Ĩsaya 10:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Ĩsaya 10:3 Iomraidhean Croise

Enzũko 31:1

Neryo Yakobo mowa ebĩnywa byʼabagala ba Labanĩ bakabũga bati, Yakobo abiriheka ebindu byosĩ ebyabya bya tata wetu. Kandi obuteke bosĩ obũ abiribanabo omo bindu bya tata wetu.

2 Abami 7:15

Neryo mobakwamabo erĩhĩka eYorodanĩ; neryo, lebaya, enzira yosĩ iyabiritsungana esyongimba nʼebindu, ebyo Abasũrĩa bagusa bakatibita. Neryo abakwenda mobasubula, mobabwira omwami.

Yobũ 31:14

Nasyayira nyiti omugulu Nyamuhanga akahangana kwehĩ? Nʼomugulu akanyitswera, nasyamũsũbĩryakĩ kwehĩ?

Emĩsyo 11:4

Ebindu sibyereta endũndĩ oko kiro kyʼerihitana; Nĩkwa eritunganene lĩkalamaya oko luholo.

Ĩsaya 13:6

Mulire, kusangwa ekiro kyʼOmwami Mukulu kiri hakũhĩ! Kyasyasa ngʼerĩtogotya kĩkalũa oko Wʼamaka gosĩ.

Ĩsaya 17:4

Neryo oko kiro ekyo, olukengerwa lwa Yakobo lwasyakeha, nʼerineneha lyʼomubiri wuwe lyasyabonda.

Ĩsaya 20:6

Esyondũlanĩ esĩkere oko mũsĩke wʼengetsi basyabũga oko kiro ekyo bati, Lebaya, amaha wetu wayo, eyo twasayira tũwatĩkĩbawe erĩlamĩbwa oko mwami wʼeAsũrĩa. Netu, twasyabala tuti kwehĩ?

Ĩsaya 26:14

Abaholĩre sibendisyabyaho. Emĩrĩmũ eyabirigenda siyendisyalũbũka. Busana nʼekyo wabirisuyirayo nʼerĩheryayo, kandi wabirisangula eriibukwa lyayo lyosĩ.

Ĩsaya 26:21

Kusangwa, lebaya, Omwami Mukulu akĩsĩya iniahuluka akalũa aho wuwe erisuyira esyondũlanĩ syʼekihugo busana nʼebibi byabo. Ekihugo kyasyabĩsũla omusasi wakyo, sikyendisyaswaswika abĩtawa bakyo.

Ĩsaya 28:20

Engyingo nĩ ngũhĩ erigotsera kuyo, nʼobũlangĩtĩ ni buke eriyiswikabo.

Ĩsaya 29:6

Omwami Mukulu, wʼemilondo asyakusuyira omo mũlũmo, nʼomo mũsĩkĩ, nʼolukanda lunene, nʼomo kanyabungu, nʼekihunga, nʼekirimi kyʼomuliro ekĩkahĩsaya.

Ĩsaya 30:16

Nĩkwa momwabũga muti, Iyehe, nĩkwa twasyatibita endata oko syosabayĩrĩ. Neryo ko mwasyatibita mutya! Kandi muti, Netu twasyagendera oko syosabayĩrĩ esyo. Sikanguha, neryo abakabakwama nabo basyanguha.

Ĩsaya 30:5

Abosĩ basyahemuka busana nʼabandu abatetoka erihabo endũndĩ, abatewatĩkaya kutse erĩtũndĩsyabo, nĩkwa busana nʼerihemula, nʼeritsumabo.

Ĩsaya 30:7

Erĩwatĩkya lya Mĩsĩrĩ ni busa Siriri nʼendũndĩ, Kikaleka inamwahula mo Rahabũ, oyo wabĩrĩkwa.

Ĩsaya 33:14

Abakola-nabi eSĩonĩ bakubaha. Nʼerititimana lyabirihamba abatekenga Nyamuhanga. Nindi ũkwʼĩtwe angatoka erĩĩkala omo muliro owakahĩsaya kwehĩ? Nindi ũkwʼĩtwe angatoka erĩĩkala haguma nʼerĩhĩsĩrĩrya lya kera na kera kwehĩ?

Ĩsaya 39:3

Neryo omũmĩnyererĩ Ĩsaya mwahĩka eyiri omwami Hezekĩa, mwamubwira ati, Abalume aba mobakabũgakĩ kwehĩ? Kandi balĩalũahi bakakũhĩkako kwehĩ? Neryo Hezekĩa mwabũga ati, Bakanyĩhĩkako bakalũa omo kihugo kyʼehali eBabelĩ.

Ĩsaya 5:14

Neryo eKũlĩmũ yabiritomekera esyongumbu syayo, kandi yabirisanza obuno bwayo butsira lulengo. Obubuya bwʼeYerũsalema, nʼendeko yaho, nʼolukanda lwaho, nʼoyukatsema omo katĩkatĩ kaho, bikandagaliramo.

Ĩsaya 5:26

Naye asyasumbira ebihanda ebĩkalũa ahali ebendera, kandi asyasyolya busana nabyo oko ndũlĩ yʼekihugo. Neryo lebaya, basyanguha eriasa lũba.

Yeremĩa 22:7

Kandi nasyasolola abaherya erilwa nawe, obuli mundu nʼebindu byʼamalwa biwe. Nabo basyakonda emĩerezĩ mibuya yawe, basyagusayo omo muliro.

Yeremĩa 4:30

Nawe, omundu wʼobũlĩge, wasyakolakĩ kwehĩ? Nomo wangambala esyʼomunyama, nomo wangayĩsũga omo byambalo byʼesyamagetsi, nomo wangagalĩhya ameso wawe omo rangĩ, ũkayĩtendereraya busa, abanze bawe bakakupona, bakasonda-sonda engebe yawe.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Yeremĩa 9:9

Omwami Mukulu ati, Sinangasuyirabo busana nʼemyatsi eyĩ kwehĩ? Omutima wage syangayĩkĩsĩrya busana nʼekihanda ngʼekĩ kwehĩ?

Hosea 5:13

Omugulu Efũraĩmũ alangira endwala yiwe, na Yũda alangira ekironda kiwe, neryo Efũraĩmũ mwaya eAsũrĩa, mwatumira oko mwami ye Yarebũ; nĩkwa sialitoka erĩbalamya, kutse erĩbalya ekironda kyenyũ.

Hosea 9:5

Mwasyakolakĩ oko kiro kyʼerĩhĩndana lĩbũyĩrĩre, oko kiro kikulu kyʼOmwami Mukulu kwehĩ?

Hosea 9:7

Ebiro byʼerisuyira byahĩkĩre, ebiro byʼerĩtũhũlya byahĩkĩre; Ĩsraelĩ baminye omwatsi oyũ, omũmĩnyererĩ nĩ mũkĩrũ, omundu wʼekĩrĩmũ oyũ nĩ mũsĩre, busana nʼobungi bwʼebibi byawe, na kusangwa obũyĩgũ ni bunene.

Amosĩ 5:19

ngʼomundu oyo wasaga endale mwaswahĩndana nʼedubu, kutse akaya omo nyũmba eka nʼerĩegemerya ebyala byʼoko lũhĩmbo, nʼenzoka yikamuluma.

Mĩka 7:4

Omundu mubuya wabo ali ngʼamahwa; omutunganene kwilaba, ali ngʼekikunda kyʼemisakisaki. Ekiro Wasyahĩra omũteya eritswera lyawe lyasyahĩka; erĩhũka-hũka lyʼomutima lyasyahĩka kubo.

Zefania 1:18

Ebĩtsĩpa byabo kutse esyamagetsi syabo, sibyendisyatoka erĩlamyabo oko kiro kyʼeriagalirwa lyʼOmwami Mukulu; nĩkwa ekihugo kyosĩ kyasyatimbikwa omo muliro gʼobũha buwe; kusangwa asyahĩra endũlĩ yo ndeke, ega, endũlĩ yʼerĩũbahya, busana nʼabosĩ abĩkere omo kihugo.

Luka 19:44

Basyabagusa ahisi haguma nʼabandu abali omwisi wawe; isibendĩsyasĩga erĩbwe nʼeriguma endata oko lindi, kusangwa Sulitaminya omugulu Nyamuhanga ahĩka erĩkũlamya.

Eryibuka Ebihano 28:49

Omwami Mukulu asyaleta ekihanda kyʼehali erilwa nenyũ, ekĩkalũa oko ndũlĩ yʼekihugo, ngʼerĩsamba likaguluka; ekihanda ekyo mutendisyaminya omũbũge wakyo;

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.