Ĩsaya 10:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Ngatumalyo oko kihanda kitawite Nyamuhanga, ngatumalyo oko bandu bʼerihitana lyage erĩhũnga eminyego, kandi erihamba obuhiyi, nʼeriryatangirirabo ahisi ngʼolondo lʼomo syonzira.

Ĩsaya 10:6 Iomraidhean Croise

2 Samwelĩ 22:43

Neryo monatũndũlabo mo hike-hike ngʼolũtũtũ lwʼekitaka, Monahĩndabo nʼeriryatangirirabo ngʼolondo omo syonzira.

2 Abami 18:25

Na lino nabĩrĩhĩka erilwa na hano nʼerĩheryaho isingwite erĩsĩmwa lyʼOmwami Mukulu kwehĩ? Omwami Mukulu mwambwira ati, Uyalwe nʼekihugo ekĩ ũherayekyo.

Ĩsaya 19:17

Ekihugo kyʼeYũda kyasyabya erĩũbahya busana nʼeMĩsĩrĩ. Obuli mundu oyo wasyabwirwa busana nakyo asyubaha, busana nʼerĩsũnzĩkanĩa lyʼOmwami Mukulu wʼemilondo, eryo akasũnzĩkanaya busana nakyo, erilwa nabo.

Ĩsaya 22:5

Kusangwa Omukama Omwami Mukulu wʼemilondo awite ekiro kyʼobuba, erĩkĩndwa, nʼeriremwa, omo musya wʼerilota, erisambula esyombĩmbo, nʼerilakira ebitwa.

Ĩsaya 24:5

Esyondũlanĩ syʼekihugo syabĩrĩta kyo nye, kusangwa babiriketa ebihano, babiripona emigambo babĩrĩtwa endagano ya kera na kera.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Ĩsaya 32:6

Kusangwa omũkĩrũ asyabũga ebyʼobũkĩrũ, nʼomutima wuwe asyakola ebibi, erikola ebite bya Nyamuhanga, nʼerĩbũga ebite byʼekwenene busana nʼOmwami Mukulu, erĩtendĩũgũtya omundu wʼenzala, nʼerikaga amagetsi busana nʼoyũkwĩre enyota.

Ĩsaya 33:1

Obũlĩge kuwe, uwe ũkaheraya, nawe ĩsũlĩwaherĩbwa. Kandi oyũkateba, omugulu abandi batamuteba! Omugulu wamabibuga erĩherya, nawe wasyaherĩbwa. Nʼomugulu wamabibugirira eriteba, abandi basyakukolera amatebo.

Ĩsaya 33:14

Abakola-nabi eSĩonĩ bakubaha. Nʼerititimana lyabirihamba abatekenga Nyamuhanga. Nindi ũkwʼĩtwe angatoka erĩĩkala omo muliro owakahĩsaya kwehĩ? Nindi ũkwʼĩtwe angatoka erĩĩkala haguma nʼerĩhĩsĩrĩrya lya kera na kera kwehĩ?

Ĩsaya 41:25

Nabĩrĩhanganĩa omuguma akalũa elutambi lwʼendata, kandi abiriasa. Aho eryuba likasira asyalakira erĩna lyage. Kandi asyasa oko batabalĩ ngʼakalaba oko londo, ngʼomũbũmbĩ akalyatangirira eribumba.

Ĩsaya 49:17

Abahĩmbĩ bawe bakanguha. Abakakũheraya nʼabakakuyira mo mulala basyakũlũako.

Ĩsaya 49:25

Kwenene Omwami Mukulu ati, Abʼomũlĩkĩ bʼesyombangĩ basyalũsĩbwaho, nʼabanyegwa bʼabatsibu basyalamĩbwa. Kusangwa nasyalwa nʼoyukalwa nawe, kandi nasyalamya abana benyũ.

Ĩsaya 5:25

Busana nʼekyo erihitana lyʼOmwami Mukulu likaka oko bandu buwe, kandi abirisumba ebyala biwe erilwa nabo nʼerĩswĩryabo ahisi. Ebitwa mobyatitimana, nʼebĩnda byabo byabiribya ngʼekyabũ omo katĩkatĩ kʼenzira. Busana nʼemyatsi eyĩ yosĩ erihitana liwe sĩryetalũaho, nĩkwa ebyala biwe bĩkĩnasũmbĩre.

Ĩsaya 5:29

Eriruruma lyabo lyasyabya ngʼendale yʼobũkalĩ, basyaruruma ngʼebyana byʼendale, ega, basyaruruma omugulu ikahamba enyama, nʼeritwalayo, isihali oyo wanganyegũlyayo.

Ĩsaya 5:5

Na lino uleke nyibabwire ekyo nasyakolera eririma lyage lyʼebĩnyũ. Ngandĩlũsyaho ekikunda kyalyo, lyasyahĩsĩbwa. Kandi ngandĩhĩmbũla olũhĩmbo lwalyo, nalyo lyasyalyatangirirwa oko kitaka.

