Ĩsaya 12:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nʼoko kiro ekyo wasyabũga uti, Ngandikuha ewasĩngya, Uwe Mwami Mukulu kusangwa nomo wananyihitanako, erihitana lyawe lyabirihwaho, kandi ũkanyĩkĩranaya.

Ĩsaya 12:1 Iomraidhean Croise

Nehemĩa 8:10

Neryo mwabwirabo ati, Muyigendere, mulye esĩnenehĩre, mũpũlaye ebĩsĩhĩre, mutume amagabo oko yũtabĩkĩrwe kindu; kusangwa ekiro kino kĩbũyĩrĩre oko Mukama wetu; kandi sĩmũkwe bũlĩge; kusangwa obutseme bwʼomwami Mukulu ni kagala kenyũ.

Yobũ 11:16

Kusangwa wasyibirirwa obũlĩge bwawe; Wasyibukabo ngʼamagetsi awakatwangana.

Yobũ 13:16

Ekĩ kyasyabya erilama lyage, Nʼomundu oyutekenga Nyamuhanga sĩendĩsyahĩka embere siwe.

Esyonyimbo 30:5

Erihitana liwe nĩ ryʼakatambĩ kake, Olukogo luwe lũkotĩre. Eririra lyanganalindirira omo kiro, Nĩkwa obutseme bukasa engyakyangyakya.

Esyonyimbo 71:21

Wasyanyĩhamya kandi, Nʼerĩswanyĩkĩranĩa.

Esyonyimbo 85:4

Uwe Nyamuhanga Omũlamya wetu, utubindukire, Kandi gũmbaye erituhitanako!

Esyonyimbo 86:17

Ũnyĩkangaye ekiminyikalo kyʼobubuya bwawe, Neryo abakanyĩkwa obusu balangirekyo, bahemuke. Kusangwa uwe Mwami Mukulu wabĩrĩnyĩwatĩkya nʼerĩnyĩkĩranĩa.

Esyonyimbo 9:1

Nasyakuha ewasĩngya uwe Mwami Mukulu, nʼomutima wage gosĩ, Nasyakanĩa emĩbĩrĩ yawe yosĩ yʼeriswekera eyo wabirikola.

Ĩsaya 10:25

Kusangwa hakĩsĩya hake, erihitana lyage ukʼuwe iryahwa, nʼerihitana lyage ĩryaheryabo.

Ĩsaya 10:4

Basyũnama omo katĩkatĩ kʼabandu bʼomũlĩkĩ basa, kutse eriwa omo katĩkatĩ kʼabandu babĩrĩkwa. Busana nʼebĩ byosĩ erihitana liwe sĩryetalũaho, nʼebyala biwe bĩkĩnayĩsũmbĩre.

Ĩsaya 11:16

Enzira nene eyĩkalũa eAsũrĩa yasyabyaho busana nʼabandu buwe abasĩgalira, abasyasaka ngoko habya omo Ĩsraelĩ oko kiro ekyo balũa omo kihugo kyʼeMĩsĩrĩ.

Ĩsaya 14:3

Neryo oko kiro ekyo, Omwami Mukulu asyakũlũhũkya oko bwagalĩ bwawe, nʼoko mwaga wawe, nʼoko munubo owakalĩre ogo bakũnũbayamo.

Ĩsaya 2:11

Emiyitendero yʼameso wʼabandu yasyakehĩbwa, nʼeriyikebera lyʼabandu lyasyahemulirwa ahisi, nʼOmwami Mukulu asyahamĩbwa ĩyowene ekiro ekyo.

Ĩsaya 25:1

Uwe Mwami Mukulu, uwe uli Nyamuhanga wage; Ngandĩkũhamya, ngandiha ewasĩngya oko lĩna lyawe; Kusangwa wabirikola emyatsi yʼeriswekera, Erĩyĩsũnza lyategekanĩbawa kera, omo butalegula bũhĩkene,

Ĩsaya 25:9

Nʼoko kiro ekyo kyasyabũgwa, kiti, Lebaya, Oyũ yo na Nyamuhanga wetu Oyo twalinda, naye atoke erĩtũlamya. Oyũ yo na Mwami Mukulu; oyo twabiririnda, Tutsange tutseme omo mulamo wuwe.

Ĩsaya 26:1

Oko kiro ekyo, Olwimbo olũ lwasyimbirwa omo kihugo kya Yũda: Ĩtwe tuwite omũyĩ wʼamaka; Akasingika esyombĩmbo nʼahakongotere busana nʼerĩsikyaho.

Ĩsaya 35:10

Abatongolĩbawa bʼOmwami Mukulu basyasubula, nʼerihĩka eSĩonĩ ĩbakũta obogo bʼobutseme, nʼobutseme bwa kera na kera bwasyabya oko mitwe yabo. Basyabana eritsangamuka nʼeritsema, nʼobũlĩge nʼerihumulikana byasyatibita.

Ĩsaya 49:13

Uwe lubula, wũte obogo bʼobutseme! Nawe kihugo, utseme! Ĩnywe bitwa, musumbe emirenge yʼobogo bʼobutseme! Kusangwa Omwami Mukulu abĩrĩkĩranĩa abandu buwe, Kandi asyaganyira abendererĩbawa buwe.

Ĩsaya 51:3

Kwenene Omwami Mukulu asyakĩranĩa eSĩonĩ. Abĩrĩsĩbĩkya emilala yiwe yosĩ. Kandi nasyayira embwarara yiwe nga Edenĩ, nʼolukurutsu luwe ngʼeririma lyʼOmwami Mukulu. Obutseme nʼeritsanga byasyabanika mugo, eriha ewasĩngya, nʼomulenge wʼolwimbo.

