Kandi oko kiro ekyo, abamĩnyererĩ basyakwa esĩsonĩ obuli mundu busana nʼesyonzolĩ siwe omugulu akaminyerera; kandi sibendisyambala erĩkotĩ ryʼobweya busana nʼeriteba:

Matayo 16:24

Neryo Yesu mwabwira abiga buwe ati, Omundu amanza erinyikwama, ayigane, aheke omusalaba wuwe, anyikwame.

Matayo 3:4

Esyongimba sya Yoane syabya syʼobweya bwʼengamia, kandi mwambala omukoba wʼekihu omo mbindi yiwe, kandi iniakalya esyongĩke nʼobuki bwʼomolĩ.

Yoane 21:7

Neryo omwiga oyo Yesu abya anzĩre mwabwira Petero ati, Yo Mukama! Neryo omugulu Sĩmonĩ Petero owa kwʼali iyo Mukama, mwambala olukimba luwe, kusangwa abya iniabiriambula esyongimba siwe, neryo mwayigusa omo ngetsi.

Emibiri 19:16

Neryo omundu oyo wabya kwʼekĩrĩmũ kibi mwagulukirabo, mwakĩndabo ababiri bosĩ, mwalabyabo akagala, neryo mobatibita bakalũa omo nyũmba eyo ibali ndũmbũ ĩbakwĩre bironda.

Emibiri 21:11

Neryo Agabo mwĩmya omukoba wa Paũlo, mwaboha ebisando nʼebyala biwe ĩyowene, ati, Omũlĩmũ Abũyĩrĩre ati, Abayũda bʼeYerũsalema basyaboha Omwenye omukoba oyũ yo batya, nʼerimuhotera omo byala byʼEbihanda.

Yosũa 5:15

Nʼomunya-mwami wʼemilondo yʼOmwami Mukulu mwabũga na Yosũa ati, Lũsaya engendero yawe yʼoko kisando kyawe; kusangwa aho wimene habũyĩrĩre. Neryo Yosũa mwakola atya.

Eribisurirwa 11:3

Nage nasyaha abalangĩrĩ bage babiri ehamũlĩ, nabo basyatũla omwatsi wa Nyamuhanga ebiro elfu nguma nʼamagana abiri nʼamakũmĩ ndatu (1,260), ibambite emisarandwe.

1 Samwelĩ 19:24

Neryo Saũlo nibya mwayambula kwʼesyongimba siwe, mwaminyerera embere sya Samwelĩ, kandi mwalambama ahisi ho ndũmbũ omo musibo gosĩ, nʼekiro kyosĩ ekyo. Kikaleka ĩbabũga, bati, Ko Saũlo naye ali omo katĩkatĩ kʼabamĩnyererĩ kwehĩ?