Ĩsaya 15:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Babirihetukira oko hekalũ, nʼeDĩbonĩ, nʼoko ahʼeyigulu, eririra. Moabũ akalira busana nʼeNebo, na busana nʼeMedeba. Oko mitwe yosĩ kuli esyombala, nʼobuli nderũ syabĩrĩtũbwa.

Ĩsaya 15:2 Iomraidhean Croise

2 Samwelĩ 10:4

Neryo Hanũnĩ mwahamba bagombe ba Dawĩdĩ, mwasĩsa oluhande lwʼesyonderũ syabo, neryo mwatwĩra esyongimba syabo omo katĩkatĩ erĩhĩka oko matako wabo, neryo mwatumabo bagende.

1 Emyatsi yʼEmigulu 19:4

Neryo Hanũnĩ mwahamba abagombe ba Dawĩdĩ, mwasĩsabo, mwatwĩra esyongimba syabo omo katĩkatĩ, erĩhĩka oko matako wabo, neryo mwatsindikabo.

Yobũ 1:20

Neryo Yobũ mwahangana, mwasatya ekanzu yiwe, mwasĩsa omutwe wuwe, mwawa ahisi oko kitaka, mwaramya.

Ĩsaya 14:31

Ulire, uwe lũkyo, ulire, uwe mũyĩ, wabirisendekerera uwe Fĩlĩstĩa, ĩnywe bosĩ, kusangwa omũkĩ akasira elutambi lwʼendata, kandi sihali oyũsĩgalĩre omo milondo yiwe.

Ĩsaya 15:3

Omo syonzira syabo bakambala emisarandwe; oko nyitwe syʼamanyũmba wabo, nʼomwʼĩrango lyabo, abosĩ bakayilakira nʼerĩsũsũmana omo mĩsonĩa kutsibu.

Ĩsaya 16:12

Neryo omugulu Moabũ akayireta, omugulu akayĩlũhaya eriya ahʼendata huwe nʼerĩhĩka ahabũyĩrĩre huwe erisaba, siendisyatoka.

Ĩsaya 16:7

Neryo Moabũ asyalira. Abosĩ bʼeMoabũ basyalira. Mwasyasĩmba busana nʼotutole twʼebĩnyũ twʼeKĩrĩ-haresetĩ, ngʼabandu abakagalawa nabi.

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Ĩsaya 3:24

Neryo kyasyabya omo mwanya wʼebikakumba ndeke hasyabya erihonda, nʼomo mwanya wʼomukoba hasyabya omũlĩkĩ, nʼomo mwanya wʼesyonzwiri sĩrĩngĩre ihabya oluhala, nʼomo mwanya wʼekanzu, hasyabya eriambala emisarandwe. Emyokyo omo mwanya wʼobubuya.

Yeremĩa 3:21

Omulenge akogũbawa oko mitwemitwe yʼebitwa, eririra nʼerisaba eryʼabana ba Ĩsraelĩ, kusangwa babĩrĩkĩtya enzira yabo, babiribirirwa Omwami Mukulu Nyamuhanga wabo.

Yeremĩa 47:2

Omwami Mukulu ati, Lebaya, amagetsi asyahuluka akalũa elutambi lwʼendata, nago asyabya ngʼolũsĩ olukabwaga, nago asyabwagira omo kihugo nʼoko byosĩ ebirimo, nʼomũyĩ nʼabĩkere mugo. Nʼabalume basyalaka, nʼesyondũlanĩ syosĩ syʼekihugo syasyalira.

Yeremĩa 47:5

Oluhala lwabĩrĩhĩka eGaza, eAskelonĩ yabiritsanda. Uwe mũsĩgalira wʼomusya, wasyayibanda omo migulu yingahi kwehĩ?

Yeremĩa 48:1

Busana na Moabũ. Omwami Mukulu wʼemilondo, Nyamuhanga wʼeĨsraelĩ akabũga ati, Obũlĩge uku Nebo! Kusangwa abĩrĩtsandĩbwa. Kĩrĩataĩmũ abirihemulwa, abĩrĩhũngwa. Ahakongotere hayo habirihemulwa nʼerisambulwa.

Yeremĩa 48:18

Uwe ndũlanĩ yʼeDĩbonĩ, Wandagale Ũlũe oko lukengerwa lwawe, Wĩkale oko kitaka kyũmĩre kusangwa omũherya wʼeMoabũ abĩrĩhĩka erilwa nawe, abĩrĩherya ahakongoterere hawe.

