Ĩsaya 10:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Obũlĩge oko Asũrĩa, omũtso wʼerihitana lyage, engonĩ eyiri omo byala biwe ni ʼhitana lyage!

Ĩsaya 10:5 Iomraidhean Croise

Enzũko 10:11

Neryo mwalũa omo kihugo ekyo mwaya eAsũrĩa, neryo mwahĩmba eNĩnawĩ, Rehobotĩrĩ, Kala,

2 Abami 18:25

Na lino nabĩrĩhĩka erilwa na hano nʼerĩheryaho isingwite erĩsĩmwa lyʼOmwami Mukulu kwehĩ? Omwami Mukulu mwambwira ati, Uyalwe nʼekihugo ekĩ ũherayekyo.

2 Abami 19:25

Sũlĩtowa kwehĩ? Nakolakyo kera; monayĩsũnzakyo oko biro bya kera, na lino nabĩrĩberereryakyo, iwatoka eribindula emĩyĩ eyikongotere mo bĩma eribya bilundo byʼerihera.

Esyonyimbo 125:3

Ababi sibendisyatabala emigulu yosĩ oko kihugo kyʼabandu ba Nyamuhanga; Bamatabala batya, abandu ba Nyamuhanga nabo ibangakola ebibi.

Esyonyimbo 17:14

Uwe Mwami Mukulu, ũnyĩlamaye oko syonzĩgũ esyo, omo bũtoki bwawe, Ũnyĩlamaye omo bũtokĩ bwawe oko bandu bʼekihugo abawite ebyo banzĩre omo ngebe yʼenoka. Usuyirebo omo magalĩ ago wabiribikirabo; Abana babo babane bingi, Kandi bakasĩgĩra abitsikulu babo obuteke bwabo.

Ĩsaya 10:15

Embasa yasyayipipa ukwʼoyukakonda muyo kwehĩ? Ekisego kyasyayipipa ukwʼoyukakola mukyo kwehĩ? Ekyo kyangabya ngʼengonĩ ĩkasũkaya oyukasumbayo, kutse omũtso owakasumba oyute muti!

Ĩsaya 10:25

Kusangwa hakĩsĩya hake, erihitana lyage ukʼuwe iryahwa, nʼerihitana lyage ĩryaheryabo.

Ĩsaya 13:5

Bakalũa oko kihugo kyʼehali, oko luhande lwʼendũlĩ yʼekyanya, Omwami Mukulu nʼebindu byʼamalwa biwe byʼerihitana liwe, erĩherya ekihugo kyosĩ.

Ĩsaya 14:24

Omwami Mukulu wʼemilondo abĩrĩlahĩrya ati, Kwenene, ngoko nabĩrĩganĩrya, ko kyabiribererera kitya. Kandi ngoko nabirikandayirira ko kyasyahangana kitya.

Ĩsaya 14:25

Nyiti nasyabũnanga Asũrĩa omo kihugo kyage, kandi nasyamulyatangirira oko bitwa byage. Neryo engomo yiwe yasyalũsĩbwa kubo, nʼomuheke wuwe asyalũsĩbwa oko kitigo kyabo.

Ĩsaya 23:13

Lebaya, ekihugo kyʼAbakaldea. Aba ba bandu batabyaho. Asũrĩa mwahamulakyo busana nʼebyo, bakĩkala omo mbwarara; mobĩmanĩa emisunguliko yabo yʼeribambiraho, mobahũnga amanyũmba wako wʼabami; mobayirago mo mulala.

Ĩsaya 26:20

Mwase, abandu bage, mwingire omo manyũmba wenyũ, mukinge esyonyũyĩ syenyũ enyũma wenyũ. Mũyĩbĩse oko katambĩ kake, erĩhĩka aho erihitana lyamabilabira.

Ĩsaya 29:2

Nasyaleta obũlĩge oko Arĩelĩ, kandi asyabya mũyĩ wʼeririra nʼerĩsũsũmana. Nago asyabya kwĩngye ngʼeArĩelĩ.

Ĩsaya 30:27

Lebaya erĩna lyʼOmwami Mukulu likasira hali; erihitana liwe likaka, nʼomũkĩ wuwe ni mungi. Emĩnywa yiwe yoswĩre nʼerihitana, nʼolulimi luwe luli ngʼomuliro owakabugirira.

Ĩsaya 30:30

Omwami Mukulu asyowĩsya omulenge wuwe wʼehamũlĩ, kandi asyaleka erĩkĩma lyʼokuboko kuwe iryalolwako, omo kirimi kyʼomuliro owakabugirira, omo mbũla nene, nʼeriwa lyʼembũla nʼamatwa.

Ĩsaya 30:9

Kusangwa aba ni bandu bʼerihona, ni bana bʼamabehĩ, ni bana batanzĩre erĩowa erĩkangĩrĩrya lyʼOmwami Mukulu.

Ĩsaya 34:2

Kusangwa Omwami Mukulu akahitana busana nʼebihanda byosĩ, akahitana busana nʼemilondo yabo yosĩ yʼabasĩrĩkanĩ. Abĩrĩheryabo kutsibu, abirihabo erĩĩtwa.

Ĩsaya 66:14

Nenyũ mwasyalangirakyo, nʼemitima yenyũ yasyatsema, nʼamakũha wenyũ asyaboga ngʼebiti bibisi bihya-bihya. Ebyala byʼOmwami Mukulu byasyaminyikala oko bagombe buwe, nĩkwa asyabya nʼerihitana busana nʼesyonzĩgũ siwe.

Ĩsaya 7:17

Omwami Mukulu asyakuletako, nʼoko bandu bawe, nʼoko kĩtũnga kya tata wawe omwami wʼeAsũrĩa, ebiro bingaha ebite byahĩka erĩtsũka ekiro Efũraĩmũ ayigaba oko Yũda.

Ĩsaya 7:20

Nʼoko kiro ekyo Omukama asyasĩsa omo lugembe olũgũlĩre omo bihugo eyisirya oko Lũsĩ Efũratĩ, yo mwami wʼeAsũrĩa, naye asyasĩsa omutwe, nʼobweya bwʼebisando, kandi asyasĩsa esyonderũ.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Ĩsaya 8:7

Neryo lino, lebaya, Omukama akahetũkĩrayabo amagetsi wʼolũsĩ Efũratĩ, awakalĩre nʼamangi, oyo ni mwami wʼeAsũrĩa nʼolukengerwa luwe losĩ. Nalo lwasyasa nʼerilaba omo syonzira syalo syosĩ, nʼeritswaga oko mikyingyi yalo yosĩ.

Ezekĩelĩ 22:31

Busana nʼekyo nabĩrĩũtũlĩra kubo erihitana lyage. Nabĩrĩokereryabo nʼomuliro wʼerihitana lyage. Nabĩrĩsũbya enzira yabo yʼoko mitwe yabo, Omukama, Iye Omwami Mukulu atya.

Ezekĩelĩ 7:10

Lebaya, ekiro ekyo! Lebaya, kikasa! Erihera lyawe lyabirihuluka. Omũtso abĩrĩsoya, eriyipipa lyamakondola.

Danĩelĩ 11:36

Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Nahũmũ 1:1

Enzumwa yʼeNĩnawe. Ekitabu kyʼesyonzolĩ sya Nahũmũ Omũelkosĩ.

Habakũkĩ 1:12

Uwe Mwami Mukulu, Nyamuhanga wage, Oyũbũyĩrĩre wage, suli Wʼerikota kwehĩ? Sitwendisyahola. Uwe Mwami Mukulu, wabirihamulirabo omũbĩrĩ wʼeritswera; kandi nawe, uwe Lukuka, wabĩrĩhanganĩabo busana nʼerihabula.

Zefania 2:13

Kandi Omwami Mukulu asyalolya ebyala biwe erilwa nʼelutambi lwʼendata, nʼerĩherya eAsũrĩa. Kandi asyayira eNĩnawe mo kĩma, nʼeriuma ngʼembwarara.

Emiganzo 24:24

Nĩkwa amato asyasa akalũa oko mũsĩke wʼeKĩtĩmũ, Basyagalya Asũrĩ, nʼerĩagalya Eberĩ; Nabo basyahĩka okwʼĩherĩbwa nibya.