Ĩsaya 19:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kandi nasyahĩra Abanya Mĩsĩrĩ omo byala byʼomukama oyũtsatsũhĩre. Omwami Ũkalĩre asyatabala kubo, Omukama Omwami Mukulu wʼemilondo, akabũga.

Ĩsaya 19:4 Iomraidhean Croise

Esyonyimbo 31:8

Sulitanyĩrekeranĩa omo byala byʼesyonzĩgũ syage; Wabĩrĩnyĩhĩra ahali Obuholo.

Ĩsaya 19:2

Kandi nasyalwĩsĩsanĩa emitima yʼAbanya Mĩsĩrĩ erilwa nʼAbanya Mĩsĩrĩ. Nabo basyayĩrwanĩa obuli mundu na mugala wabo, nʼobuli mundu na mũlĩkyabo, nʼomũyĩ nʼogundi mũyĩ, nʼobwami nʼobundi bwami.

Ĩsaya 20:3

Neryo Omwami Mukulu mwabũga ati, Ngoko mugombe wage Ĩsaya abirigenda ndũmbũ nʼebisando busa oko myaka ĩsatu ngʼekiminyikalo nʼekĩmĩnyĩsyo busana nʼeMĩsĩrĩ na busana nʼeEtĩopĩa.

Ĩsaya 20:4

Litya omwami wʼeAsũrĩa kwʼasyatwala atya abanyegwa bʼeMĩsĩrĩ, nʼabahigwa bʼeEtĩopĩa, abalere nʼabakulu, abali ndũmbũ nʼebisando busa, nʼamatako awali busa, erihemula eMĩsĩrĩ.

Yeremĩa 46:26

Nage nasyahĩrabo omo byala byʼabandu abakasonda-sonda engebe yabo, nʼomo byala bya Nebũkadeneza omwami wʼeBabelĩ, nʼomo byala byʼabakulu buwe. Nʼenyũma wʼaho abandu basyĩkalamo, ngʼebiro bya kera, Omwami Mukulu atya.

Ezekĩelĩ 29:19

Neryo, Omukama Iye Omwami Mukulu ati, Lebaya, nasyaha ekihugo kyʼeMĩsĩrĩ uku Nebũkadeneza omwami wʼeBabelĩ. Naye asyaheka endeko yako, nʼerĩhũnga obũsokĩ bwako, nʼerihamba ebindu byako. Nabyo byasyabya oluhembo lʼomulondo wuwe.

Ezekĩelĩ 30:12

Kandi nasyũmya emigende yʼeNĩlĩ, nʼerĩgũlya ekitaka omo byala byʼabandu babi. Kandi nasyayira ekihugo mo kĩma, nʼabosĩ balimo, omo byala byʼabʼehandi. Ingye, Mwami Mukulu, nabĩrĩbũgakyo.

Nahũmũ 3:10

Nĩkwa mwabya mũsayĩ mwaya omo bunyegwa; nʼabana buwe balere mobabũnangwa mo bitswe-bitswe oko ndũlĩ yʼesyonzira syosĩ; mobagerekera busana nʼabakulu bako bʼerĩsĩkĩbwa, kandi abandu bakulu buwe bosĩ mobabohwa omo bihulula.

1 Samwelĩ 23:7

Neryo omugulu babwira Saũlo ambu Dawĩdĩ abĩrĩhĩka eKeĩla, Saũlo mwabũga ati, Nyamuhanga abĩrĩmũhĩra omo byala byage; kusangwa amayikingira, iniabiringira omo mũyĩ owawite esyongyo ĩbĩrĩ nʼemihomo.