Ĩsaya 13:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi basyubaha, amagalĩ nʼamalĩge byasyahambabo, basyayinyola nʼamagalĩ ngʼomũkalĩ oyukakunda, basyasamalirana, nʼerisweka, amũsũ wabo iniabiribinduka mo mubano.

Ĩsaya 13:8 Iomraidhean Croise

2 Abami 19:26

Neryo esyondũlanĩ syako mosyabya nʼamaka make, mobasweka nʼerihemulwa; babya ngʼebiti byʼomolĩ, ngʼebiti bibisi, ngʼobunyatsi obuli endata oko manyũmba, obukuma omo mwisi bute bwakula.

Esyonyimbo 48:7

Ũkabũnanga amato wʼeTarsisi, Omo lihunga lyʼendata.

Ĩsaya 26:17

Ngʼomukule oyũkahĩka hakũhĩ nʼomugulu wuwe wʼeributa, akagalawa inialaka busana nʼobwagalĩ buwe, netu twabya tutya embere syawe uwe Mwami Mukulu.

Yeremĩa 13:21

Wasyabũga ũtĩkĩ omugulu asyahĩra abĩra bawe endata kuwe ngʼabatabalĩ bawe abo wakangĩrĩraya kwehĩ? Amagalĩ asyakuhamba ngʼawʼomũkalĩ oyukakunda.

Yeremĩa 30:6

Mũbũlaye lino, mũlebaye, omulume ngʼakanakunda. Busana nakĩ ngalola oko buli mulume nʼebyala biwe oko mbindi yiwe ngʼomũkalĩ oyukakunda kwehĩ? Busana nakĩ obũsũ bosĩ bukahinduka nʼerĩtũmba kwehĩ?

Yeremĩa 4:31

Kusangwa monowa erilaka ngʼeryʼomũkalĩ ukakunda, eriagalwa lyʼoyukabuta omwana wuwe wʼerĩmbere, omulenge wa mwali wʼeSĩonĩ, oyukahumulikana busana nʼomuka, oyukasanza ebyala biwe, ati, Lino, obũlĩge ũkwʼĩngye! Kusangwa omutima wage akalembera embere syʼabĩtĩ!

Yeremĩa 46:5

Omwami Mukulu ati, Busana nakĩ namalangira ekyo kwehĩ? Babĩrĩkwa obuba, babirisuba enyũma. Esyombangĩ syabo syabĩrĩkĩndwa ahisi, syabirisaga, sibekebera enyũma. Obuba buli oko mbande syosĩ.

Yeremĩa 48:41

Kĩrĩotĩ abĩrĩhũngwa, nʼahakongotere habirihambwa, neryo emitima yʼesyombangĩ sya Moabũ ekiro ekyo yasyabya ngʼomutima wʼomũkalĩ omo bwagalĩ bwʼerikunda.

Yeremĩa 49:22

Lebaya, asyahetuka nʼeriguluka ngʼerĩsamba, nʼerisanza ebĩbũpa biwe erilwa na Bozra. Emitima yʼesyombangĩ syʼeEdomũ oko kiro ekyo yasyabya ngʼomutima wʼomũkalĩ omwʼikunda liwe.

Yeremĩa 49:24

Damasekĩ abirioloba, akayikeba busana nʼeritibita, nʼerititimana lyabirihambago. Engitsi nʼobũlũmĩ bwʼerikunda byabirihambago, ngʼerikunda lyʼomũkalĩ.

Yeremĩa 50:43

Omwami wʼeBabelĩ amowa engulu yabo, nʼebyala biwe byamogokala. Obwagalĩ bwabirimuhamba, nʼerĩsĩrĩkalira ngʼeryʼomũkalĩ ukakunda.

Yeremĩa 51:30

Esyombangĩ syʼeBabelĩ syabĩrĩũmbya oko malwa, bĩkere ahakongotere habo. Amaka wabo abirihwa, bakabya ngʼabakalĩ. Aho bĩkere habiriaka omuliro. Emĩkangĩ yiwe yʼesyongyo yabĩrĩbũnangika.

Ezekĩelĩ 20:47

ubwire omũsĩtũ wʼelutambi lwʼeyĩkwa uti, Uhulikirire ekĩnywa kyʼOmwami Mukulu. Omukama Iye Omwami Mukulu akabũga ati, Lebaya, nasyakya omuliro omwisi wawe; nago asyahĩsya obuli muti mubisi omwisi wawe, nʼobuli muti ũmĩre. Ekirimi kyʼomuliro ekikagulumira Sĩkyendĩsyalĩmĩbwa, nʼehosĩ erĩtsũka elutambi lwʼeyĩkwa erĩhĩka oko lundi lutambi lwʼendata hasyahĩsĩrĩrĩbwa mugo.

Hosea 13:13

Amalĩge wʼomũkalĩ oyukakunda asyamũhĩkako; iye ni mugala utawite menge; kusangwa omugulu amahĩka isiatolere erĩyĩrĩndĩrĩrya ahʼeributira abana.

Yoelĩ 2:6

Embere syabo ebihanda bĩkasĩsĩkana; nʼamũsũ gosĩ akatũmba.

Nahũmũ 2:10

Omũyĩ ali busa! Omũyĩ ni mulala, nʼekĩma! Emitima ikageruka omo nda, nʼamarwĩ akalegetsana, obwagalĩ nibya bukabya omo mubiri gosĩ, nʼamũsũ wabo gosĩ akatũmba!

Yoane 16:21

Omũkalĩ omugulu akakunda ali nʼobũlĩge kusangwa endambĩ yiwe yabĩrĩhĩka; nĩkwa omugulu amabibuta omwana, sialisyibuka kandi eriagalwa liwe, nĩkwa akatsema ati, Omwana amabibutwa omo kihugo.

1 AbanyaTesalonika 5:3

Omugulu abandu bakabũga bati, Hali Obuholo nʼerĩyĩsyandira, neryo-neryo eritogota lyasyĩtabo! Nabo sibendisyabala nʼahake, lyasyahĩka ngʼerikunda erĩkahĩka oko mũkalĩ.