Ĩsaya 11:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ nĩkwa omo litunganene asyatswera abera, nʼerisoha ekwenene busana nʼabandu abakagalawa bʼekihugo. Kandi asyĩta ekihugo omo kĩnywa kiwe ngʼengonĩ. Kandi asyĩta ababi omo muka wʼemĩnywa yiwe.

Ĩsaya 11:4 Iomraidhean Croise

2 Samwelĩ 8:15

Neryo Dawĩdĩ mwatabalira Abaĩsraelĩ bosĩ; kandi Dawĩdĩ mwatwa erĩbanza litunganene oko bandu buwe bosĩ.

Yobũ 15:30

Siendisyabala omo mwĩrĩmya, Ekirimi kyʼomuliro kyasyũmya emitahi yiwe, Akandĩsyalũaho busana nʼomuka wʼerihunga.

Yobũ 4:9

Busana nʼomuka wa Nyamuhanga bakahera, Na busana nʼekihunga kyʼerihitana liwe bakahwa.

Esyonyimbo 110:2

Erĩlũa eSĩonĩ, Omwami Mukulu asyalabya Obũtokĩ bwawe bwʼobwami. Ati, Utabale oko nzĩgũ syawe.

Esyonyimbo 18:8

Omũkĩ mwahuluka omo mihuli yiwe, Kandi omuliro mwalũa omo buno buwe owakahĩsaya; Amakala mwaka busana nago.

Esyonyimbo 2:9

Wasyabũnangabo omo mũtso wʼekyuma, Wasyatũndũlabo mo bitswe-bitswe ngʼenyungu yʼomũbũmbĩ.

Esyonyimbo 76:10

Erihitana lyʼabandu likaleta erikupipa, Abakabala amalwa basyateya ebiro bikulu byawe.

Ĩsaya 1:17

Mwige erikola ndeke. Mũsonda-sondaye erĩbanza litunganene, mũwatĩkaye oyũkanũbĩbawa, mũlekeraye engũbĩ, mwimire omũkwakalĩ.

Ĩsaya 13:11

Litya nasyasuyira ekihugo busana nʼebibi byakyo, nʼabakola-nabi busana nʼamalolo wabo. Ngandĩhũnerya eriyitendera lyʼabakayiheka, nasyabũndamĩrya ahisi eriyiheka lyʼabatsibu.

Ĩsaya 14:30

Nʼakambere kʼabera kasyalya, abandu abo abatawite erĩwatĩkĩbwa basyalya, nʼabandu bʼobwaga basyagotsera buholo. Nage nasyĩta omũlĩhĩ wawe nʼenzala, nʼenzala yasyĩta abandu bawe abakabala.

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Ĩsaya 2:4

Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 26:6

Ekisando kyasyalyatangirirago ahisi Bye bisando byʼabandu bʼobũlĩge, Nʼeribasula lyʼabandu batawite omũwatĩkya.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 3:14

Omwami Mukulu asyatswera abakulu bʼabandu buwe, nʼabanya-mwami babo. Nĩnywe mwalya eririma lyʼebĩnyũ. Eminyego yʼabera iri omo manyũmba wenyũ.

Ĩsaya 30:28

Omuka wuwe ali ngʼolũsĩ olukabwaga, olũkahĩka oko bĩkya, erisenzegeta ebihanda omo kayingiro, nʼerĩhĩra omugatsulo owakaheraya omo mikese yʼebihanda.

Ĩsaya 30:31

Kusangwa omo mulenge wʼOmwami Mukulu, Asũrĩa asyubaha, omugulu akaswĩraya omo mwĩgo.

Ĩsaya 30:33

Kusangwa Erĩokeryo lyʼeTofetĩ lyabĩrĩkokotĩbwa kera. Ega, lyabĩrĩkokotĩbwa busana nʼomwami. Abiritakulaho hali nʼahanene omwisi, ekitabiro kyaho ni muliro nʼesyongwĩ nene. Omuka wʼOmwami Mukulu, ngʼolũsĩ lwʼomuliro wʼekĩbĩrĩtĩ asyakyalyo.

Ĩsaya 32:1

Lebaya, omwami asyatabala omo litunganene, nʼabanya-mwami basyatabala omwʼĩbanza lyʼekwenene.

Ĩsaya 32:7

Omundu mutya-mutya akakola ebitya-bitya. Akaganĩraya emyatsi mibi, erĩherya abandu bʼobũlĩge omo bĩnywa byʼamabehĩ, omugulu abʼobwaga bakabũga ekitunganene.

