Ĩsaya 10:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Busana nʼekyo Omukama, Omwami Mukulu wʼemilondo, asyatuma akabonde omo katĩkatĩ kʼesyombangĩ siwe; nʼomo mwanya wʼolukengerwa luwe omuliro asyaka ngʼeriaka lyʼekirimi kyʼomuliro.

Ĩsaya 10:16 Iomraidhean Croise

2 Emyatsi yʼEmigulu 32:21

Neryo Omwami Mukulu mwatuma omũlaĩka, oyo watĩnda esyombangĩ syosĩ syʼamaka, nʼomũsondolĩ nʼabakulu omo kilaliriro kyʼOmwami wʼeAsũrĩa. Neryo mwasuba omo kihugo kiwe nʼesĩsonĩ. Nʼomugulu ahĩka omo hekalũ ya nyamuhanga wuwe, bagala buwe abo abuta mobamwĩtĩraho omo mũyalĩ.

Esyonyimbo 106:15

Neryo mwahabo ebyo bamũbũlaya, Nĩkwa mwatuma endwala nyibi omo katĩkatĩ kabo.

Esyonyimbo 78:31

Nyamuhanga mwahitana kubo, Mwĩta esyombangĩ sya mubo, Kandi mwĩta abalwana babuya ba Ĩsraelĩ!

Ĩsaya 10:18

Kandi asyaherya olukengerwa lʼomũsĩtũ wuwe, nʼolwʼeririma liwe erĩkeraya ebingi, ebibiri byosĩ, omutima nʼomubiri, neryo kyasyabya ngʼomugulu Omũkonĩ akahwerekerera.

Ĩsaya 17:4

Neryo oko kiro ekyo, olukengerwa lwa Yakobo lwasyakeha, nʼerineneha lyʼomubiri wuwe lyasyabonda.

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 31:9

Erĩbwe riwe lyasyahwerekerera busana nʼeriubaha, nʼabanya-mwami buwe basyubaha busana nʼebendera, Omwami Mukulu atya. Omuliro wuwe ali eSĩonĩ, erirunga liwe liri eYerũsalema.

Ĩsaya 37:29

Kusangwa erinyihitanako lyawe, nʼeriyipipa lyawe byabĩrĩhĩka omo matwĩ wage, busana nʼekyo, nasyahĩra oruhugo omo nĩndo yawe, nʼomugatsulo wage omo mĩnywa yawe, kandi nasyakũsũbya omo nzira eyo wasiramo.

Ĩsaya 37:36

Neryo omũlaĩka wʼOmwami Mukulu mwahuluka, mwĩta elfu erĩgana nʼamakũmĩ munani nʼesĩtanu (185,000) omo kilaliriro kyʼAbaasũrĩa. Omugulu abandu babuka omo ngyakya-ngyakya, lebaya abosĩ ibabiribya bĩnda.

Ĩsaya 5:17

Oko mugulu oyo ebyana byʼembũlĩ byasyalya ebiti ngʼomo lũlĩsĩryo lwasyo, nʼabʼehandi basyalira omo bĩma byʼabandu bʼebindu.

Ĩsaya 8:7

Neryo lino, lebaya, Omukama akahetũkĩrayabo amagetsi wʼolũsĩ Efũratĩ, awakalĩre nʼamangi, oyo ni mwami wʼeAsũrĩa nʼolukengerwa luwe losĩ. Nalo lwasyasa nʼerilaba omo syonzira syalo syosĩ, nʼeritswaga oko mikyingyi yalo yosĩ.

Ĩsaya 9:4

Kusangwa wasyabũnanga engomo yʼomuheke wuwe, nʼengonĩ oko bitigo byabo, nʼomũtso wʼomũnũbya wabo ngʼebiro byʼamalwa wʼeMĩdĩanĩ.

Ĩsaya 9:5

Kusangwa ebiryato byʼamalwa byosĩ byʼomundu Oyukambala ebiryato byʼamalwa omo mwaga oyo wʼamalwa, nʼesyongimba esyabĩrĩkũmbagalĩbwa omo musasi syasyabya busana nʼerĩhĩsĩbwa, busana nʼesyongwĩ syʼomuliro.

Yeremĩa 21:14

Omwami Mukulu ati, Nasyabasuyira busana nʼemĩbĩrĩ yenyũ. Nasyakya omuliro omo kikali kyenyũ, nago asyahĩsya ebyosĩ ebiri hakũhĩ.

Yeremĩa 48:14

Mũkabũgakĩ muti, tuli bandu bʼamaka bʼamalwa nʼesyombangĩ syʼamalwa kwehĩ?

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Nahũmũ 1:12

Omwami Mukulu ati, Nomo bangabya nʼamaka gosĩ, nomo bangabya bangi, neryo bine bitya basyatwĩrwa ahisi, kandi basyalenga. Nomo nabĩrĩkwagalya, sĩndĩendĩsyaswakwagalya kandi.

Zefania 2:13

Kandi Omwami Mukulu asyalolya ebyala biwe erilwa nʼelutambi lwʼendata, nʼerĩherya eAsũrĩa. Kandi asyayira eNĩnawe mo kĩma, nʼeriuma ngʼembwarara.

Zekarĩa 7:4

Neryo ekĩnywa kyʼOmwami Mukulu Wʼemilondo mokyambĩkako kiti,

Emibiri 12:23

Neryo-neryo omũlaĩka wʼomukama mwaswĩrya Herode, kusangwa mwataha Nyamuhanga yʼolukengerwa. Neryo mwalibwa nʼemihuka, mwahola.