Ĩsaya 10:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Litya kyasyabya, omugulu Omukama amabĩberererya omũbĩrĩ wuwe gosĩ oko kitwa kyʼeSĩonĩ nʼoko Yerũsalema, nasyasuyira ebĩgũma byʼomutima akalĩre wʼOmwami wʼeAsũrĩa, nʼobubuya bwʼeriyiheka liwe.

Ĩsaya 10:12 Iomraidhean Croise

2 Abami 19:31

Kusangwa erĩlũa omo Yerũsalema hasyahuluka abasaka, nʼerĩlũa oko kitwa kyʼeSĩonĩ ababala. Omũhwa wʼOmwami Mukulu asyakola ekĩ.

Esyonyimbo 18:27

Ũkalamaya abakayĩkehaya Kandi ũkakehaya abakayiheka,

Esyonyimbo 21:10

Omwami asyĩta abana babo, Kandi asyĩta abitsikulu babo omo katĩkatĩ kʼabandu.

Esyonyimbo 76:10

Erihitana lyʼabandu likaleta erikupipa, Abakabala amalwa basyateya ebiro bikulu byawe.

Esyonyimbo 76:5

Abasĩrĩkanĩ, esyombangĩ syabo, babĩrĩhũngwa oko binyegwa byabo. Bakagotsera otũgotserĩ twʼoluholo. Kandi sihali oyo wangakola omo byala biwe.

Emĩsyo 21:4

Ameso mali-mali nʼomutima wʼeriyiheka, Etala yʼababi, ni kibi.

Emĩsyo 30:13

Hali olulengo, ameso wabo ahawĩre ngakĩ! Nʼebĩkoheryo byabo bĩhawĩre.

Ĩsaya 2:11

Emiyitendero yʼameso wʼabandu yasyakehĩbwa, nʼeriyikebera lyʼabandu lyasyahemulirwa ahisi, nʼOmwami Mukulu asyahamĩbwa ĩyowene ekiro ekyo.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 24:21

Neryo oko kiro ekyo, Omwami Mukulu asyasuyira omulondo wʼolubula endata, nʼabami bʼekihugo oko kihugo.

Ĩsaya 27:7

Ngʼerĩswĩrya lyʼoyo waswĩrayabo abĩrĩswĩryabo kwehĩ? Kutse ngʼerĩĩta lyʼabandu buwe bĩtawa babĩrĩkwa kwehĩ?

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Ĩsaya 29:14

neryo, lebaya, ngandisyaswakola omũbĩrĩ wʼeriswekera omo katĩkatĩ kʼabandu aba, omũbĩrĩ wʼeriswekera ndeke. Amenge wʼabʼamenge ba banyima asyahera, nʼeriminya lyʼabanyima-nyima abakalangira lyasyabĩswa.

Ĩsaya 33:1

Obũlĩge kuwe, uwe ũkaheraya, nawe ĩsũlĩwaherĩbwa. Kandi oyũkateba, omugulu abandi batamuteba! Omugulu wamabibuga erĩherya, nawe wasyaherĩbwa. Nʼomugulu wamabibugirira eriteba, abandi basyakukolera amatebo.

Ĩsaya 37:23

Wabiriponandi nʼeritsumandi kwehĩ? Kandi wabĩrĩkandalya omulenge wawe ukundi, nʼerisumbira ameso wawe endata? Ko nʼoko Yũbũyĩrĩre wa Ĩsraelĩ!

Ĩsaya 37:29

Kusangwa erinyihitanako lyawe, nʼeriyipipa lyawe byabĩrĩhĩka omo matwĩ wage, busana nʼekyo, nasyahĩra oruhugo omo nĩndo yawe, nʼomugatsulo wage omo mĩnywa yawe, kandi nasyakũsũbya omo nzira eyo wasiramo.

Ĩsaya 5:15

Omundu molo asyahemuka, nʼomundu mukulu asyakehĩbwa, nʼameso wʼoyukayiheka asyakehĩbwa.

