Ĩsaya 10:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² abakakaga abʼobwaga erĩbanza litunganene, nʼerinyega abera bʼabandu bage erĩsĩngana lyabo, bati abakwakalĩ babye banyegwa babo, ibatoka erĩhũnga esyongũbĩ!

Ĩsaya 10:2 Iomraidhean Croise

Yobũ 31:16

Namabya nabĩrĩkakĩrya abera Ukwʼekyo bakasonda, Kutse erireka ameso wʼomũkwakalĩ erĩhũma,

Esyonyimbo 94:6

Bakĩta abakwakalĩ nʼesyongũbĩ, Bakĩta ababunga abĩkere omo kihugo kyetu.

Erĩlũayo 23:6

Susyebindula olubanza lowene lwʼomwera wawe lo nabi omo mwatsi wuwe.

Emĩsyo 22:22

Sũhũnge ebyʼomwera, kusangwa ni mwera; Kutse sũnũbaye abakagalawa oko lũkyo.

Emĩsyo 30:14

Hali olulengo ameno wabo ali nga mĩyalĩ, Nʼebiyigo byabo ngʼemihamba, Erirya abera balũe omo kihugo, Nʼabʼobwaga balũe omo bandu.

Ĩsaya 1:17

Mwige erikola ndeke. Mũsonda-sondaye erĩbanza litunganene, mũwatĩkaye oyũkanũbĩbawa, mũlekeraye engũbĩ, mwimire omũkwakalĩ.

Ĩsaya 1:23

Abatabalĩ bawe ni bandu bakahona, nĩ bĩra bʼabĩbĩ. Obuli mundu anzĩre esigulo, bakakwama ebihembo. Sĩberekeraya esyongũbĩ, kandi olubanza lwʼabakwakalĩ sĩlũlĩhĩka embere syabo.

Ĩsaya 29:21

Abandu bosĩ abakaleka omundu iniatswerwa omo mwatsi wuwe, nʼeritegera omundu oyukasoha erĩbanza omo lũkyo lwʼomũyĩ nʼeritima omundu omo buhaka bwa busa.

Ĩsaya 3:14

Omwami Mukulu asyatswera abakulu bʼabandu buwe, nʼabanya-mwami babo. Nĩnywe mwalya eririma lyʼebĩnyũ. Eminyego yʼabera iri omo manyũmba wenyũ.

Ĩsaya 3:15

Mũtĩkĩ, muti mũkahĩnola abandu bage, nʼerigoga obũsũ bwʼabera kwehĩ? Omukama Omwami Mukulu wʼemilondo atya.

Ĩsaya 32:6

Kusangwa omũkĩrũ asyabũga ebyʼobũkĩrũ, nʼomutima wuwe asyakola ebibi, erikola ebite bya Nyamuhanga, nʼerĩbũga ebite byʼekwenene busana nʼOmwami Mukulu, erĩtendĩũgũtya omundu wʼenzala, nʼerikaga amagetsi busana nʼoyũkwĩre enyota.

Ĩsaya 5:23

abakayira omundu mubi mo mutunganene busana nʼesigulo, nʼerinyega eritunganene oko yutunganene!

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Ĩsaya 59:15

Ega, ekwenene ikabula. Nʼoyukaleka ebibi akayiyira mo munyego. Neryo Omwami Mukulu mwalangira ekyo, neryo mwatatsemesĩbwa kusangwa sihabya erĩbanza litunganene.

Yeremĩa 7:6

mwamatendĩnũbya omũgendĩ, nʼengũbĩ, nʼomũkwakalĩ, kutse erĩtendĩũta omusasi ate ko musango go hano, kutse erikwama esindi nyamuhanga okwʼihera lyenyũ.

Ekiriro 3:35

Erikaga omundu erĩbanza lyʼekwenene. Embere syʼOwendata Kutsibu,

Ezekĩelĩ 22:7

Babiripona ĩse wabo na koyo wabo ewenyũ. Babĩrĩnũbya ababunga omo katĩkatĩ kenyũ. Babirikola esyongũbĩ nʼomũkwakalĩ bo nabi ewenyũ.

Amosĩ 2:6

Omwami Mukulu akabũga ati, Busana nʼamalolo asatu wa Ĩsraelĩ, ega, busana nʼawani, sindiendisyakakĩrya erisuyira lyako; kusangwa babĩrĩgũlya abatunganene busana nʼesyofranka, nʼabera busana nʼesyongendero ĩbĩrĩ.

Amosĩ 2:7

Abakahumayirira olũtũtũ lwʼekitaka oluli oko mitwe yʼabera, kandi nʼerĩkĩtya enzira yʼabandu bolo; nʼomundu na tata wuwe bakasĩngĩra omwana-muto muguma, busana nʼeritsuma erĩna lyage lĩbũyĩrĩre.

Amosĩ 5:19

ngʼomundu oyo wasaga endale mwaswahĩndana nʼedubu, kutse akaya omo nyũmba eka nʼerĩegemerya ebyala byʼoko lũhĩmbo, nʼenzoka yikamuluma.

Mĩka 3:1

Neryo monabũga nyiti, Ĩnywe bakulu ba Yakobo, nʼabatabalĩ bʼekĩtũnga kya Ĩsraelĩ, muhulikirire. Ĩnywe simwangaminya erĩbanza litunganene kwehĩ?

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [