Ĩsaya 17:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Ahakangatĩre hʼeEfũraĩmũ hasyũmbya, nʼobwami bwʼeDamaseke bwasyũmbya, nʼabasĩgalira bʼeSũrĩa, basyabya ngʼolukengerwa lwʼabana ba Ĩsraelĩ, Omwami Mukulu wʼemilondo akabũga atya.

Ĩsaya 17:3 Iomraidhean Croise

2 Abami 16:9

Nʼomwami wʼeAsũrĩa mwamowa; kandi omwami wʼeAsũrĩa mwahetukira eDamasekĩ, mwahũngago, mwaheka bandu bako mo banyegwa erĩhĩka eKĩri, neryo mwĩta Rezĩnĩ.

2 Abami 17:6

Oko mwaka wʼomwenda wa Hosea, omwami wʼeAsũrĩa mwahũnga eSamarĩa, neryo mwatwala Abaĩsraelĩ mo basayĩ eAsũrĩa, kandi mwahĩrabo eHala, nʼeHaborĩ oko lũsĩ lwʼeGosanĩ, nʼomo mĩyĩ yʼAbamedĩ.

Ĩsaya 10:9

EKalno siri ngʼeKarkemĩsĩ kwehĩ? EHamatĩ siri ngʼeArpadĩ kwehĩ? ESamarĩa siri ngʼeDamaseke kwehĩ?

Ĩsaya 16:14

Nĩkwa lino Omwami Mukulu akabũga ati, Omo mugulu wʼemyaka ĩsatu, ngoko omũhĩngĩ akaganzayo, olukengerwa lwʼeMoabũ lwasyaponwa, haguma nʼendeko nene yiwe yosĩ. Abakasĩgala buwe basyabya bake kũndũ isibawite maka.

Ĩsaya 17:4

Neryo oko kiro ekyo, olukengerwa lwa Yakobo lwasyakeha, nʼerineneha lyʼomubiri wuwe lyasyabonda.

Ĩsaya 25:2

Kusangwa wabiriyira omũyĩ mo kilundo, Omũyĩ owakongotere mo kĩma. Ekikali kyʼabagenĩ sikiri mũyĩ kandi, Siendĩsyaswahĩmbwa na kera.

Ĩsaya 7:16

Kusangwa omũlwana oyo ate aminya erigana ebibi nʼeriyisoga ebibuya, ekihugo kyʼabami babiri abo ukubaha kyasyasĩganĩbwa.

Ĩsaya 7:8

Kusangwa omutwe wʼeSũrĩa ni Damaseke, nʼomutwe wʼeDamaseke nĩ Rezĩnĩ. Nʼomo myaka makũmĩ ndatu nʼeyĩtanu (65) Efũraĩmũ asyabũnangwa mo bitswe-bitswe, isiendisyaswabya kihanda.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Hosea 1:4

Neryo Omwami Mukulu mwamubwira ati, Wahule erĩna liwe mo Yezreelĩ; kusangwa oko kandi katambĩ, nasyakĩsya omusasi wa Yezreelĩ oko kĩtũnga kya Yehũ, nasyatsĩrĩsya obwami bwʼekĩtũnga kya Ĩsraelĩ.

Hosea 1:6

Neryo omũkalĩ mwaswaheka obukule, mwabuta mwali. Neryo Omwami Mukulu mwabwira Hosea ati, Umwahule mo Lorũhama; kusangwa Sindiendisyaganyira kandi ekĩtũnga kya Ĩsraelĩ, eribuyirabo nʼahake.

Hosea 10:14

Busana nʼekyo olukanda lwasyahangana omo katĩkatĩ kʼabandu bawe, nʼebikongotere byawe byosĩ byasyaherĩbwa, ngoko Salmanĩ aheraya eBetĩ-arbelĩ oko kiro kyʼamalwa; omugulu abokoyo bagusawa mo bitswebitswe haguma nʼabana babo.

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Hosea 8:8

Ĩsraelĩ abirimerwa; lino bali omo katĩkatĩ kʼebihanda ngʼenyungu ĩyitetsemesaya mundu.

Hosea 9:11

Nĩkwa Efũraĩmũ, olukengerwa lwabo lwasyaguluka ngʼenyonyũ. Sihendisyabya eributa kutse omukule, kutse oyũkahekĩbawa obukule.

Amosĩ 8:14

Nĩkwa abakalahĩraya Omwʼĩlolo lyʼeSamarĩa, bati, Uwe Danĩ, ngoko Nyamuhanga wawe aliho; kandi, ngoko enzira yʼeBerĩ-seba ikakota; basyawa isibendisyaswahangana kandi.