Ĩsaya 11:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Sibyendĩsyagalya kutse erĩherya omo kitwa kyage kĩbũyĩrĩre kyosĩ, kusangwa ekihugo kyasyũsũla nʼeriminya lyʼOmwami Mukulu, ngoko amagetsi akabwaga omo ngetsi.

Ĩsaya 11:9 Iomraidhean Croise

Yobũ 5:23

Amalima wasyalima syendisyabanika mo mabwe; Nʼesyonyama syʼomolĩ sisyendisyakuluma.

Esyonyimbo 72:19

Mupipe erĩna liwe lyʼolukengerwa kera na kera, Nʼolukengerwa luwe lũsũlaye ekihugo kyosĩ! Amina! Amina!

Esyonyimbo 78:54

Mwaletabo oko kihugo kiwe kĩbũyĩrĩ­re, Oko bitwa ebyo akĩnda.

Ĩsaya 11:13

Neryo obũha bwa Efũraĩmũ bwasyalũaho, nʼababendereraya Yũda basyatindwa. Na Efũraĩmũ sĩendĩsyakwa Yũda yʼobũha, na Yũda sĩendĩsyendererya Efũraĩmũ.

Ĩsaya 11:8

Omwana oyukonga asyasatira oko busamba bwʼenzwira, nʼomwana oyukatsira amabere asyahĩra ebyala biwe omo kyũna kyʼenzoka.

Ĩsaya 2:4

Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 30:26

Kandi ekyakakala kyʼomukera kyasyabya ngʼekyakakala kyʼeryuba, nʼekyakakala kyʼeryuba kyasyakanya ngendo sirinda, ngʼekyakakala kyʼebiro birinda, oko kiro ekyo Omwami Mukulu asyasenga ebĩhũnze byʼabandu buwe, nʼerĩlamya ebihutale ebyo abirikolabo.

Ĩsaya 32:16

Neryo erĩbanza litunganene lyasyĩkala omo mbwarara. Nʼeritunganene lyasyĩkala omwʼirima erĩbogĩre.

Ĩsaya 33:6

Naye asyabya erĩsĩka lyʼemigulu yenyũ, nʼerilama lĩnene, nʼamenge, nʼeriminya. Eriubaha lyʼOmwami Mukulu ni bindu biwe.

Ĩsaya 35:9

Eyo sihendisyabya endale kutse enyama ĩkalĩre sĩyendĩsyahĩkamo. Sisyendisyabanikayo. Nĩkwa abatongolĩbwa basyalenderamo.

Ĩsaya 45:6

Abandu batoke eriminya erĩtsũka okwʼihuluka lyʼeryuba, nʼerĩhĩka okwʼirenga lyalyo, ko hate ogundi ate nĩ ngye. Ĩngye indi Mwami Mukulu, sihali gundi.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 52:10

Omwami Mukulu abiriswikula okuboko kuwe kũbũyĩrĩre, Omo meso wʼebihanda byosĩ. Esyondũlĩ syosĩ syʼekihugo sitoke erilangira Omulamo wa Nyamuhanga wetu.

Ĩsaya 54:5

Kusangwa Omũhangĩkĩ wawe nĩ ĩba we, Omwami Mukulu wʼemilondo nĩ rĩna liwe. Oyũbũyĩrĩre wa Ĩsraelĩ nĩ Mũtongolya wawe. Oyukahulawa mo Nyamuhanga wʼekihugo kyosĩ.

Ĩsaya 56:7

Nasyaletabo oko kitwa kyage kĩbũyĩrĩre nʼerĩtsemesyabo omo nyũmba yage yʼerisaba. Amahere wabo wʼerĩokererya nʼesyohongo syabo syasyalĩgwa oko kiherero kyage, kusangwa enyũmba yage yasyahulwa mo nyũmba yʼerisabiramo busana nʼebihanda byosĩ.

Ĩsaya 59:19

Neryo basyubaha batya erĩna lyʼOmwami Mukulu erĩtsũka eyo eryuba likalengera, nʼolukengerwa luwe erĩtsũka eyo eryuba likahuluka, kusangwa asyasa ngʼomũgũmba wʼolũsĩ olo erihunga lyʼOmwami Mukulu lĩkakũna.

