Ĩsaya 13:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Mulire, kusangwa ekiro kyʼOmwami Mukulu kiri hakũhĩ! Kyasyasa ngʼerĩtogotya kĩkalũa oko Wʼamaka gosĩ.

Ĩsaya 13:6 Iomraidhean Croise

Yobũ 31:23

Kusangwa ngubaha erisuyira lya Nya­muhanga, Na busana nʼobukulu buwe sinditoka erikola kindu.

Ĩsaya 10:25

Kusangwa hakĩsĩya hake, erihitana lyage ukʼuwe iryahwa, nʼerihitana lyage ĩryaheryabo.

Ĩsaya 10:3

Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Ĩsaya 13:9

Lebaya, ekiro kyʼOmwami Mukulu kĩkahĩka, kĩtsatsũhĩre, omwʼihitana nʼeriagalirwa lĩkalĩre. Eriyira ekihugo mo mulala. Asyatogotya abakola-nabi bakyo bahwe mukyo.

Ĩsaya 14:23

Nasyahĩraho obwĩkalo bwʼendĩko, nʼekisesa kyʼamagetsi, nasyabĩryaho omo lũbĩryo lwʼerĩherya. Omwami Mukulu wʼemilondo atya.

Ĩsaya 14:31

Ulire, uwe lũkyo, ulire, uwe mũyĩ, wabirisendekerera uwe Fĩlĩstĩa, ĩnywe bosĩ, kusangwa omũkĩ akasira elutambi lwʼendata, kandi sihali oyũsĩgalĩre omo milondo yiwe.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 23:1

Eriminyerera busana nʼeTĩro. Mũmokũle, ĩnywe mato wʼeTarsisi, kusangwa eTĩro yabiriyirwa mo mulala, isihali nyũmba mugo, sihali obwingiro omo ngetsi babiribwirwa omwatsi erĩlũa oko kihugo kyʼeKĩtĩmũ.

Ĩsaya 34:2

Kusangwa Omwami Mukulu akahitana busana nʼebihanda byosĩ, akahitana busana nʼemilondo yabo yosĩ yʼabasĩrĩkanĩ. Abĩrĩheryabo kutsibu, abirihabo erĩĩtwa.

Ĩsaya 34:8

Kusangwa Omwami Mukulu awite ekiro kyʼerĩkĩsya, Omwaka wʼeririha busana nʼobuhaka bwʼeSĩonĩ.

Ĩsaya 47:11

Nĩkwa ebibi byasyakũhĩkako isiwendisyaminya amenge wʼerihigabyo. Nʼerĩkwa lyasyakuwako, siwendisyatoka eririhalyo, nʼerihera eryo ũtasĩ lyasyakũhĩkako neryo-neryo.

Ĩsaya 52:5

Neryo lino, Omwami Mukulu ati, Ngwite hano hokĩ kwehĩ? Kusangwa abandu bage bakatwalawa busa. Kandi abakatabalirabo bakabũgaya olukanda, Omwami Mukulu atya, kandi nʼerĩna lyage likatsumawa luguma-guma omo musibo gosĩ.

Ĩsaya 61:2

erĩtũlago oko mwaka wʼolukogo lwʼOmwami Mukulu, nʼekiro kyʼerĩkĩsya kya Nyamuhanga wetu, erĩkĩranĩa abosĩ abakalira,

Ĩsaya 63:4

Kusangwa ekiro kyʼerĩkĩsya mokyabya omo mutima wage, Nʼomwaka wage wʼerĩtongolya abĩrĩhĩka.

Ĩsaya 65:14

Lebaya, abagombe bage basyũta obogo mo butseme bʼomutima, nĩkwa ĩnywe mwasyalira omo bũlĩge obʼomutima, kandi mwasyayilakira busana nʼekĩrĩmũ kĩbũnĩkĩre.

Yeremĩa 25:34

Ĩnywe balĩsya, mulire, mulake. Mũyĩgala-galaye omwʼĩbũ, ĩnywe bakama bʼekĩhyo, kusangwa ebiro byʼerĩkwa lyenyũ nʼeripanza-panzwa lyenyũ byabĩrĩhĩkana kũndũ, nenyũ mwasyawa ngʼenyungu nyibuya.

Yeremĩa 49:3

Uwe Hesĩbonĩ, ulire, kusangwa Aĩ abĩrĩtĩngĩtĩbwa. Ĩnywe bali bʼeRaba, mulire, mwambale emisarandwe. Mũsũsũmane, mutibite eyĩ nʼeyĩ omo katĩkatĩ kʼesyombĩmbo, kusangwa Malkamũ asyanyegwa, nʼabahererĩ buwe, nʼabanya-mwami buwe haguma.