Ĩsaya 50:11

Lebaya, ĩnywe bosĩ ko mũkakaya omuliro, ĩnywe mũkayĩkũndĩka kwʼebĩsĩnganĩkya oko mbande syosĩ, mulendere omo kyakakala kyʼomuliro wenyũ, nʼomo katĩkatĩ kʼebĩsĩnganĩkya ebyo mwabĩrĩakya. Mwasyabana ekĩ omo byala byage kandi mwasyagotsera ahisi omo ngitsi.

Ĩsaya 65:7

Omwami Mukulu ati, Ebibi byenyũ nʼebibi byʼabotata wenyũ haguma. Kusangwa babĩrĩhĩsya obukwa oko bitwa, nʼerinyipona oko hitwa. Busana nʼekyo nasyalenga omũbĩrĩ wabo wʼerĩmbere omo bĩkũba byabo.

Ĩsaya 9:9

Nʼabandu bosĩ basĩkyo, Efũraĩmũ nʼesyondũlanĩ syʼeSamarĩa, abakabũga omwʼiyiheka nʼomo butsibu bwʼomutima bati,

Yeremĩa 25:29

Kusangwa lebaya, ngatsũka erikola erĩĩta oko mũyĩ owakahulawa omo lĩna lyage, nenyũ mwasyasĩgala ndeke butasuyirwa kwehĩ? Omwami Mukulu wʼemilondo ati, Simwendisyabya butsira erisuyirwa, kusangwa ngabirikira omũyalĩ erilwa nʼesyondũlanĩ syosĩ syʼekihugo.

Yeremĩa 50:18

Neryo Omwami Mukulu wʼemilondo, Nyamuhanga wa Ĩsraelĩ ati, Lebaya, nasyasuyira omwami wʼeBabelĩ nʼekihugo kiwe, ngoko nabirisuyira omwami wʼeAsũrĩa.

Yeremĩa 50:32

Nʼoyukayanza asyatwĩkala nʼeriwa, isihali oyo wasyamũhanganĩa. Nage nasyakya omuliro omo mĩyĩ yiwe, nago asyalya ehosĩ ahamũtĩmbĩreko.

Ezekĩelĩ 31:10

Neryo Omukama Iye Omwami Mukulu ati, Kusangwa omuti ni muli oko mubiri, na kusangwa abĩrĩhĩra esingi yago omo bĩtũ, nʼomutima wago akayiheka omo buli bwago.

Ezekĩelĩ 31:14

emiti yosĩ eyiri hakũhĩ nʼamagetsi sĩyĩyĩhamaye busana nʼobuli bwayo, kutse erĩhĩra esingi yayo omo katĩkatĩ kʼebĩtũ, kutse esyombangĩ syayo esĩkapũlaya amagetsi isisyahangana omo buli bwayo. Kusangwa abosĩ bakahĩrawa oko luholo, oko kitaka kyʼeyĩkwa, omo katĩkatĩ kʼabana bʼabandu, haguma nʼabakandagalira omo buhya.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Emiganzo 24:24

Nĩkwa amato asyasa akalũa oko mũsĩke wʼeKĩtĩmũ, Basyagalya Asũrĩ, nʼerĩagalya Eberĩ; Nabo basyahĩka okwʼĩherĩbwa nibya.

Matayo 12:33

Muyire omuti mo muti mubuya, nʼebĩgũma byago mo bibuya; kutse muyire omuti mo mubi nʼebĩgũma byago mo bibi; kusangwa omuti akaminyikala busana nʼebĩgũma byago.

Matayo 15:19

Kusangwa omo mutima wʼomundu mukahuluka amalengekanĩa mabi, erĩĩta, erĩsĩngĩra, amaragane, erĩĩba, eribihira bandi, nʼebĩtsũmĩ.

Eryibuka Ebihano 32:27

Kumbe sinabya ngubaha erĩũmũkya lyʼenzĩgũ, Esyonzĩgũ syabo sikasyahaba omwʼitswera, Bakasyabũga bati, Ebyala byetu byabĩrĩkĩnda, Kandi Omwami Mukulu sialitakola ebyosĩ ebĩ.

1 Petero 4:17

Kusangwa omugulu wʼeritswera abandu ba Nyamuhanga abĩrĩhĩka. Neryo eritswera eryo lyamatsũka ũkwʼĩtwe, endũlĩ yʼabandu abatetsomana Engulu Yowene ya Nyamuhanga yasyabya yiti kwehĩ?