Ĩsaya 63:3

Nabiriryatangirira ekĩrĩnga kyʼebĩnyũ ĩngyowene, Isihali mundu omo bihanda byʼabandu oyo wabya haguma nage. Monalyatangirirabo omwʼihitana lyage nibya, Monahĩnolerabo omwʼihitana lyage. Omusasi wabo wʼeribyaho mwayitsatsanga omo ngimba syage, Kandi nabĩrĩtsandya esyongimba syage syosĩ.

Ĩsaya 63:6

Monahĩnolera ebihanda omwʼihitana lyage, Monatamĩryabo omwʼihitana lyage, Kandi monũta omusasi wʼengebe yabo ahisi oko kihugo.

Ĩsaya 7:17

Omwami Mukulu asyakuletako, nʼoko bandu bawe, nʼoko kĩtũnga kya tata wawe omwami wʼeAsũrĩa, ebiro bingaha ebite byahĩka erĩtsũka ekiro Efũraĩmũ ayigaba oko Yũda.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Ĩsaya 8:8

Kandi lwasyalaba erĩlolya eYũda. Lwasyatswaga nʼeritwangana. Lwasyahĩka oko bĩkya nʼeriyisanza lyʼebĩpũpa byalo lyasyũsũlya ekihugo kyawe, uwe Emanũelĩ.

Ĩsaya 9:17

Neryo Omukama sialitsemera abalwana babo, kandi sialiganyira esyongũbĩ syabo nʼabakwakalĩ. Kusangwa obuli mundu nĩ mũtsandĩrya nʼomukola-nabi, nʼobuli buno bũkabũga ebyʼobũkĩrũ. Kusangwa busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Ĩsaya 9:19

Busana nʼerihitana lyʼOmwami Mukulu wʼemilondo ekihugo kikahya. Abandu bali ngʼesyongwĩ syʼomuliro. Sihali mundu oyũkabalaya mugala wabo.

Yeremĩa 25:9

lebaya Omwami Mukulu ati, Nasyatuma nʼerihamba ebĩtũnga byosĩ byʼelutambi lwʼendata nʼeritumabo oko mugombe wage Nebũkadeneza omwami wʼeBabelĩ, kandi nasyaletabo erilwa nʼekihugo kino, nʼerilwa nʼesyondũlanĩ syosĩ syakyo, nʼerilwa nʼebihanda byosĩ ebĩ ebĩtĩmbĩre kukyo kandi nasyaheryabo kũndũ, nʼeriyirabo mo nye, nʼekyʼeriahirwa nʼemilala yʼebiro byosĩ.

Yeremĩa 3:10

Nĩkwa Omwami Mukulu ati, Haguma nʼemyatsi yosĩ eyĩ, mwali wabo wʼomwaga, ye Yũda, mwatanyisubako nʼomutima wuwe gosĩ, nĩkwa omo menge wʼamabehĩ.

Yeremĩa 34:22

Omwami Mukulu ati, Lebaya, nasyahamula, nʼerĩsũbyabo oko mũyĩ ono. Kandi basyalwa nago, nʼerĩhũngago, nʼerĩhĩsyago omo muliro. Kandi nasyayira emĩyĩ yʼeYũda eribya kĩma, eyite mo mundu.

Yeremĩa 4:14

Uwe Yerũsalema, weraye omutima wawe kwʼebibi, ubane erĩlamĩbwa. Amalengekanĩa wawe mabi asyĩkala omwisi wawe erĩkolyahi kwehĩ?

Ezekĩelĩ 29:20

Nabirimuha ekihugo kyʼeMĩsĩrĩ busana nʼomũbĩrĩ ogo akola, kusangwa anyikolera, Omukama Iye Omwami Mukulu atya.

Ezekĩelĩ 38:12

erĩyahũnga nʼerihamba obunyegwa, eribindula ebĩma ebĩkerwemo, lino erilwa nʼabandu babĩrĩyĩhĩndanĩa omo bihanda, ababiritunda esyonde nʼebindu, abĩkere omo katĩkatĩ kʼekihugo.

Ezekĩelĩ 38:13

Seba, na Dedanĩ, nʼabatũndĩ bʼeTarsisi, haguma nʼehĩyĩ hyayo hyosĩ, basyakũbũlya bati, Wamasa eriheka abanyegwa kwehĩ? Wamahĩndanĩa emilondo yawe erihamba obunyegwa, eriheka ebĩtsĩpa nʼesyamagetsi, eritwala esyonde nʼebindu, erĩhũnga obunyegwa bungi kwehĩ?

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Habakũkĩ 1:12

Uwe Mwami Mukulu, Nyamuhanga wage, Oyũbũyĩrĩre wage, suli Wʼerikota kwehĩ? Sitwendisyahola. Uwe Mwami Mukulu, wabirihamulirabo omũbĩrĩ wʼeritswera; kandi nawe, uwe Lukuka, wabĩrĩhanganĩabo busana nʼerihabula.

Zekarĩa 10:5

Nabo basyabya ngʼesyombangĩ, bakalyatangirira ahisi enzĩgũ omo londo lwʼesyonzira omo malwa; kandi basyalwa, kusangwa Omwami Mukulu asyabya haguma nabo; nʼabakagenda oko syosabayĩrĩ basyahemulwa.

Matayo 15:7

Ĩnywe batebya! Omũmĩnyererĩ Ĩsaya mwaminyerera ndeke busana nenyũ, ati,