Ĩsaya 15:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Omo syonzira syabo bakambala emisarandwe; oko nyitwe syʼamanyũmba wabo, nʼomwʼĩrango lyabo, abosĩ bakayilakira nʼerĩsũsũmana omo mĩsonĩa kutsibu.

Ĩsaya 15:3 Iomraidhean Croise

2 Samwelĩ 3:31

Kandi Dawĩdĩ mwabwira Yoabũ, nʼabandu bosĩ ababya naye, ati, Mutulange esyongimba syenyũ, mũyambalaye emisarandwe, mulire embere sya Abenerĩ. Nʼomwami Dawĩdĩ mwakwama omundala.

2 Abami 6:30

Neryo omugulu omwami owa ebĩnywa byʼomũkalĩ, mwayitulangirako esyongimba siwe, nĩkwa abya iniakalaba endata oko lũhĩmbo; neryo abandu mobasamalira, neryo lebaya, iniabiriambala emisarandwe omwisi oko mubiri wuwe.

Ĩsaya 15:2

Babirihetukira oko hekalũ, nʼeDĩbonĩ, nʼoko ahʼeyigulu, eririra. Moabũ akalira busana nʼeNebo, na busana nʼeMedeba. Oko mitwe yosĩ kuli esyombala, nʼobuli nderũ syabĩrĩtũbwa.

Ĩsaya 22:1

Eriminyerera lyʼomusya wʼerilota. Lino mũkwĩrekĩ, muti mukasamba endata oko nyitwe syʼamanyũmba kwehĩ?

Ĩsaya 22:4

Kyaleka ĩnabũga nyiti, Sunyikebere, uleke nyirire ekĩkalĩhĩre, suhatikane erĩnyĩkĩranĩa busana nʼerĩherĩbwa lyʼomwali wʼabandu bage.

Ĩsaya 3:24

Neryo kyasyabya omo mwanya wʼebikakumba ndeke hasyabya erihonda, nʼomo mwanya wʼomukoba hasyabya omũlĩkĩ, nʼomo mwanya wʼesyonzwiri sĩrĩngĩre ihabya oluhala, nʼomo mwanya wʼekanzu, hasyabya eriambala emisarandwe. Emyokyo omo mwanya wʼobubuya.

Yeremĩa 19:13

Nʼamanyũmba wʼeYerũsalema, nʼamanyũmba wʼabami bʼeYũda asyatsanda ngʼeTofetĩ busana nʼamanyũmba gosĩ ahabĩrĩhĩsĩrĩbwa kʼobukwa oko nyitwe syago oko milondo yosĩ yʼomo kyanya, nʼerĩũtũlĩra amahere wʼerĩpũlya oko Sindi nyamuhanga.

Yeremĩa 48:37

Kusangwa obuli mutwe ali kʼoluhala, nʼobuli nderũ sikasurawa. Hali eriyibanda oko byala byosĩ nʼomo mbindi muli emiremba.

Ekiriro 2:10

Abakulu bʼomwali wʼeSĩonĩ Bĩkere oko kitaka bakĩkala bũkũtũ. Bakagusa olũtũtũ oko mitwe yabo. Bakayihanga emiremba omo mbindi. Abambesa bʼeYerũsalema Bakahanda emitwe yabo oko kitaka.

Ezekĩelĩ 7:18

Basyayihanga emisarandwe, nʼerititimana lyasyasĩngabo. Nʼesĩsonĩ syasyabya oko mũsũ gosĩ, nʼesyombala oko mitwe yabo yosĩ.

Amosĩ 8:10

Kandi nasyahindula erirya ĩnene lyenyũ mo kiriro, nʼesyonyimbo syenyũ syosĩ mwʼĩsũsũmana; nasyahĩra emisarandwe omo mbindi syʼabandu bosĩ, nʼesyombala oko buli mutwe. Kandi nasyayirakyo ngʼomugulu wʼeririra busana nʼekyusa, nʼendũlĩ yakyo yasyabya ngʼekiro kyʼerikaliha.

Matayo 11:21

Obũlĩge ukʼuwe Korazĩnĩ! Obũlĩge ukʼuwe Betesaĩda! Kusangwa kumbe ebitiko-tiko ebyakolawa omwisi wenyũ, bialikolawa eTĩro nʼeSĩdonĩ, kumbe babiribindula emitima nʼerireka ebibi byo kera, ibanambite emisarandwe nʼerĩĩkala omwʼĩbũ.

Eryibuka Ebihano 22:8

Omugulu ũkahĩmba enyũmba nyihya-nyihya, mwasyahĩmba ekikunda oko lutwe lwenyũ, mukasyaleta olubanza lwʼomusasi oko nyũmba yenyũ omundu amatoga kuyo.

Yakobo 5:1

Neryo muhulikirire lino, ĩnywe bandu bʼebindu! Mulire, muyilakire busana nʼamalĩge awakandĩsyabahĩkako.

1 Samwelĩ 5:12

Nʼabandu abatahola mobalasa kwʼebihute nʼekiriro kyʼomũyĩ mokyahetukira elubula.