Ĩsaya 17:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Emĩyĩ yʼeAroerĩ yamasĩganĩbwa; yasyabya busana nʼebihangulo erisyabundamamo, kandi sihali oyo wasyũbahyasyo.

Ĩsaya 17:2 Iomraidhean Croise

Yobũ 11:19

Nibya wasyagotsera ahisi, isihali oyo wasyakũbahya; Ega, abangi basyasondya obwĩra bwawe.

Ĩsaya 27:10

Kusangwa omũyĩ owakongotere ali ĩgowene, ahʼerĩĩkala ahalekawa nʼerĩsĩganĩbwa, ngʼembwarara. Eyo ekyana kyʼende kyasyalira, nʼeyo kyasyabundama, nʼerirya emitahi yago.

Ĩsaya 5:17

Oko mugulu oyo ebyana byʼembũlĩ byasyalya ebiti ngʼomo lũlĩsĩryo lwasyo, nʼabʼehandi basyalira omo bĩma byʼabandu bʼebindu.

Ĩsaya 7:21

Neryo oko kiro ekyo, omundu asyalĩsya enyana, nʼesyombũlĩ ĩbĩrĩ.

Ĩsaya 7:22

Neryo, busana nʼobungi bwʼamasabũ syasyalũsya asyalya amahondo, kusangwa obuli muguma oyũkasĩgalira omo kihugo, asyalya amahondo nʼobuki.

Yeremĩa 48:19

Uwe ndũlanĩ yʼeAroerĩ, uhangane oko mũsĩke wʼenzira, ulinge. Ũbũlaye oyukatibita nʼoyukabala uti, Yamakolwakĩ kwehĩ?

Yeremĩa 7:33

Ebĩnda byʼabandu aba byasyabya kalyo busana nʼesyonyonyũ syʼomo kyanya, na busana nʼesyonyama syʼahisi. Kandi sihali oyo wasyabingasyo.

Ezekĩelĩ 25:5

Kandi nasyayira eRaba mo lũlĩsĩryo busana nʼesyongamia, nʼabana ba Amonĩ mo hʼerihumulira hʼebihangulo. Nenyũ mwasyaminya ko ndi Mwami Mukulu.

Ezekĩelĩ 39:26

Nabo basyibirirwa esĩsonĩ syabo nʼeriteba lyabo lyosĩ, eryo banyĩhalayako, omugulu bĩkere omo buholo omo kihugo kyabo, isihali oyo wasyũbahyabo.

Mĩka 4:4

Nĩkwa obuli mundu asyĩkala oko ndĩna yʼomũlĩkĩ wuwe wʼebĩnyũ nʼomo ndĩna yʼomũtĩnĩ wuwe; kandi sihali oyo wasyũbahyabo; kusangwa obuno bʼOmwami Mukulu Wʼemilondo bwabĩrĩbũgakyo.

Zefania 2:6

Neryo omũsĩke wʼengetsi asyabya lũlĩsĩryo, nʼebiharo busana nʼabalĩsya, nʼebĩyĩte busana nʼebihangulo byʼesyombũlĩ.

Emiganzo 32:34

Nʼabana ba Gadĩ mobahĩmba eDĩbonĩ, nʼe Atarotĩ, nʼeAroerĩ,

Eryibuka Ebihano 2:36

Erĩtsũka eAroerĩ owali oko mũsĩke wʼomusya wʼeArnonĩ, nʼoko mũyĩ owali omo musya, erĩhĩka eGĩleadĩ, sihabya mũyĩ muli owatulema. Omwami Mukulu Nyamuhanga wetu mwatuha eyosĩ.

Eryibuka Ebihano 3:12

Nʼoko mugulu oyo motwĩmya ekihugo ekĩ mo nzĩgalya, erĩtsũka eAroerĩ, omũyĩ owali hakũhĩ nʼomusya wʼeArnonĩ, nʼoluhande lwʼekihugo kyʼebitwa kyʼeGĩleadĩ, nʼemĩyĩ yakyo monahayo Abarũbenĩ nʼAbagadĩ.

Yosũa 13:16

Omutano wabo abya atsũkĩre eAroerĩ, omũyĩ owali oko mũsĩke wʼomusya wʼeArnonĩ, nʼomũyĩ owali omo katĩkatĩ kʼomusya, nʼobwerere bosĩ hakũhĩ nʼeMedeba;

Yosũa 13:25

Nʼomutano wabo abya eYazerĩ, nʼemĩyĩ yosĩ yʼeGĩleadĩ, nʼekihande kyʼekihugo kyʼabana ba Amonĩ, erĩhĩka eAroerĩ omũyĩ owali embere syʼeRaba;