Yeremĩa 48:31

Neryo nasyasũsũmanira Moabũ, ega nasyalaka busana na Moabũ. Kusangwa nasyasĩmba busana nʼabalume bʼeKĩrĩheresĩ.

Yeremĩa 48:35

Omwami Mukulu ati, Nasyabuga Moabũ, nasyakakĩrya oyukaherera amahere ahʼendata, nʼoyũkahĩsaya obukwa oko syonyamuhanga siwe.

Yeremĩa 49:3

Uwe Hesĩbonĩ, ulire, kusangwa Aĩ abĩrĩtĩngĩtĩbwa. Ĩnywe bali bʼeRaba, mulire, mwambale emisarandwe. Mũsũsũmane, mutibite eyĩ nʼeyĩ omo katĩkatĩ kʼesyombĩmbo, kusangwa Malkamũ asyanyegwa, nʼabahererĩ buwe, nʼabanya-mwami buwe haguma.

Yeremĩa 7:29

Ũtwe esyonzwiri syawe, ugusesyo, uyalirire oko bitwa ebite kokĩ, kusangwa Omwami Mukulu abirigana nʼerĩsĩganĩa ekihanda ekyamũhĩtanaya.

Ezekĩelĩ 27:31

Kandi basyayiyira mo bandu bʼoluhala busana nawe, basyayambalya emisarandwe, basyakulirira nʼobũlĩge bwʼomutima nʼekiriro kĩkalĩre.

Ezekĩelĩ 30:2

Omugala wʼomundu, uminyerere ũbũge uti, Omukama Iye Omwami Mukulu ati, Umoleke omulenge uti, Obũlĩge busana nʼekiro ekyo!

Ezekĩelĩ 7:18

Basyayihanga emisarandwe, nʼerititimana lyasyasĩngabo. Nʼesĩsonĩ syasyabya oko mũsũ gosĩ, nʼesyombala oko mitwe yabo yosĩ.

Abalawĩ 13:40

Kandi esyonzwiri syʼomundu syamalagala oko mutwe wuwe, ni wʼoluhala; nĩkwa omundu oyo ĩnĩerĩre.

Abalawĩ 21:5

Sĩbayĩhĩre ko luhala omo mutwe kutse erĩsĩsa esyonũnga syʼesyonderũ syabo, kutse eriyisakanga oko mibiri yabo.

Amosĩ 8:10

Kandi nasyahindula erirya ĩnene lyenyũ mo kiriro, nʼesyonyimbo syenyũ syosĩ mwʼĩsũsũmana; nasyahĩra emisarandwe omo mbindi syʼabandu bosĩ, nʼesyombala oko buli mutwe. Kandi nasyayirakyo ngʼomugulu wʼeririra busana nʼekyusa, nʼendũlĩ yakyo yasyabya ngʼekiro kyʼerikaliha.

Emiganzo 21:28

Kusangwa omuliro abirihulukira eHesĩbonĩ, Ekirimi kyʼomuliro kyamalũa oko mũyĩ wa Sĩhonĩ; Amalya Arĩ wʼeMoabũ, Ehitwa ehikulu hyʼeArnonĩ.

Emiganzo 21:30

Twabirigusabo ahisi; Hesĩbonĩ abirihera erĩhĩka eDĩbonĩ, Twabĩrĩherya erĩhĩka eNofa, Eyĩhĩkĩre eMedeba.

Emiganzo 32:3

Atarotĩ nʼeDĩbonĩ, nʼeYazerĩ, nʼeNĩmũra, nʼeHesbonĩ, nʼeElale, nʼeSĩbũma, nʼeNebo, nʼeBeonĩ,

Emiganzo 32:38

nʼeNebo, nʼeBaala-Meonĩ, amena wayo iniamabindulwa, nʼeSĩbũma; mobaluka emĩyĩ bahĩmba yʼawandi mena.

Eryibuka Ebihano 14:1

Ĩnywe muli bana bʼOmwami Mukulu Nyamuhanga wenyũ; simusyeyisaka, kutse erĩsĩswa engũbũ omo katĩkatĩ kʼameso wenyũ busana nʼabaholĩ.

Eryibuka Ebihano 34:1

Neryo Musa mwalũa omo bwerere bwʼeMoabũ mwahetukira oko kitwa kyʼeNebo, omo singi yʼePĩsĩga, ekiri eyisirya wʼeYerĩko. Neryo Omwami Mukulu mwamũkangya ekihugo kyosĩ kyʼeGĩleadĩ, erĩhĩka oko Danĩ,