Yeremĩa 51:8

EBabelĩ yamatera lũba nʼerĩbũnĩka. Mumulire! Mwĩmaye obulungo bwʼamagalĩ wuwe. Mbino anganalamĩbwa.

Ezekĩelĩ 13:5

Simwetahetukira ahasambwĩre, kutse sĩmwetahĩmba olũhĩmbo busana nʼekihanda kya Ĩsraelĩ, mubane erihangana omo malwa oko kiro kyʼOmwami Mukulu.

Ezekĩelĩ 21:12

Uwe mugala wʼomundu, ulake, ulire, kusangwa akalwa nʼabandu bage, akalwa nʼabakulu bosĩ ba Ĩsraelĩ. Babirihabwa oko mũyalĩ haguma nʼabandu bage. Neryo Ũswĩraye oko ndungu yawe.

Danĩelĩ 5:26

Eribikula lyʼomwatsi oyo lyerĩ: Mene—Nyamuhanga abiriganza obwami bwawe nʼeribugabo.

Danĩelĩ 5:9

Neryo omwami Belsasarĩ mwaganga-ganga kũndũ, nʼobũsũ buwe mobwahinduka, nʼabakama buwe mobaburanganwa.

Yoelĩ 1:11

Ĩnywe balĩmĩ bʼebĩnyũ mũkwe esĩsonĩ, ĩnywe bakolerĩ bʼemĩrĩkĩ yʼebĩnyũ, mũlĩhĩre busana nʼengano, na busana nʼekisusu; kusangwa obugese bwʼamalima bwabirihera.

Yoelĩ 1:13

Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Yoelĩ 1:15

Ĩloolo busana nʼekiro ekyo! Kusangwa ekiro kyʼOmwami Mukulu kiri hakũhĩ, kandi kyasyasa ngʼerĩherya lĩkalũa oko Wʼamaka gosĩ.

Yoelĩ 1:5

Ĩnywe bakũndĩrya, mubuke, mũtogongaye emĩsonĩa; mũsũsũmane, ĩnywe bosĩ mũkapũlaya ebĩnyũ, busana nʼebĩnyũ bĩsĩhĩre; kusangwa byabĩrĩlũsĩbwa oko muno wenyũ.

Yoelĩ 2:1

Mubuhe engubi eSĩonĩ, mũbũgaye endulo omo kitwa kyage kĩbũyĩrĩre; esyondũlanĩ syosĩ syʼekihugo sititimane; kusangwa ekiro kyʼOmwami Mukulu kikasa, kusangwa kwenene kiri hakũhĩ.

Yoelĩ 2:11

Omwami Mukulu akatanda omulenge wuwe embere syʼemilondo yiwe; kusangwa enganda yiwe ni nene kutsibu; kusangwa oyũkaberereraya ekĩnywa kiwe akalĩre; kusangwa ekiro kyʼOmwami Mukulu ni kinene nʼekyʼerĩũbahya kutsibu; nindi yo wangatoka eriyisiga mukyo kwehĩ?

Yoelĩ 2:31

Eryuba lyasyabindulwa mo mwĩrĩmya, nʼomukera iniabya ngula ngʼomusasi, embere wʼerĩhĩka lyʼekiro kinene kyʼolukengerwa nʼekyʼerĩũbahya kyʼOmwami Mukulu.

Amosĩ 5:18

Obũlĩge ũkwʼĩnywe mũkakwa olukando lwʼekiro kyʼOmwami Mukulu, ekiro kyʼOmwami Mukulu kyasyabyakĩ busana nenyũ kwehĩ? Kyasyabya mwĩrĩmya, isi kyakakala;

Zefania 1:14

Ekiro kinene kyʼOmwami Mukulu kiri hakũhĩ, kiri hakũhĩ kandi kikasa lũba, hulikirira, ekiro kyʼOmwami Mukulu! Omo kiro ekyo omũlwĩ akalaka ekĩkalĩhĩre.

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.

Zekarĩa 14:1

Lebaya, ekiro kikasa, busana nʼOmwami Mukulu omugulu obunyegwa obwahũngawa ukʼuwe bwasyagabwa omo katĩkatĩ kenyũ.

Malakĩ 4:5

Lebaya, nasyabatumira omũmĩnyererĩ Elĩa emuliro wʼerĩhĩka lyʼekiro kinene nʼekyʼerĩũbahya kyʼOmwami Mukulu.

Yakobo 5:1

Neryo muhulikirire lino, ĩnywe bandu bʼebindu! Mulire, muyilakire busana nʼamalĩge awakandĩsyabahĩkako.

Eribisurirwa 18:10

Bakahangana hali, busana nʼeriubaha eriagalwa lyago, bati, Obũlĩge! obũlĩge! Babelĩ, omũyĩ mukulu, omũyĩ wʼamaka! Omo saa nguma eritswera lyawe lyamahĩka!