Ĩsaya 33:22

Kusangwa Omwami Mukulu nĩ mũtswerĩ wetu, Omwami Mukulu yukatuha emigambo yetu, Omwami Mukulu ni mwami wetu. Asyatũlamya.

Ĩsaya 40:7

Ebiti bikuma, omusanga akasasuka, Omugulu omuka wʼOmwami Mukulu akabuhirira kubyo. Kwenene abandu ni bunyatsi.

Ĩsaya 49:2

Kandi abiriyira obuno bwage ngʼomũyalĩ atwĩre. Abĩrĩnyĩbĩsa omo kyũtsũtsũ kyʼebyala biwe. Abirinyiyira mo musoha owatwĩre. Abĩrĩnyĩbĩsa omo lubo luwe.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 33:15

Oko biro ebyo, nʼoko mugulu oyo, nasyalasĩrya Dawĩdĩ Omutahi atunganene. Naye asyakolesya erĩbanza nʼekitunganene omo kihugo.

Yeremĩa 5:28

Babirineneha, babĩrĩkangabasanĩa. Ega, babirilaba omo mĩbĩrĩ yʼebibi. Sibalyimira omwatsi, omwatsi wʼesyongũbĩ, ibatoka erĩũwana, kandi isibetswera eritunganene lyʼabera.

Hosea 6:5

Busana nʼekyo nabiritemabo mo bitswe-bitswe omo byala byʼabamĩnyererĩ; nabĩrĩtabo omo bĩnywa byʼobuno bwage; nʼesyonzwere ukʼuwe siri ngʼekyakakala ekikahuluka.

Zefania 2:3

Mũsondaye Omwami Mukulu, ĩnywe bosĩ bʼekihugo abakayĩkehaya, ĩnywe mwabirikola erĩbanza liwe; mũsondaye eritunganene, mũsondaye obũyĩkehyo; kwamũhwa mwasyabĩswa oko kiro kyʼerihitana lyʼOmwami Mukulu.

Malakĩ 4:6

Naye asyabindulira omutima wʼabotata oko bana babo, nʼemitima yʼabana oko botata wabo; ngasyasa nʼerĩswĩrya ekihugo omo kĩtsũmĩ.

Matayo 11:5

Esyondĩmatĩme sirimulangira, nʼebirema birimugenda, abahaga bakalamĩbawa nʼabatsiha balĩmowa, nʼabaholĩ banemũlũbũkĩbwa, nʼEngulu Yowene ĩrĩmũtũlaganĩbwa oko bera.

Matayo 5:5

Obutseme buli oko bʼomutima molo, Nyamuhanga asyahabo ebyo alaga!

Emibiri 9:1

Nĩkwa Saũlo iniakinahaya ati akĩta abiga bʼomukama, mwaya oko Mũhererĩ mukulu oko bahererĩ bosĩ!

2 AbanyaKorinto 10:1

Neryo ĩngye Paũlo, oyuli molo embere syenyũ, nĩkwa oyũkalĩre omugulu nde haguma nenyũ, ngabalemba-lemba busana nʼobolo nʼobubuya bwa Kristo,

AbanyaGalatia 5:23

omutima molo, nʼerĩyĩteya. Sihali omugambo owakalwa nʼemyatsi eyĩ.

2 AbanyaTesalonika 2:8

Neryo Omundu Mubi oyo asyabĩsũlwa, nʼOmukama Yesu asyamwĩta omo muka wʼobuno buwe, nʼerĩmũtogotya omo lukengerwa lwʼerihuluka liwe.

Tito 3:2

Kandi sibatsume mundu, sibalwe, bakangaye obwĩra, nʼerĩkanganĩa omutima molo oko bandu bosĩ.

Yakobo 3:13

Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

Eribisurirwa 1:16

Kandi abya ahambĩre esyongũnũnũ sirinda omo byala biwe byʼamali, nʼomũyalĩ owʼamoya abiri mwalũa omo buno buwe. Nʼobũsũ buwe bwabya ngʼerikola lyʼeryuba erikakanyayira omo maka walyo gosĩ.

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.

Eribisurirwa 19:15

Kandi omũyalĩ owatwĩre mwalũa omo buno buwe. Neryo asyakĩnda ebihanda omo mũyalĩ oyo. Nĩkwa asyatabala oko bihanda ebyo, omo mũtso wʼekyuma, neryo asyakamira omo muhe ebĩnyũ byʼerihitana lĩkalĩre lya Nyamuhanga, Omũtokĩ Wʼebyosĩ.

Eribisurirwa 2:16

Neryo ubindule omutima wawe uleke erikola ebibi! Bite bitya ngasyakũhĩkako lũba nʼerilwa nabo omo mũyalĩ wʼobuno bwage.