Ĩsaya 1:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Ekihugo kyenyũ nĩ kĩma; emĩyĩ yenyũ yahĩre omo muliro. Amalima wenyũ, abakalũa ehandi babiriryago embere syʼameso wenyũ, nago nĩ kĩma ngʼekĩkaherĩbawa nʼabandu abalũa ehandi.

Ĩsaya 1:7 Iomraidhean Croise

2 Emyatsi yʼEmigulu 28:5

Busana nʼekyo, Omwami Mukulu Nyamuhanga wuwe mwamũhĩra omo byala byʼOmwami wʼeSũrĩa; nabo mobamwĩta, mobamũhũngako endeko nene yʼabanyegwa, mobaletabo eDamasekĩ. Kandi mwahĩrwa omo byala byʼOmwami wʼAbaĩsraelĩ, oyo wamwĩta nʼerĩĩta lĩnene.

Esyonyimbo 107:34

Abirireka ekitaka kyowene ikyabya mulala wʼOmũnyũ, Busana nʼobubi bwʼabandu ababya bĩkereho.

Esyonyimbo 107:39

Omugulu abandu ba Nyamuhanga bakĩndawa nʼerihemulwa, Omwʼĩnũbĩbwa nʼeriagalwa lĩkalĩre,

Esyonyimbo 109:11

Abakama buwe baheke ekitaka kiwe kyosĩ, Nʼabʼehali bahũnge ebyosĩ akolera.

Ĩsaya 1:8

Kandi mwali wʼeSĩonĩ abĩrĩsĩgala ngʼakategeryo omwʼirima lyʼebĩnyũ, ngʼekirindiro omwʼirima lyʼebyobe, ngʼomũyĩ agoterwe.

Ĩsaya 3:8

Kusangwa eYerũsalema yabĩrĩherĩbwa, nʼeYũda yabiriwa, kusangwa olulimi lwabo nʼemĩbĩrĩ yabo nĩ bũyĩgũ oko Mwami Mukulu, erihona embere syʼowʼolukengerwa.

Ĩsaya 34:9

Esyonyũsĩ syako syasyabindulwa mo kasuku, nʼolũtũtũ lwako mo bũsĩngo, nʼekitaka kyayo kyasyabya ngʼakasuku akakagulumira.

Ĩsaya 49:19

Nĩkwa, busana nʼomulala wawe, nʼebĩma byawe, nʼekihugo kyawe ekyabĩrĩherĩbwa, kwenene lino Wasyabya muke busana nʼesyondũlanĩ, nʼabakumera basyabya hali.

Ĩsaya 5:17

Oko mugulu oyo ebyana byʼembũlĩ byasyalya ebiti ngʼomo lũlĩsĩryo lwasyo, nʼabʼehandi basyalira omo bĩma byʼabandu bʼebindu.

Ĩsaya 5:9

Omwami Mukulu wʼemilondo ati, akabũgĩra omo matwĩ wage, ati, Kwenene amanyũmba mangi asyabya bĩhũma nomo angabya manene nʼamabuya, isiali mo bandu.

Ĩsaya 6:11

Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

Ĩsaya 60:15

Nomo wanasĩganĩbawa nʼerĩkũbwa obusu, Isihali mundu ukakulabako, Nasyakuyira eribya eriyiheka lyʼerikota, Nʼobutseme bwʼesyondengo nʼesyondengo.

Ĩsaya 62:8

Omwami Mukulu abĩrĩlahĩrya omo byala biwe byʼamali nʼomo kuboko kwʼamaka wuwe, ati, Kwenene sindiendisyaswaha engano yawe, eribya kalyo busana nʼesyonzĩgũ syawe, kandi abʼehandi sĩbendĩsyaswapũlya ebĩnyũ byawe bihya-bihya, ebyo wabirikumbira.

Ĩsaya 64:10

Emĩyĩ yawe ĩbũyĩrĩre yabiribya mbwarara, eSĩonĩ yabiribya mbwarara, eYerũsalema nĩ kĩma.

Ĩsaya 9:18

Kusangwa ebibi bĩkahĩsaya ngʼomuliro, owakahĩsaya amahwa nʼemisakisaki. Ega, akakaya ebisaka byʼomolĩ, bĩkayĩtĩmbako endata ngʼendũyĩ yʼomũkĩ.

Ĩsaya 9:5

Kusangwa ebiryato byʼamalwa byosĩ byʼomundu Oyukambala ebiryato byʼamalwa omo mwaga oyo wʼamalwa, nʼesyongimba esyabĩrĩkũmbagalĩbwa omo musasi syasyabya busana nʼerĩhĩsĩbwa, busana nʼesyongwĩ syʼomuliro.

