Ĩsaya 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ebihanda bingi byasyayabũga biti, Mwase, tuhetukire oko kitwa kyʼOmwami Mukulu, oko nyũmba ya Nyamuhanga wa Yakobo, naye atoke erĩtũkangĩrĩrya esyonzira siwe, netu itwatoka erirendera omo syombalu siwe. Kusangwa omo Sĩonĩ mwasyalũa emigambo, nʼekĩnywa kyʼOmwami Mukulu kyasyahulukira eYerũsalema.

Ĩsaya 2:3 Iomraidhean Croise

Esĩterĩ 9:27

Abayũda mobahanganĩa emitsye busana nabo, kandi busana nʼabana babo, na busana nʼabosĩ bayĩhĩra haguma nabo, bati siyibulirane, eriyira ebiro bibiri ebĩ mo biro bikulu ngʼerisaka lyabyo, kandi ngʼomugulu owahamulawa wabyo, obuli mwaka.

Esyonyimbo 102:23

Omwami Mukulu mwaleka inabya molo omugulu nyikine mulere; Abĩrĩkũhĩhya engebe yage.

Esyonyimbo 110:2

Erĩlũa eSĩonĩ, Omwami Mukulu asyalabya Obũtokĩ bwawe bwʼobwami. Ati, Utabale oko nzĩgũ syawe.

Esyonyimbo 119:171

Nasyakupipa emigulu yosĩ, Kusangwa ũkanyĩkangĩrĩraya amahamulo wawe.

Esyonyimbo 122:1

Monatsema omugulu bambwira bati, Tuye omo nyũmba yʼOmwami Mukulu!

Esyonyimbo 48:1

Omwami Mukulu ni mukulu, atolere eripipwa kutsibu, Apipawe omo mũyĩ wa Nyamuhanga wetu, oko kitwa kiwe kĩbũyĩrĩre.

Ĩsaya 1:26

Kandi nasyasũbya abatswerĩ bawe ngoko babya erĩmbere, nʼabahanĩ bawe ngoko babya okwʼĩtsũka. Enyũma wʼaho wasyahulwa mo mũyĩ wʼeritunganene, mo mũyĩ owateregula.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 19:23

Oko kiro ekyo hasyabya enzira nene ĩkalũa eMĩsĩrĩ erĩhĩka eAsũrĩa nʼAbaasũrĩa basyahĩka eMĩsĩrĩ, nʼAbanya Mĩsĩrĩ basyahĩka eAsũrĩa. Abanya Mĩsĩrĩ basyaramya haguma nʼAbaasũrĩa.

Ĩsaya 28:9

Asyakangĩrĩryandi yʼamenge kwehĩ? Kandi asyakũmbũlĩrandi yʼomwatsi kwehĩ? Ba nʼabo abatsĩrĩsĩbawa amabere, nʼabalũsĩbawa omo mabere kwehĩ?

Ĩsaya 44:5

Oyũ asyabũga ati, Indi wʼOmwami Mukulu; nʼogundi iniayahula omo lĩna lya Yakobo; nʼogundi iniasaka oko byala biwe ati, Indi wʼOmwami Mukulu, iniahula erĩna lya Ĩsraelĩ nʼerĩsĩkya.

Ĩsaya 56:5

Nasyahabo omo nyũmba yage nʼomwisi wʼesyombĩmbo syage ekĩbũkyo, nʼerĩna libuya erĩlabĩre eryʼabagala nʼeryʼabali. Nasyahabo erĩna lyʼerikota erĩtendĩsyalũsĩbwaho.

Ĩsaya 56:7

Nasyaletabo oko kitwa kyage kĩbũyĩrĩre nʼerĩtsemesyabo omo nyũmba yage yʼerisaba. Amahere wabo wʼerĩokererya nʼesyohongo syabo syasyalĩgwa oko kiherero kyage, kusangwa enyũmba yage yasyahulwa mo nyũmba yʼerisabiramo busana nʼebihanda byosĩ.

Ĩsaya 60:3

Ebihanda byasyasa oko kyakakala kyawe, nʼabami basyasa Okwʼĩkangabasanĩa lyʼerihangana lyawe.

Ĩsaya 65:11

Nĩkwa ĩnywe mũkasĩga Omwami Mukulu, ĩnywe mukibirirawa ekitwa kyage kĩbũyĩrĩre, ĩnywe mukasesa emesa busana na Gadĩ, ĩnywe mũkũsũlĩraya ebĩnyũ bĩtũlũngene busana na Menĩ.

