Ĩsaya 2:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 2:12 Iomraidhean Croise

2 Samwelĩ 22:28

Kandi wasyalamya bandu abakagalawa; Nĩkwa ekitsule kyawe kiri oko yukayiheka iwaminya erĩkehyabo.

Yobũ 24:1

Busana nakĩ emigulu sĩbĩkĩrwe nʼOmũtokĩ Wʼebyosĩ kwehĩ? Kandi busana nakĩ abamwasĩ sibelola oko biro biwe kwehĩ?

Esyonyimbo 131:1

Uwe Mwami Mukulu, nabirireka eriyiheka lyage, Nʼerĩbũnũkala okwʼiyihagata lyage. Sĩndĩyĩhĩra oko myatsi ĩkalĩre, Kutse omo myatsi eyikandema.

Esyonyimbo 18:28

Omwami Mukulu uli kyakakala kyage, Omwami Mukulu Nyamuhanga wage akakoleraya omo mwĩrĩmya wage,

Esyonyimbo 37:13

Omwami Mukulu akaseka omundu mubi, Kusangwa anasĩ omundu mubi kwʼasyaherĩbwa lũba.

Esyonyimbo 94:2

Uhangane, uwe mũtswerĩ wʼabandu bosĩ, Uhe abakayiheka ebitolerebo!

Emĩsyo 16:5

Obuli mundu oyukayipipa omo mutima ni nye oko Mwami Mukulu; Nomo banganahambana omo byala sibendisyabya butsira erisuyirwa.

Ĩsaya 10:12

Litya kyasyabya, omugulu Omukama amabĩberererya omũbĩrĩ wuwe gosĩ oko kitwa kyʼeSĩonĩ nʼoko Yerũsalema, nasyasuyira ebĩgũma byʼomutima akalĩre wʼOmwami wʼeAsũrĩa, nʼobubuya bwʼeriyiheka liwe.

Ĩsaya 10:33

Lebaya, Omukama Mwami Mukulu wʼemilondo, asyatwa emitahi nʼerĩkwa lyʼolukanda. Nʼemiri-miri yasyakonderwa ahisi, nʼeyikayiheka yasyakehĩbwa.

Ĩsaya 13:11

Litya nasyasuyira ekihugo busana nʼebibi byakyo, nʼabakola-nabi busana nʼamalolo wabo. Ngandĩhũnerya eriyitendera lyʼabakayiheka, nasyabũndamĩrya ahisi eriyiheka lyʼabatsibu.

Ĩsaya 13:6

Mulire, kusangwa ekiro kyʼOmwami Mukulu kiri hakũhĩ! Kyasyasa ngʼerĩtogotya kĩkalũa oko Wʼamaka gosĩ.

Ĩsaya 13:9

Lebaya, ekiro kyʼOmwami Mukulu kĩkahĩka, kĩtsatsũhĩre, omwʼihitana nʼeriagalirwa lĩkalĩre. Eriyira ekihugo mo mulala. Asyatogotya abakola-nabi bakyo bahwe mukyo.

Ĩsaya 14:15

Nĩkwa wasyandagalĩbwa erĩhĩka eKũlĩmũ, oko mbande syʼendũlĩ syʼobuhya.

Ĩsaya 23:9

Omwami Mukulu wʼemilondo yo wakandayirirakyo, erĩtsandya eriyiheka lyʼolukengerwa losĩ, erireka ibapona abasĩkĩbwe bosĩ bʼekihugo.

Ĩsaya 24:21

Neryo oko kiro ekyo, Omwami Mukulu asyasuyira omulondo wʼolubula endata, nʼabami bʼekihugo oko kihugo.

Ĩsaya 24:4

Ekihugo kikalira, kikuma, ekihugo kikogoka kikuma, abandu bakulu bʼekihugo bakogoka.

Ĩsaya 40:23

Yo yũkabũlĩranaya abatabalĩ eribya busa. Oyukayira abatswerĩ bʼekihugo eribya buyira.

Ĩsaya 42:15

Nasyayira ebitwa nʼehitwa mo mulala, nʼerĩũmya ebiti byabyo byosĩ. Kandi nasyayira esyonyũsĩ mo mĩsĩke yʼengetsi, kandi nasyũmĩrĩrya ebitsinga.

Ĩsaya 5:15

Omundu molo asyahemuka, nʼomundu mukulu asyakehĩbwa, nʼameso wʼoyukayiheka asyakehĩbwa.

