Ĩsaya 2:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Wingire omwʼĩbwe, ũyĩbĩse omo lũtũtũ, erĩlũa oko buba bwʼomwami Mukulu, nʼoko lukengerwa lwʼobukulu buwe.

Ĩsaya 2:10 Iomraidhean Croise

Yobũ 31:23

Kusangwa ngubaha erisuyira lya Nya­muhanga, Na busana nʼobukulu buwe sinditoka erikola kindu.

Yobũ 40:13

Ũbĩsebo haguma omo lũtũtũ; Ubohebo omo kihugo kyʼabaholĩ.

Esyonyimbo 145:12

Neryo abandu bosĩ basyaminya emĩbĩrĩ yawe eyĩkalĩre, Nʼolukengerwa lʼobusinge bwʼobwami bwawe.

Esyonyimbo 90:11

Ko nindi oyo wasĩ Obũtokĩ bwʼerihitana lyawe kwehĩ? Nindi wasĩ eriubaha eryo erikarama lyawe lyangaleta kwehĩ?

Ĩsaya 10:3

Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Ĩsaya 25:11

Nomo Moabũ asyasanzula ebyala biwe omo katĩkatĩ kaho, ngʼoyukatsiha akasanza ebyala biwe akatsiha. Nĩkwa Omukama asyabonderya eriyiheka liwe haguma nʼeriteba lyʼebyala biwe.

Ĩsaya 42:22

Nĩkwa aba ni bandu banyegawa nʼerĩhũngwa. Abosĩ babirihambwa omo myangalũ, kandi babĩrĩbĩswa omo manyũmba wʼemĩrĩkĩ. Babere bakahũngwa, sihali oyũkalamayabo. Babere minyego, sihali oyũkabũga ati, Sũbũlayabo!

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Yeremĩa 10:7

Uwe Mwami wʼebihanda, nindi ati siangakubaha kwehĩ? Kusangwa likutolere! Kusangwa omo katĩkatĩ kʼabandu bʼamenge bosĩ bʼebihanda, kandi omo mami gosĩ wabo sihali oyuli nga we.

Yeremĩa 13:9

Omwami Mukulu akabũga ati, Litya nasyatsandya eriyitendera lya Yũda, nʼeriyitendera lyʼeYerũsalema.

Hosea 10:8

Nʼahʼendata hʼeAwenĩ nibya, bye bibi bya Ĩsraelĩ, hasyaherĩbwa; emisakisaki nʼamatolũ byasyalasa oko maherero wabo; nabo basyabwira ebitwa bati, Mutuswike! Nʼoko hitwa bati, Mututerereko!

Nahũmũ 3:11

Wasyakũnda nibya; wasyabĩswa. Wasyasondya ahʼerisagira nibya busana nʼesyonzĩgũ.

Luka 12:5

Nĩkwa ngandĩbakangya abo mwangubaha: Mubahe Nyamuhanga, oyo amabĩta, iniawite ehamũlĩ erigusa omo Kũlĩmũ. Ega, ngababwira nyiti, mumubahe!

Luka 23:30

Neryo abandu basyatsũka erĩbũga nʼebitwa bati, Mututerereko! nʼoko hitwa, Mũtũbĩse!

2 AbanyaTesalonika 1:9

Basyasuyirwa omwʼihera lya kera na kera, nʼerisololwa embere syʼOmwami Mukulu, nʼoko lukengerwa lwʼobũtokĩ buwe,