Ĩsaya 18:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ĩnywe esyondũlanĩ syʼekihugo, nʼĩnywe mwĩkere oko kitaka, omugulu ebendera ikasumbawa oko bitwa mwasyalangirayo, nʼomugulu engubi ikabulawa mwasyowayo.

Ĩsaya 18:3 Iomraidhean Croise

Esyonyimbo 50:1

Embangĩ, ye Nyamuhanga, Omwami Mukulu, abĩrĩbũga; Akabirikira ekihugo kyosĩ erĩtsũka aho eryuba likahuluka nʼerĩhĩka aho likalengera.

Ĩsaya 1:2

Mũhũlĩkĩrĩraye, ĩnywe kyanya, mutege amatwĩ ĩnywe kihugo, kusangwa Omwami Mukulu abĩrĩbũga ati, Nabirilembera nʼerĩkũlya abana, kandi babirihona kwĩngye.

Ĩsaya 11:12

Kandi asyasumbira ebihanda ebendera, asyahĩndanĩa abagusawa ba Ĩsraelĩ, nʼerĩhĩndanĩa haguma abapanza-panzawa ba Yũda erĩlũa oko nũnga ĩnĩ syʼekihugo.

Ĩsaya 13:2

Mũhĩre ebendera oko kitwa kite ko kindu, musumbe omulenge busana nabo, mũhũnga-hũngĩrayebo ebyala, bingire omo syongyo syʼabakulu.

Ĩsaya 13:4

Olukanda lwʼomwaga omo bitwa, ngʼolwʼabandu bangi! Omulenge wʼobogo bwʼamami wʼebihanda abahĩndene haguma! Omwami Mukulu wʼemilondo akahĩndanaya omulondo wʼamalwa.

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 31:9

Erĩbwe riwe lyasyahwerekerera busana nʼeriubaha, nʼabanya-mwami buwe basyubaha busana nʼebendera, Omwami Mukulu atya. Omuliro wuwe ali eSĩonĩ, erirunga liwe liri eYerũsalema.

Ĩsaya 49:22

Omukama Omwami Mukulu ati, Lebaya, nasyasumba ebyala byage oko bihanda, nʼerisingika ebendera yage oko bihanda. Basyaleta abagala bawe omo bĩkũba byabo, nʼabali bawe basyahekwa oko bitigo byabo.

Ĩsaya 5:26

Naye asyasumbira ebihanda ebĩkalũa ahali ebendera, kandi asyasyolya busana nabyo oko ndũlĩ yʼekihugo. Neryo lebaya, basyanguha eriasa lũba.

Ĩsaya 7:18

Neryo oko kiro ekyo, Omwami Mukulu asyasyolya busana nʼeyĩsũkĩ eyiri oko ndũlĩ-ndũlĩ yʼesyonyũsĩ syʼeMĩsĩrĩ, na busana nʼenzuki eyiri omo kihugo kyʼeAsũrĩa.

Yeremĩa 22:29

Uwe kihugo, ekihugo, ekihugo, uhulikirire ekĩnywa kyʼOmwami Mukulu!

Yeremĩa 51:27

Musingike ebendera omo kihugo, mubuhe engubi omo katĩkatĩ kʼebihanda! Muhigule ebihanda erilwa naye. Mubirikire haguma amami wʼeAraratĩ nʼeMĩnĩ, nʼeAskenazĩ erilwa naye. Mũhĩre omũsondolĩ erilwa naye. Mũhetũkaye esyosabayĩrĩ ngʼesyongĩke.

Mĩka 1:2

Ĩnywe bihanda, ĩnywe bosĩ, mowe! Uwe kihugo nʼebyosĩ birimo uhulikirire, kandi Omukama, Omwami Mukulu abye mũlangĩrĩ busana nenyũ, Omukama omo Hekalũ yiwe ĩbũyĩrĩre.

Mĩka 6:2

Ĩnywe bitwa, mowe, erihandikirira lyʼOmwami Mukulu, nenyũ ebibanza byʼekihugo ebitehwaho; kusangwa Omwami Mukulu akahandikirira abandu buwe, kandi asyakuba obuhaka na Ĩsraelĩ.

Mĩka 6:9

Omulenge wʼOmwami Mukulu akabirikira omũyĩ, kandi ni menge eriubaha erĩna lyawe. Wowe, uwe kihanda! Nindi abĩrĩhĩra omugulu wakyo kwehĩ?

Zekarĩa 9:14

Neryo Omwami Mukulu asyabutuka endata wabo; nʼomusoha wuwe asyahuluka ngʼerĩpalya; nʼomukama, Omwami Mukulu asyabuha engubi, kandi asyagenda omo hinyabungu hyʼelutambi lwʼeyĩkwa.

Matayo 13:16

Nĩkwa obutseme buli oko meso wenyũ, kusangwa mukalangira, nʼobutseme buli oko matwĩ wenyũ, kusangwa mũkowa.

Matayo 13:9

Neryo Yesu mwabũga ati, Oyuwite amatwĩ, owe!