Ĩsaya 61:2

erĩtũlago oko mwaka wʼolukogo lwʼOmwami Mukulu, nʼekiro kyʼerĩkĩsya kya Nyamuhanga wetu, erĩkĩranĩa abosĩ abakalira,

Yeremĩa 12:9

Omwandu wage nayisoga abirinyibyako ngʼekihungu kyʼebitangabitanga kwehĩ? Nʼebihungu nabyo byabĩrĩtĩmba kubo nʼerilwa nabo kwehĩ? Mugende, mũhĩndanaye esyonyama syosĩ syʼomolĩ, muletesyo okwʼirya!

Yeremĩa 13:9

Omwami Mukulu akabũga ati, Litya nasyatsandya eriyitendera lya Yũda, nʼeriyitendera lyʼeYerũsalema.

Yeremĩa 30:7

Ĩ-yoo! kusangwa ekiro ekyo ni kikulu, sihali ekiringene nakyo. Ni mugulu wʼobũlĩge bwa Yakobo, nĩkwa asyalamĩbwa mubo.

Yeremĩa 46:10

Kusangwa ekiro ekyo ni kiro kyʼomukama Omwami Mukulu wʼemilondo, ekiro kyʼerĩkĩsya, iniatoka erĩkĩsĩrya oko nzĩgũ siwe. Nʼomũyalĩ asyalya nʼerĩũgũta, asyapũlya nʼerĩũgũta nʼerĩpũlya ndeke omusasi wabo. Kusangwa hasyabya erĩĩta busana nʼomukama Omwami Mukulu wʼemilondo, omo kihugo kyʼelutambi lwʼendata hakũhĩ nʼolũsĩ Efũratĩ.

Yeremĩa 50:31

Omukama Omwami Mukulu wʼemilondo ati, Lebaya, ngalwa nawe, uwe ukayanza, kusangwa ekiro kyawe kyamahĩka, omugulu oyonasyakusuyira.

Ezekĩelĩ 13:5

Simwetahetukira ahasambwĩre, kutse sĩmwetahĩmba olũhĩmbo busana nʼekihanda kya Ĩsraelĩ, mubane erihangana omo malwa oko kiro kyʼOmwami Mukulu.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Amosĩ 5:18

Obũlĩge ũkwʼĩnywe mũkakwa olukando lwʼekiro kyʼOmwami Mukulu, ekiro kyʼOmwami Mukulu kyasyabyakĩ busana nenyũ kwehĩ? Kyasyabya mwĩrĩmya, isi kyakakala;

Mĩka 2:3

Busana nʼekyo, Omwami Mukulu ati, Lebaya, ngategeka ekibi busana nʼekĩtũnga ekĩ, busana nakyo simwendisyatoka eribala, kutse simwendisyalendera nʼeriyiheka; kusangwa asyabya mugulu mubi.

Mĩka 5:11

Nasyaherya emĩyĩ yʼekihugo kyawe, nasyaterya ahakongotere hawe hosĩ.

Zefania 1:16

Ni kiro kyʼengubi nʼendulo ehee, oko mĩyĩ ikongotere, nʼoko manyũmba wʼemisunguliko wʼenũnga nyiri.

Zefania 3:11

Oko kiro ekyo simwendisyahemulwa busana nʼemĩbĩrĩ yenyũ yosĩ, eyo mwanyihonako; kusangwa oko mugulu oyo nasyalũsya omo katĩkatĩ kenyũ abakayipipa nʼerĩyĩtsemesya benyũ, kandi siwendisyaswayĩhamya oko kitwa kyage kĩbũyĩrĩre.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Malakĩ 4:5

Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu.

Matayo 23:12

Nʼoyo wasyayĩhamya asyakehĩbwa, nʼoyo wasyayĩkehya asyahamĩbwa.

Luka 14:11

Kusangwa obuli mundu oyũkayĩkamahaya, asyakehĩbwa, nʼoyũkayĩkehaya, asyahamĩbwa.

1 AbanyaKorinto 5:5

tuhe omundu oyo uku Satanĩ, omubiri wuwe aherĩbawe, nĩkwa ekĩrĩmũ kiwe kĩlamĩbawe omo Kiro kyʼomukama.

1 AbanyaTesalonika 5:2

Kusangwa nenyũ mũnasĩ ndeke-ndeke kwʼekiro kyʼomukama kyasyasa ngʼomũrahĩ oyukasa omo kiro.

Yakobo 4:6

Nĩkwa olukogo olo Nyamuhanga akaha lũlengĩre. Neryo Amasako ati, Nyamuhanga akalwa nʼabakayiheka, nĩkwa akakangaya olukogo ukwʼabo bakayĩkehaya.