Ĩsaya 2:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo kyasyabya oko biro byʼenyũma, ekitwa kyʼenyũmba yʼOmwami Mukulu kyasyahanganĩbwa ngʼekikulu kyʼebitwa, kyasyahamĩbwa endata oko bitwa. Ebihanda byosĩ byasyahĩkaho.

Ĩsaya 2:2 Iomraidhean Croise

Enzũko 49:1

Neryo Yakobo mwabirikira bagala buwe, mwabũga ati, Mũhĩndane haguma, inatoka eribabwira ebĩkandĩsyabahĩkako oko biro byʼenyũma,

Yobũ 19:25

Nĩkwa ĩngye nyĩnasĩ ngoko Mũtongolya wage aliho, Nʼoko ndũlĩ asyahangana oko kihugo.

Esyonyimbo 102:23

Omwami Mukulu mwaleka inabya molo omugulu nyikine mulere; Abĩrĩkũhĩhya engebe yage.

Esyonyimbo 2:8

Ũbũlaye, nage nasyakuha ebihanda eribya byawe, Kandi nasyakuha emitano yosĩ yʼekihugo.

Esyonyimbo 22:27

Abandu bosĩ bʼekihugo basyibuka nʼeribindukira Omwami Mukulu, Nʼebĩtũnga byosĩ byʼebihanda byasyaramya embere syawe.

Esyonyimbo 22:28

Kusangwa obwami ni bwʼomwami Mukulu, Kandi iye nĩ mũtabalĩ wʼebihanda.

Esyonyimbo 48:2

Ekitwa kyʼeSĩonĩ, ni kiri, kandi ni kibuya; Ni kitwa kikaleta obutseme oko kihugo kyosĩ. Nĩ mũyĩ wʼOmwami Mukulu.

Esyonyimbo 68:17

Esyogalĩ syʼamaka sya Nyamuhanga ni maelfu mangi, Omukama akalũa eSĩnaĩ akaya musyo mwʼahabũyĩrĩre.

Esyonyimbo 72:8

Obwami buwe bwasyahĩka oko ngetsi nʼoko yindi ngetsi, Erĩtsũka oko Lũsĩ Efũratĩ nʼerĩhĩka oko ndũlĩ syʼekihugo.

Esyonyimbo 86:9

Ebihanda byosĩ wahangika byasyasa, nʼerĩkũramya uwe Mukama; Basyapipa obukulu bwawe.

Esyonyimbo 87:1

Nyamuhanga mwahĩmba omũyĩ wuwe oko bitwa bĩbũyĩrĩre.

Esyonyimbo 87:2

Omwami Mukulu anzĩre omũyĩ wʼeYerũsalema, Kwilaba ehandi hosĩ eĨsraelĩ.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 25:6

Nʼoko kitwa ekĩ Omwami Mukulu wʼemilondo asyakokotya erirya ĩnene ryʼebindu ebĩnũnĩre busana nʼebihanda byosĩ erirya ĩnene ryʼebĩnyũ ebĩkamatĩre, nʼebindu bĩnũnĩre nʼerĩũsũla nʼomungoso, nʼebĩnyũ ebĩkamwĩrwe ndeke ebya kera.

Ĩsaya 27:13

Neryo oko kiro ekyo engubi nene yasyabuhwa. Abandu ababya bakahera omo kihugo kyʼeAsũrĩa, abapanza-panzawa omo kihugo kyʼeMĩsĩrĩ. Basyasa, basyaramya Omwami Mukulu oko kitwa kĩbũyĩrĩre eYerũsalema.

Ĩsaya 30:29

Mwasyabya nʼolwimbo ngʼomo kiro oko mugulu ũkategaya ekiro kikulu. Kandi mwasyabya nʼobutseme bʼomutima, ngʼomundu oyukagenda omo mulenge wʼenyamulera, eriya oko kitwa kyʼOmwami Mukulu, oko Lĩbwe lya Ĩsraelĩ.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 56:5

Nasyahabo omo nyũmba yage nʼomwisi wʼesyombĩmbo syage ekĩbũkyo, nʼerĩna libuya erĩlabĩre eryʼabagala nʼeryʼabali. Nasyahabo erĩna lyʼerikota erĩtendĩsyalũsĩbwaho.

Ĩsaya 56:7

Nasyaletabo oko kitwa kyage kĩbũyĩrĩre nʼerĩtsemesyabo omo nyũmba yage yʼerisaba. Amahere wabo wʼerĩokererya nʼesyohongo syabo syasyalĩgwa oko kiherero kyage, kusangwa enyũmba yage yasyahulwa mo nyũmba yʼerisabiramo busana nʼebihanda byosĩ.

Ĩsaya 60:3

Ebihanda byasyasa oko kyakakala kyawe, nʼabami basyasa Okwʼĩkangabasanĩa lyʼerihangana lyawe.

Ĩsaya 65:11

Nĩkwa ĩnywe mũkasĩga Omwami Mukulu, ĩnywe mukibirirawa ekitwa kyage kĩbũyĩrĩre, ĩnywe mukasesa emesa busana na Gadĩ, ĩnywe mũkũsũlĩraya ebĩnyũ bĩtũlũngene busana na Menĩ.

Ĩsaya 66:20

Neryo basyaleta abagala benyũ bosĩ abakalũa omo bihanda byosĩ busana nʼeribya ehongo yʼengano busana nʼOmwami Mukulu ĩbahekĩrwe oko syosabayĩrĩ, nʼoko syogalĩ, nʼoko syongyingo, nʼoko syonyumbu, nʼoko syongamia, oko kitwa kyage kĩbũyĩrĩre eYerũsalema, Omwami Mukulu atya, ngoko bana ba Ĩsraelĩ ko bakaleta ehongo yabo yʼengano omo nyũmba yʼOmwami Mukulu omo nyungu yerĩre.

Ĩsaya 66:23

Omwami Mukulu ati, Kyasyabya erĩtsũka oko mukera muhya-muhya erĩhĩka oko gundi, nʼerĩtsũka oko Sabato nguma erĩhĩka oko yindi, abandu bosĩ basyasa erĩũnama embere syage.

Yeremĩa 16:19

Uwe Mwami Mukulu, amaka wage, nʼahakongotere hage, nʼobusayiro bwage oko biro byʼobũlĩge, ebihanda byosĩ byasyakũhĩkako, erĩlũa oko syondũlĩ syʼekihugo, byasyabũga biti, Abotata wetu mobalya omwandu wʼamabehĩ masa, nʼebitya-bitya nʼemyatsi eyite mo ndũndĩ.

Yeremĩa 23:20

Erihitana lyʼOmwami Mukulu siryendĩsyabũnũkala ate abĩberererya nʼerikola erĩyĩsũnza lyʼomutima wuwe. Oko biro byʼenyũma mwasyaminyago ndeke.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 3:17

Oko mugulu oyo basyahula eYerũsalema mo kĩtũmbĩ kyʼobwami kyʼOmwami Mukulu. Ebihanda byosĩ bvasyahĩndanĩbwayo busana nʼerĩna lyʼOmwami Mukulu eYerũsalema. Kandi sibendisyaswalendera omo butsibu bwʼomutima wabo mubi.

Yeremĩa 30:24

Erihitana lĩkalĩre lyʼOmwami Mukulu sĩryendĩsyabũnũkala ate akola, kandi ate aberererya amalengekanĩa wʼomutima wuwe. Mwasyaminyago oko biro byʼenyũma.

Yeremĩa 31:12

Nabo basyasa nʼeriimbira oko kitwa kyʼeSĩonĩ nʼerĩũsũla nʼobubuya bʼOmwami Mukulu, oko ngano, nʼebĩnyũ bihya-bihya, nʼamagũta, nʼehyana hyʼesyombũlĩ, nʼehyʼesyonde. Nʼomutima wabo asyabya ngʼeririma lĩkahĩrawa mwʼamagetsi, kandi Sibendisyaswabya nʼobũlĩge nʼahake.

Yeremĩa 48:47

Omwami Mukulu ati, Nasyasũbya omũyĩsa wʼeMoabũ oko biro byʼenyũma. Eritswera lya Moabũ lyamahĩkerera hano.

Yeremĩa 49:39

Omwami Mukulu ati, Oko biro byʼenyũma, nasyasũbũlya omũyĩsa wʼeElamũ.

Yeremĩa 51:44

Nage nasyasuyira ye Belĩ eBabelĩ, nasyaleka ebyo amera bĩkalũa omo buno buwe. Nʼebihanda sibyendisyaswamũhĩkako; ega, olũhĩmbo lwʼeBabelĩ lwabiritera.

Ezekĩelĩ 38:16

nawe wasyahetukira abandu bage erilwa na Ĩsraelĩ ngʼekĩtũ kyʼeriswika ekihugo. Kyasyahĩka oko biro byʼenyũma, nasyakuleta erilwa nʼekihugo kyage, ebihanda ibyatoka erinyiminya omugulu nasyahigulwa busana nawe uwe Gogĩ, embere syʼameso wabo.

Ezekĩelĩ 40:2

Omo syonzolĩ sya Nyamuhanga mwanyireta omo kihugo kya Ĩsraelĩ, mwanyĩhĩra oko kitwa kiri-kiri kutsibu. Nʼoko kitwa ekyo ebwanga bwʼeluhande lwʼeyĩkwa habya enyũmba ngʼomũyĩ.

Danĩelĩ 10:14

Lino nabĩrĩhĩka erĩkũmĩnyĩsya ebĩkandĩsyahĩka oko bandu bawe omo biro byʼenyũma; kusangwa esyonzolĩ esyo ni syʼebiro bingi byʼenyũma.

Danĩelĩ 2:28

Nĩkwa hali Nyamuhanga elubula oyũkabĩsũla ebĩbĩsĩre, naye abĩrĩmĩnyĩsya Nebũkadeneza ebikandisyabya oko biro byʼenyũma. Erilota lyawe, nʼesyonzolĩ syʼomutwe wawe oko ngyingo yawe byebĩ.

Danĩelĩ 2:35

Neryo ekyuma ekyo nʼeribumba eryo, nʼomulinga, nʼekĩtsĩpa, nʼesyamagetsi, mobyatulangwa mo bihande bihande oko saa nguma, mobyabya ngʼomusunga omo bĩhũmbĩro omugulu wʼobugoma; neryo erihunga molyagũlũkyabyo, neryo mobitaswabanika nʼahake; nʼerĩbwe eryo eryaswĩraya esanamu molyabya kitwa kinene, molyũsũlya ekihugo kyosĩ.

Danĩelĩ 2:45

Ngoko walangira erĩbwe eryo eryabatsawa omo kitwa butsira ebyala, kandi ngoko lyatulanga ekyuma, nʼomulinga, nʼeribumba, nʼekĩtsĩpa nʼesyamagetsi; Nyamuhanga mukulu abĩrĩmĩnyĩsya omwami ebikandisyabya enyũma; nʼerilota ni ryʼekwenene, nʼeribikula lyalyo sĩrĩhabĩre ni ryʼeriyiketera.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Zekarĩa 14:10

Nʼekihugo kyosĩ kyasyahindulwa mo bwerere, erĩtsũka eGeba nʼerĩhĩka eRĩmonĩ, elutambi lwʼeyĩkwa lwʼeYerũsalema; nĩkwa Yerũsalema asyasumbwa, asyĩkala aho wago erĩtsũka okwʼIrimbo lya Benyamĩna erĩhĩka okwʼIrimbo Lyʼerĩtsũka, erĩhĩka okwʼIrimbo lyʼeNũnga, nʼerĩtsũka oko Nyũmba nyiri-nyiri ya Hananelĩ erĩhĩka oko bikamiro byʼOmwami.

Zekarĩa 14:9

NʼOmwami Mukulu asyabya Mwami oko kihugo kyosĩ; oko kiro ekyo Omwami Mukulu asyabya muguma ĩyowene, nʼerĩna liwe liguma ĩlyolyene.

Zekarĩa 8:22

Abandu bangi nʼebihanda byʼamaka byasyasa erĩsonda-sondya Omwami Mukulu Wʼemilondo eYerũsalema, nʼerisaba eriganyira lyʼOmwami Mukulu.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Malakĩ 3:12

Nʼebihanda byosĩ byasyabahula mo bʼobutseme; kusangwa ĩnywe mwasyabya kihugo kyʼerĩtsemesya, Omwami Mukulu Wʼemilondo atya.

Emiganzo 24:14

Na lino lebaya, ngaya oko bandu bage; Wase, ngandikubwira ebyo abandu aba basyakolera abandu bawe oko biro byʼenyũma.

Emibiri 2:17

Nyamuhanga ati, Ekĩ kyasyabya oko biro byʼenyũma-nyũma, Nasyũtũlĩra Omũlĩmũ wage oko bandu bosĩ; Abagala benyũ nʼabali benyũ basyaminyerera, Nʼabalwana benyũ basyalola oko syonzolĩ, Nʼabasyakulu benyũ basyalota esyonzolĩ.

2 Timoteo 3:1

Nĩkwa Uminye ekĩ! Oko biro byʼenyũma-nyũma hasyabya emigulu ĩkalĩre.

AbaEbrania 1:2

Nĩkwa omo biro ebĩ byʼenyũma-nyũma abĩrĩbũga netu busana nʼomugala wuwe. Nĩkwa Nyamuhanga mwahangika omo byala byʼomugala wuwe ekihugo nʼebyosĩ ebiri omo kyanya. Kandi Nyamuhanga abĩrĩhĩra Omugala wuwe eribya Omwenye myatsi yosĩ.

2 Petero 3:3

Nĩkwa mũtsũke eriminya omwatsi ono, oko biro byʼenyũma abasĩnĩngũlĩ basyahuluka, abakakwama esyongumbu syabo. Basyabasĩnĩngũlĩra bati,

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 20:4

Neryo monalangira ebĩtũmbĩ byʼobwami, nʼababya bĩkere kubyo, kandi, mobahabwa ehamũlĩ yʼeritswera. Monalangira nibya ebĩrĩmũ byʼabandu abatwĩbawa kwʼemitwe busana nʼerĩtũla omwatsi wa Yesu, kandi busana nʼekĩnywa kya Nyamuhanga. Mobataramya enyama eyo kutse esanamu eyo, kandi mobatahĩrwa kwʼolusako lwʼenyama eyo oko mbũmo syabo kutse oko byala byabo. Mobasuba nʼeribyaho nʼeritabala haguma na Kristo emyaka elfu nguma (1,000).