Ĩsaya 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 2:4 Iomraidhean Croise

Esyonyimbo 110:6

Asyatswera ebihanda, Asyũsũlya ekibuga kyʼamalwa omo bĩnda; Asyakĩnda abami omo kihugo kyosĩ.

Esyonyimbo 46:10

Akabũga ati, Mũmbaye oko malwa, muminye ko ndi Nyamuhanga, Nasyahamĩbwa omo bihanda, nasyahamĩbwa omo kihugo!

Esyonyimbo 46:9

Akakũbaya amalwa omo kihugo kyosĩ; Akabũnanga amata, nʼerĩtsũtsanga amatũmo, Kandi akahĩsaya esyogalĩ omo muliro!

Esyonyimbo 82:8

Uwe Nyamuhanga, wase, utabale ekihugo, Ebihanda byosĩ ni byawe.

Esyonyimbo 96:13

Kusangwa akahĩka eritabalira ekihugo Omo lĩbanza litunganene, kandi butsira erisombola.

Ĩsaya 32:17

Omũbĩrĩ wʼeritunganene asyabya buholo, nʼomũbĩrĩ wʼeritunganene asyabya eriyibombeka nʼeriyiketera ebiro byosĩ.

Ĩsaya 32:18

Neryo abandu bage basyĩkala omo mwanya wʼobuholo, nʼomo hʼerĩĩkala ahawatĩre, nʼahʼeriluhukira ahatũlere,

Ĩsaya 33:22

Kusangwa Omwami Mukulu nĩ mũtswerĩ wetu, Omwami Mukulu yukatuha emigambo yetu, Omwami Mukulu ni mwami wetu. Asyatũlamya.

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 42:3

Sĩendĩsyabũna ekibingu ekĩkokomĩre, kandi sĩendĩsyalĩmya embũmba eyĩkatũmba. Asyahũlũkya erĩbanza lĩhĩkene nʼeritendiregula.

Ĩsaya 9:5

Kusangwa ebiryato byʼamalwa byosĩ byʼomundu Oyukambala ebiryato byʼamalwa omo mwaga oyo wʼamalwa, nʼesyongimba esyabĩrĩkũmbagalĩbwa omo musasi syasyabya busana nʼerĩhĩsĩbwa, busana nʼesyongwĩ syʼomuliro.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Hosea 2:18

Nʼoko kiro ekyo nasyayira endagano busana nabo haguma nʼesyonyama syʼomolĩ, na haguma nʼesyonyonyũ syʼekyanya, na haguma nʼebindu ebikakululuka byʼekitaka; kandi nasyalũsya obuta, nʼomũyalĩ, nʼamalwa erĩlũa omo kihugo, kandi nasyagotseryabo ahisi nʼobuholo.

Hosea 2:20

Nasyakũsĩmolya omo butalegula; neryo nawe wasyaminya Omwami Mukulu.

Yoelĩ 3:10

Muhese esĩsũka syenyũ mo mĩyalĩ, nʼebisara byenyũ mo matũmo; omundu molo abũge ati nage indi mbangĩ.

Yoelĩ 3:12

Ebihanda bĩyĩmũkaye, bihetuke omo musya wa Yehosafatĩ; kusangwa eyo nasyĩkala nʼeritswera ebihanda byosĩ ebĩtĩmbĩreko.

Mĩka 4:3

Naye asyatswera omo katĩkatĩ kʼebihanda bingi, nʼerĩtwa esyombanza busana nʼebihanda byʼamaka ebiri ehali. Nabo basyahesa emĩyalĩ yabo mwʼesĩsũka, nʼamatũmo wabo mo bisara; ekihanda sikyendisyasumba omũyalĩ erilwa nʼekindi kihanda, kutse sibendisyaswiga amalwa.

Zekarĩa 9:10

Nasyabũlĩranĩa egalĩ oko Efũraĩmũ, nʼesabayĩrĩ oko Yerũsalema; nʼobuta bwʼamalwa bwasyabũlĩranĩbwa; naye asyabũga Obuholo oko bihanda; nʼeritabala liwe lyasyabya erĩlũa oko ngetsi erĩhĩka oko yindi ngetsi, nʼerĩlũa oko Lũsĩ lwʼeEfũratĩ nʼerĩhĩka oko syondũlĩ syʼekihugo.

Emibiri 17:31

Kusangwa Nyamuhanga abĩrĩhĩra ekiro ekyo asyatswera ekihugo omo litunganene omo Mundu oyo abiriyisoga, ĩnĩakamĩnyĩsayakyo oko bandu bosĩ ĩnĩakalũbũkaya Omundu oyo yʼoko baholĩ!

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.

1 Samwelĩ 2:10

Abakalwa nʼOmwami Mukulu, basyatsũtsangwa mo hitswe-hitswe; Asyahũtĩryabo omũlũmo erĩlũa elubula. Omwami Mukulu asyatswera esyondũlĩ syʼekihugo; Asyaha omwami wuwe yʼamaka, Nʼerĩhamya amaka wʼomũhakabĩbwa wuwe.