Ĩsaya 65:25

Omukenge nʼekyana kyʼembũlĩ byasyalira haguma, nʼendale yasyalya ebiti ngʼende, nʼolũtũtũ lwasyabya kalyo kʼenzoka. Sisyendisyakola ebibi kutse omwaga omo kitwa kyage kyosĩ kĩbũyĩrĩre, Omwami Mukulu atya.

Ĩsaya 66:18

Kusangwa nyĩnasĩ emĩbĩrĩ yabo nʼamalengekanĩa wabo. Omugulu asyasa wʼerĩhĩndanĩa ebihanda byosĩ nʼemĩbũge yosĩ. Nabo basyasa ibalangira olukengerwa lwage.

Ĩsaya 66:20

Neryo basyaleta abagala benyũ bosĩ abakalũa omo bihanda byosĩ busana nʼeribya ehongo yʼengano busana nʼOmwami Mukulu ĩbahekĩrwe oko syosabayĩrĩ, nʼoko syogalĩ, nʼoko syongyingo, nʼoko syonyumbu, nʼoko syongamia, oko kitwa kyage kĩbũyĩrĩre eYerũsalema, Omwami Mukulu atya, ngoko bana ba Ĩsraelĩ ko bakaleta ehongo yabo yʼengano omo nyũmba yʼOmwami Mukulu omo nyungu yerĩre.

Yeremĩa 31:23

Omwami Mukulu wʼemilondo, Nyamuhanga wa Ĩsraelĩ ati, Basyaswabũga ekĩnywa ekĩ omo kihugo kyʼeYũda nʼomo mĩyĩ yayo, omugulu nasyasũbũlya omũyĩsa wabo bati, Omwami Mukulu akutsumule uwe ahʼerĩĩkala litunganene, uwe kitwa kĩbũyĩrĩre.

Yeremĩa 31:34

Nabo sĩbendĩsyaswakangĩrĩrya obuli mundu mũlĩkyabo, kutse obuli mundu mugala wabo, bati, Muminye Omwami Mukulu; kusangwa abosĩ basyanyiminya, erĩtsũka oko muke wabo erĩhĩka oko mukulu wa kubo, Omwami Mukulu atya; kusangwa nasyabuyira amalolo wabo, nʼebibi byabo sindiendisyaswibukabyo.

Ezekĩelĩ 34:25

Nasyalagana nabo endagano yʼobuholo, nasyalũsya esyonyama nyibi syʼomo kihugo, nabo ibatoka erĩĩkala buholo omo mbwarara, nʼerigotsera omo mũsĩtũ.

Ezekĩelĩ 47:5

Nʼenyũma wʼaho mwalenga metere 519, mohabya olũsĩ Isinangatoka erisoka; kusangwa amagetsi mũsũla, amagetsi wʼeritsihamo, olũsĩ olutelwangatoka erisokwa.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Hosea 2:18

Nʼoko kiro ekyo nasyayira endagano busana nabo haguma nʼesyonyama syʼomolĩ, na haguma nʼesyonyonyũ syʼekyanya, na haguma nʼebindu ebikakululuka byʼekitaka; kandi nasyalũsya obuta, nʼomũyalĩ, nʼamalwa erĩlũa omo kihugo, kandi nasyagotseryabo ahisi nʼobuholo.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Habakũkĩ 2:14

Kusangwa ekihugo kyasyũsũla nʼeriminya lyʼolukengerwa lʼOmwami Mukulu, ngoko amagetsi akũsũla omo ngetsi nʼeriswikayo.

Zekarĩa 14:9

NʼOmwami Mukulu asyabya Mwami oko kihugo kyosĩ; oko kiro ekyo Omwami Mukulu asyabya muguma ĩyowene, nʼerĩna liwe liguma ĩlyolyene.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

1 AbanyaTesalonika 5:15

Mũlebaye ndeke Sihabye mundu Oyũkatũhũlaya ekibi oko kibi, nĩkwa mulenge erikolerana ebibuya, kandi mukole ebibuya oko bandu bosĩ.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.