Ĩsaya 11:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 11:1 Iomraidhean Croise

2 Samwelĩ 23:3

Nyamuhanga wa Ĩsraelĩ mwabũga, Omũlemberĩ wa Ĩsraelĩ mwabũga nage, Oyukatabala oko bandu nʼeritunganene Oyukatabala omʼubaha lya Nyamuhanga,

1 Emyatsi yʼEmigulu 2:12

Boazĩ mwabuta Obedĩ, na Obedĩ mwabuta Yese;

Esyonyimbo 145:11

Basyahula olukengerwa lwʼobwami bwawe, Nʼerĩkanĩa obũtokĩ bwawe.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 4:2

Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 53:2

Kusangwa mwakulira embere siwe ngʼekiti kyolo-kyolo, kandi ngʼomũlĩhĩ omo kitaka kyũmĩre. Siawite omubiri atendere kutse erĩkangabasanĩa lyʼOmwami erikaleka itwamulolako. Kandi siawite olulangiro olukaleka itwamwanza.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 33:15

Oko biro ebyo, nʼoko mugulu oyo, nasyalasĩrya Dawĩdĩ Omutahi atunganene. Naye asyakolesya erĩbanza nʼekitunganene omo kihugo.

Ezekĩelĩ 17:22

Omukama Iye Omwami Mukulu ati, Nasyĩmya Omutahi oko mutwe wʼendata wʼomuti wʼomũerezĩ nasyaherago. Nasyatũa akatahi kalere kolo-kolo akali oko mutwe-mutwe, nasyaherako oko kitwa kiri-kiri endata.

Ezekĩelĩ 37:25

Nabo basyĩkala omo kihugo ekyo naha omugombe wage Yakobo, eyo abotata wenyũ bĩkala. Umwʼekyo basyĩkala, ibo nʼabana babo, nʼabitsikulu babo, kera na kera. Na Dawĩdĩ omugombe wage asyabya munya-mwami wabo kera na kera.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Zekarĩa 3:8

Uwe Yosũa, omũhererĩ mukulu, wowe lino, uwe nʼabalĩkyenyũ abĩkere embere syawe; mĩnyĩsyo; kusangwa, lebaya, nasyaletamo Omugombe wage, go Mutahi.

Zekarĩa 6:12

Mumubwire muti, Omwami Mukulu Wʼemilondo akabũga ati, Lebaya, omundu oyukahulawa mo Mutahi; naye asyalasya emitahi aho wuwe; kandi asyahĩmba eHekalũ yʼOmwami Mukulu.

Matayo 1:1

Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

AbanyaRoma 15:12

Nʼakandi Ĩsaya akabũga ati, Omwana wa Yese asyasa, Iye asyahanganĩbwa eritabala oko Bihanda. Nʼebihanda basyamũhĩra kwʼamaha wabo.

AbaEbrania 7:14

Kusangwa kyasĩbwe ndeke kwʼOmukama wetu ni wʼomo kihanda kya Yũda. Musa mwatahula abahererĩ omo kihanda ekĩ.

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.

Eribisurirwa 5:5

Nĩkwa omuguma gʼoko bakulu mwabũga nage ati, Uleke eririra, lebaya! Endale yʼekihanda kya Yũda, Omwitsikulu wa Dawĩdĩ, abĩrĩkĩnda, atoke erisanzula ekitabu, nʼerĩtwa ebĩbohĩ birinda.

Rũta 4:17

Kandi abakalĩ balĩkyabo mobamuluka erĩna, bati, Naomĩ amabutirwa omugala; neryo mobahula erĩna liwe mo Obedĩ. Naye nʼĩse wa Yese, ĩse wa Dawĩdĩ.

1 Samwelĩ 17:58

Na Saũlo mwabũga naye ati, Uwe mũlwana uli mugala wandi kwehĩ? Na Dawĩdĩ mwasũbĩrya ati, Ingye indi mugala wʼomugombe wawe Yese Munya Betelehemũ.