Ĩsaya 66:20

Neryo basyaleta abagala benyũ bosĩ abakalũa omo bihanda byosĩ busana nʼeribya ehongo yʼengano busana nʼOmwami Mukulu ĩbahekĩrwe oko syosabayĩrĩ, nʼoko syogalĩ, nʼoko syongyingo, nʼoko syonyumbu, nʼoko syongamia, oko kitwa kyage kĩbũyĩrĩre eYerũsalema, Omwami Mukulu atya, ngoko bana ba Ĩsraelĩ ko bakaleta ehongo yabo yʼengano omo nyũmba yʼOmwami Mukulu omo nyungu yerĩre.

Yeremĩa 12:16

Neryo omugulu, bamayĩkangĩrĩrya nʼomũhwa esyonzira syʼabandu bage, erĩlahĩrya oko lĩna lyage, Ngoko Mwami Mukulu aliho. Nibya ngoko bakangĩrĩraya abandu bage erĩlahĩrya uku Baalĩ, neryo basyahĩmbwa omo katĩkatĩ kʼabandu bage.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 31:6

Kusangwa hasyabya ekiro, omugulu abateya oko bitwa bya Efũraĩmũ basyabirikira bati, Muhangane, tuye eSĩonĩ, oko Mwami Mukulu Nyamuhanga wetu.

Ezekĩelĩ 40:2

Omo syonzolĩ sya Nyamuhanga mwanyireta omo kihugo kya Ĩsraelĩ, mwanyĩhĩra oko kitwa kiri-kiri kutsibu. Nʼoko kitwa ekyo ebwanga bwʼeluhande lwʼeyĩkwa habya enyũmba ngʼomũyĩ.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Mĩka 4:2

Nʼebihanda bingi byasyasa nʼerĩbũga biti, Mwase tuhetukire oko kitwa kyʼOmwami Mukulu nʼoko nyũmba ya Nyamuhanga wa Yakobo, naye asyatũkangĩrĩrya esyonzira siwe, netu twasyalendera omo syombalu siwe. Kusangwa ebihano byasyasira eSĩonĩ, nʼekĩnywa kyʼOmwami Mukulu kyasyahuluka eYerũsalema.

Matayo 7:24

Neryo, obuli mundu oyũkowa ebĩnywa byage ebĩ nʼerikolabyo, asyasosekanĩbwa ngʼomundu wʼamenge, oyo wahĩmba enyũmba yiwe yʼokwʼĩbwe.

Luka 11:28

Nĩkwa Yesu mwamũsũbĩrya ati, Ko bite bitya, nĩkwa obutseme buli oko bakowa ekĩnywa kya Nyamuhanga nʼerikolakyo.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

Yoane 4:22

Ĩnywe mũkaramaya ekyo mũtasĩ; ĩtwe tũkaramaya ekyo twasĩ, kusangwa erilama lĩkalũa oko Bayũda.

Yoane 7:17

Omundu Oyukasonda erikola erianza lya Nyamuhanga, asyaminya erĩkangĩrĩrya eryo nga ni rya Nyamuhanga kutse nga ngabũga omwʼiyihana lyage.

Emibiri 1:8

Nĩkwa mwasyabana obũtokĩ omugu­lu Omũlĩmũ Abũyĩrĩre asyabahĩkako. Kandi mwasyabya batũlĩ bʼomwatsi wage eYerũsalema nʼomo Yũdea yosĩ, nʼeSamarĩa, nʼerĩhĩka oko ndũlĩ-ndũlĩ syʼekihugo.

Emibiri 10:33

Neryo-neryo monakutumirako, nawe wamayira ndeke ũkahĩka. Na lino ĩtwe bosĩ tune hano emuliro wa Nyamuhanga erĩowa ebyosĩ ebyo Mukama abirikuhana.

AbanyaRoma 10:18

Nĩkwa nyiti sĩbetowa erĩkangĩrĩrya kwehĩ? Kwenene babĩrĩowa. Ngoko kĩsakĩre kiti, Omulenge wabo abiritsungana omo kihugo kyosĩ, Nʼebĩnywa byabo byabĩrĩhĩka oko ndũlĩ syʼekihugo.

Eryibuka Ebihano 33:19

Basyabirikira ebihanda oko kitwa; Eyo, basyahonga amahere wʼeritunganene. Kusangwa basyalũsya ebingi byʼesyongetsi, Nʼebindu byʼomusege ebĩbĩsamĩre.

Eryibuka Ebihano 6:1

Neryo ekĩ kyo kihano, nʼemigambo nʼeritswera ebyo Mwami Mukulu Nyamuhanga wenyũ anyihana ati mũkangĩrĩrĩbawebyo, imwatoka erikolabyo omo kihugo ekyʼeyo mukasokera erĩsĩgalyakyo;

Yakobo 1:25

Nĩkwa omundu oyukalangira ndeke omugambo owahĩkene, owʼobwĩranda, iniakakwamago ndeke, asyabana obutseme bwa Nyamuhanga omo mũbĩrĩ wuwe, kusangwa sialihulikirira buyira nʼeribirirwago; akakolago.