Ĩsaya 54:7

Oko katambĩ kake monakũsĩganĩa nĩkwa nasyakũhĩndanĩa omwʼiganyira lingi.

Ĩsaya 54:8

Omwʼihitana eryabwaga monakũbĩsa obũsũ bwage akatambĩ kake, nĩkwa nasyakuganyira nʼerisasira eritabahwa, Omwami Mukulu Omũtongolya wawe atya.

Ĩsaya 54:9

Kusangwa ekĩ ũkwʼĩngye kiri ngʼebiro bya Noa: omugulu nalahĩraya nyiti amagetsi wa Noa siendisyagunga kandi oko kihugo, nabĩrĩlahĩrya litya nyiti sindiendisyakuhitanako, kutse erikukunga.

Ĩsaya 60:10

Nʼabʼehandi basyahĩmba esyombĩmbo syawe, Nʼabami babo basyakukolera. Kusangwa omwʼihitana lyage monakũswĩrya, Nĩkwa omwʼisasira lyage nabirikuganyira.

Ĩsaya 61:10

Nasyatsemera Omwami Mukulu kutsibu, omutima wage asyatsema uku Nyamuhanga wage, kusangwa abĩrĩnyambalya esyongimba syʼomulamo, abirinyiswika ekanzu yʼeritunganene, ngʼĩba wʼomũherũkĩ akayisitika omo kikoba kyʼomusanga, kandi ngʼomũherũkĩ oyukayisitika omo mabwe wuwe awakangĩre gʼobũgũlĩ.

Ĩsaya 64:5

Ũkahĩndana nʼoyũtsemĩre omwʼikola ekitunganene, oyukakwibuka omo nzira syawe. Lebaya, wabya uhitene, kusangwa twakola ebibi, motwasiba mubyo mugulu muli, kandi twanasyalamĩbwa kwehĩ?

Ĩsaya 65:18

Nĩkwa emigulu yosĩ mutseme mutsange umwʼebyo ngahangika, kusangwa lebaya, ngahangika eYerũsalema eribya bũyĩsyandiro, nʼabandu bago eribya busana nʼobutseme.

Ĩsaya 66:13

Ngʼoyũkalembesanĩbawa na nyĩnya wuwe, ko nasyabalembesanĩa nyitya kandi mwasyakĩranĩbwa eYerũsalema.

Yeremĩa 30:19

Nʼewasĩngya yasyahuluka kubo, nʼomulenge wʼabakatsanga, nage nasyakanyĩrĩryabo, kandi sibendisyakeha. Nasyasĩkyabo, nabo sibendisyabya bake-bake.

Yeremĩa 31:13

Neryo omukondo asyatsema omwʼitsanga, nʼabalwana haguma nʼabakulu. Kusangwa nasyabindula eririra lyabo eribya butseme, kandi nasyakĩranĩabo, nʼerihabo obutseme busana nʼobũlĩge bwabo.

Hosea 11:8

Uwe Efũraĩmũ nasyakuleka nyiti kwehĩ? Uwe Ĩsraelĩ, nasyakugana nyiti kwehĩ? Nasyakuyira nga Adama nyiti kwehĩ? Nasyakukola nga Zeboĩmũ nyiti kwehĩ? Omutima wage abĩndwĩrwe omwisi wage, amaganĩryo wage abiriaka haguma.

Hosea 6:1

Mwase tusube oko Mwami Mukulu; kusangwa abiritutulanga, nĩkwa akandĩtũlamya; abĩrĩswĩrya, naye akandisyatusenga-senga.

Zekarĩa 1:16

Busana nʼekyo, Omwami Mukulu ati, Nasyasuba eYerũsalema nʼeriganyira; enyũmba yage yasyahĩmbwa mugo, Omwami Mukulu Wʼemilondo atya, nʼolukoba lwʼerirenga lwasyakakĩbwa endata oko Yerũsalema.

Zekarĩa 14:20

Oko kiro ekyo hasyabya amasako oko syonzumbo syʼesyosabayĩrĩ, ati, EKĨBŨYĨRĨRE OKO MWAMI MUKULU; nʼesyonyungu omo nyũmba yʼOmwami Mukulu, syasyabya ngʼebibindi embere wʼekiherero.

Zekarĩa 14:9

NʼOmwami Mukulu asyabya Mwami oko kihugo kyosĩ; oko kiro ekyo Omwami Mukulu asyabya muguma ĩyowene, nʼerĩna liwe liguma ĩlyolyene.

Zekarĩa 8:11

Nĩkwa lino sindiendisyakola oko bandu basĩgalira aba ngʼebiro byʼerĩmbere, Omwami Mukulu Wʼemilondo atya.

Zekarĩa 8:19

Omwami Mukulu Wʼemilondo akabũga ati, Eritsira akalyo oko mukera wʼakani, nʼeritsira akalyo oko wʼakatanu, nʼeritsira akalyo oko wʼakalinda, nʼeritsira akalyo oko mukera wʼerĩkũmĩ, lyasyabya butseme nʼeritsanga, nʼerirya ĩnene lyʼobutseme busana nʼekĩtũnga kya Yũda. Busana nʼekyo mwanze ekwenene nʼobuholo.

AbanyaRoma 11:15

Kusangwa kumbe eriganwa lyabo likabya erĩsanganĩa lyʼabandu bʼe­kihugo neryo erĩrĩgwa lyabo likabya liti kwehĩ? Lyasyabya nogebe busana nʼabaholĩ.