Ĩsaya 13:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mũhĩre ebendera oko kitwa kite ko kindu, musumbe omulenge busana nabo, mũhũnga-hũngĩrayebo ebyala, bingire omo syongyo syʼabakulu.

Ĩsaya 13:2 Iomraidhean Croise

Esyonyimbo 60:4

Mowasumba ebendera busana nʼabo abakakubaha, Nĩkwa mobabũnũkala, mobasaga enzĩgũ.

Ĩsaya 10:32

Mũnabwĩre akandihangana eNobĩ. Akatsĩnga-tsĩngya ebyala oko kitwa kyʼomwali wa Sĩonĩ, ekitwa kyʼeYerũsalema.

Ĩsaya 11:12

Kandi asyasumbira ebihanda ebendera, asyahĩndanĩa abagusawa ba Ĩsraelĩ, nʼerĩhĩndanĩa haguma abapanza-panzawa ba Yũda erĩlũa oko nũnga ĩnĩ syʼekihugo.

Ĩsaya 11:15

NʼOmwami Mukulu asyaherya ekihande kyʼengetsi yʼeMĩsĩrĩ, nʼomwʼihunga liwe erĩkahĩsaya, asyahũnga-hũngya ebyala biwe oko Lũsĩ Efũratĩ, kandi asyaswĩryalo iniagabalo mo nyũsĩ sirinda, nʼerireka abandu ibasoka ahũmĩre.

Ĩsaya 18:3

Ĩnywe esyondũlanĩ syʼekihugo, nʼĩnywe mwĩkere oko kitaka, omugulu ebendera ikasumbawa oko bitwa mwasyalangirayo, nʼomugulu engubi ikabulawa mwasyowayo.

Ĩsaya 19:16

Oko kiro ekyo Abanya Mĩsĩrĩ basyabya ngʼabakalĩ, basyatitimana nʼeriubaha busana nʼerĩsũka-sũkya lyʼebyala byʼOmwami Mukulu wʼemilondo, ebyo asyasũka-sũkya endata kubo.

Ĩsaya 31:9

Erĩbwe riwe lyasyahwerekerera busana nʼeriubaha, nʼabanya-mwami buwe basyubaha busana nʼebendera, Omwami Mukulu atya. Omuliro wuwe ali eSĩonĩ, erirunga liwe liri eYerũsalema.

Ĩsaya 5:26

Naye asyasumbira ebihanda ebĩkalũa ahali ebendera, kandi asyasyolya busana nabyo oko ndũlĩ yʼekihugo. Neryo lebaya, basyanguha eriasa lũba.

Yeremĩa 50:2

Mũtũlego omo katĩkatĩ kʼebihanda, mũbũge, mũtũlego, muhanganaye ebendera. Sĩmũbĩsego, muti, Babelĩ abĩrĩhũngwa, Belĩ abirihemuka, Merodakĩ abirikonongoka. Esyosanamu syako syabirihemuka, esyosanamu syako syabirikonongoka.

Yeremĩa 50:41

Lebaya, abandu bakalũa elutambi lwʼendata, nʼekihanda kinene, nʼabami bangĩ basyahanganĩbwa, bakalũa oko bihande byʼesyondũlĩ syʼekihugo.

Yeremĩa 51:12

Musingike ebendera erilwa nʼesyombĩmbo syʼeBabelĩ, mukale omwʼĩteya, mũhĩre abateya, mũhĩre abandu abakalĩmbaya! Kusangwa Omwami Mukulu abĩrĩganĩrya nʼerikola ebyo ahula busana nʼesyondũlanĩ syʼeBabelĩ.

Yeremĩa 51:25

Omwami Mukulu ati, Lebaya, iwe kitwa kyʼerĩherya, indi nzĩgũ yawe, uwe ũkaheraya ekihugo kyosĩ. Nage ngandisumba ebyala byage erilwa nawe, nʼerĩkũkũmbagalya Ũlũe oko lukuka lwʼamabwe, nasyakuyira mo kitwa kĩhĩre.

Yeremĩa 51:58

Omwami Mukulu wʼemilondo ati, Esyombĩmbo nyigali syʼeBabelĩ syasyaterĩbwa kutsibu, nʼesyongyo siwe nyiri-nyiri syasyahĩsĩbwa omo muliro. Nʼabandu basyaluhira busa, nʼebihanda byasyaluha busana nʼomuliro.