Yeremĩa 2:15

Esyondale ndere syabirisyamururumira, syabiriruruma kutsibu, kandi syabiriyira ekihugo kiwe mo kĩma. Emĩyĩ yayo yabĩrĩherĩbwa, siyikiri mo bandu.

Yeremĩa 4:7

Endale yabirihetuka ĩkalũa omo kisaka kyayo, nʼOmũherya wʼebihanda alimwasa omo nzira, abĩrĩlũa aho wuwe, eriyira ekihugo kyawe mo kĩma, emĩyĩ yawe yasyabya mulala, ahate ndũlanĩ.

Yeremĩa 44:6

Kyaleka erihitana lyage nʼeriagalirwa lyage ĩbyũtũlĩrwa nʼeriaka omo mĩyĩ yʼeYũda, nʼomo nzira syʼeYerũsalema. Nayo yabiribya mulala nʼekĩma, ngoko biri mũnabwĩre.

Yeremĩa 6:8

Uwe Yerũsalema ukungawe, omutima wage akasyakũlũako. Ngasyakuyira mo kĩhũma, ekihugo ekite mo bandu.

Yeremĩa 7:34

Neryo nasyahũnerya omo mĩyĩ yʼeYũda nʼomo syonzira syʼeYerũsalema, omulenge wʼeritsanga, nʼomulenge wʼobutseme, nʼomulenge wʼĩba wʼomũherũkĩ, nʼomulenge wʼomũherũkĩ, kusangwa ekihugo kyasyabya mulala.

Ekiriro 5:2

Omwandu wetu abirihabwa abʼehandi, Amanyũmba wetu oko bʼehali.

Ezekĩelĩ 25:4

busana nʼekyo, lebaya, nasyakũhĩra omo byala byʼabandu bʼendata busana nʼerĩkũsĩgalya, kandi basyahĩra ebilaliriro byabo omo katĩkatĩ kenyũ, nʼahʼerĩĩkala lyabo omo katĩkatĩ kenyũ. Basyalya ebĩgũma byawe, kandi basyapũlya amasabũ wenyũ.

Ezekĩelĩ 30:12

Kandi nasyũmya emigende yʼeNĩlĩ, nʼerĩgũlya ekitaka omo byala byʼabandu babi. Kandi nasyayira ekihugo mo kĩma, nʼabosĩ balimo, omo byala byʼabʼehandi. Ingye, Mwami Mukulu, nabĩrĩbũgakyo.

Hosea 7:9

Abʼehandi bakabuga amaka wuwe, nĩkwa ĩsĩasĩkyo; akayira esyombwĩ nĩkwa sĩasĩkyo.

Hosea 8:7

Kusangwa abakabiba erihunga, basyagesa akanyabungu; engano ihangene siyiwite embuto siyendisyayira eyĩsyano; yamasohola abʼehandi basyamerayo.

Abalawĩ 26:33

Nĩkwa, Ĩnywe, nasyabapanza-panzira omo bihanda, kandi nasyabakulira omũyalĩ; nʼekihugo kyenyũ kyasyabya mulala, nʼemĩyĩ yenyũ yasyasinduka.

Abalawĩ 26:34

Neryo ekitaka kyasyatsema omo syoSabato syakyo omugulu gosĩ kikabya omũsĩndo wʼomulala, nenyũ imuli omo byala byʼesyonzĩgu syenyũ; oko mugulu oyo ekitaka kyasyaluhuka, nʼeritsemera esyo Sabato syakyo.

Mĩka 5:11

Nasyaherya emĩyĩ yʼekihugo kyawe, nasyaterya ahakongotere hawe hosĩ.

Mĩka 6:13

Neryo nibya nasyakũswĩrya nʼerĩkũlwalya; nʼerĩkũlolya oko bũlĩge busana nʼebibi byawe.

Eryibuka Ebihano 28:33

Embuto yʼekitaka kyenyũ, nʼemĩbĩrĩ yenyũ yosĩ, byasyalibwa nʼekihanda ekyo mũtasĩ; nenyũ mwasyanũbĩbwa nʼerĩtũndũlwa ebiro byosĩ.

Eryibuka Ebihano 28:43

Owʼehandi oyuli omo katĩkatĩ kenyũ asyayĩhamya endata kwilaba nywe; nĩkwa ĩnywe mwasyabera erisuba eyĩkwa nʼakandi eyĩkwa.

Eryibuka Ebihano 29:23

Ekihugo kyosĩ kyayo nĩ bũsĩngo, nʼomũnyũ, omulala wʼeriakirira, sikyeherawa, kandi sikyebuta, nʼebiti sibyelasa mukyo, ngʼerisinduka lyʼeSodomo nʼeGomora, Adĩma na Zeboyĩmũ, ebyo Mwami Mukulu asindula omwʼihitana liwe, nʼomwʼigalirwa liwe.